|
|||||||||||||||||
لو هتشتري شاشة Lcd يبقي لازم تدخل هنا ..كل شئ عنها : تركيبها. انواعها . اسعارها .
بسم الله الرحمن الرحيم انا يا جماعة لاحظت الفترة الاخيرة ان معظمنا بدا يغير شاشته ويلجا لل LCD وخاصة بعد اما نزل تمنها 100% تقريبا وانا حبيت اعمل الموضوع ده علشان الناس تعرف مميزات وعيوب الشاشات ال LCD وكمان تعرف لما تنزل تشترى تشترى انواع ايه واحب اعرفكم اهم حاجات تعرفك اذا كانت الشاشة كويسة وامكانياتها حلوة ولا لأ 1- اهم حاجة فى الشاشة ال LCD حاجة اسمها ال Response Time وده معناه المعدل الزمنى للاستجابة لمؤثر البصرى وده مهم جدا ويفرق فى كفاءة ونقاء عرض الشاشة فاكرين زمان كنا لما نتفرج على فيلم على شاشة LCD كنا نحس ان الشاشة بتبقع وتطلع مربعات وكده وده لأن ال Response time كان عالى اياميها اعتقد انه كان 20 MS اما حاليا فالحمد لله الشركات بدات تحسن الجزئية دى لدرجة ان ال Response time نزل لحد 2MS شوفتوا الفرق واضح قد ايه وده يخلى الشاشة اكتر من رائعة فى عرض الموثرات البصرية السريعة زى الالعاب والافلام وعلشان نبقى فى المضمون هو عامتا ثبت ان اى شاشة ال Respose time بتاعها من 7ms لاقل فهى شاشة جيدة وتناسب استخدام الالعاب والافلام وانا لاحظت ان معظم الشاشات اللى فى السوق بتتراوح من 2MS لحد 5MS وده يسهل علينا ويخلينا نبقى مرتاحين بعض الشىء 2- ودى تانى اهم حاجة فى الشاشة ال LCD وهى ال Refresh rate ودى اللى هى معدل التجديد"التنشيط" ودى يا جماعة فايدتها مهمة فى الالعاب و بتظهر اوى اوى اوى فى الالعاب اللى فيها خطوط مستقيمة زى الفيفا والبرو ايفلوشن ونلاحظ هنا ان بيحصل تكسير و تمويج فى الخطوط لما بيكون ال Refresh Rate قليل وغالبا ما يكون ال Refresh rate فى معظم الشاشات من 60Hz الى 72Hz ده فى ال LCD وطبعا فى شاشات بتوصل لحد 200Hz بس دى اسعارها خرافية وانا بقول ان انسب حاجة هى لحد 85HZ وده مش معناه ان ال 72 او 75 وحشة لكن زى ما انا وضحت كل ما الRefresh rate يزيد يكون افضل 3- دى تالت نقطة وقد لا تكون ذات اهمية كبيرة وهى ال Contrast ratio وهى معدل التباين و ده يفرق فى سطوع ووضوح الالوان على الشاشة وهو غالبا صعب التفريق فيه بس معظم التجارب و الملاحظات اثبتت انه من اول نسبة 1:700 لحد نسبة 1:5000 بتقع كل الالوان الطبيعية وتكون من الصعب التمييز بينهم والحمد لله ان معظم اللى فى السوق 1:700 لو 1:1000 و نادرا لما تلاقى اعلى من كده زى ما احنا عارفين ان الشاشات ال LCD رقيقة جدا وغير كده سطحها البينى رقيق وبيتاثر باى حاجة حتى لو كانت بسيطة ودى اكتر حاجات تضر الشاشة : 1- اوعى تحط اى حاجة سخنة او ساقعة جنب الشاشة لأن اى بخار متصاعد بياثر على المكثفات ده غير كده لن بلورات الكريستال بتتاثر بسرعة بدرجة الحرارة بدليل انك لما بتفتح الشاشة بتلاقى اضاءتها ضعيفة وبعد كده اضاءتها بتزيد تدريجيا 2- النقطة دى خاصة بالناس المدخنة فى ناس بتحب تشرب سجاير وهى قاعده على الكمبيوتر فيجى بالصدفة وهو بيشاور على الشاشة تروح السيجارة لامسة الشاشة فتروح عاملة علامة صفراء فى اسود زى حرق كده كانك حرقت كيس بلاستيك ابيض والسبب فى كده ان الشاشة السطح الخارجى ليها مغلف بغشاء جيلاتينى ضاغط "وده على حد علمى " فياريت ما تشربش سجاير وانت قاعد " بطل سجاير احسن " 3- بالنسبة بقى للناس اللى ليها اخوات صغيرين او عندها اطفال حاول بقدر الامكان تبعد الاطفال عن الشاشة لأنه لو ضغط على الشاشة بقوة مكان الضغط بيسيب علامة بتفضل العمر كله "كانى ضربتك بمشرط فى ايدك اكيد هتعلم " هو ده نفس الوضع 4- الشاشات ال LCD عامتا مفروض ان بيجى ليها كبل كهرباء بفيشة ثلاثية "المفروض علشان توصل ارضى علشان اى كهرباء زيادة تتوزع " بس الحمد لله احنا فى مصر معندناش الكلام ده فانت هتضطر تحافظ عليها بنفسك يعنى تقفلها بليل وتشيل الكهرباء عنها و لما النور يقطع تشيل الكهرباء " وانا بفضل انكم تعملو زىى وتجيبوا استبليزر وهو هيريحكوا جدا لأنه هيثبت الكهرباء وهياخد كل الصدمات بعيد عن الكمبيوتر وهو فى حدود 120 جنيه تقريبا " 5- ودى اهم نقطة الشاشات ال LCD عامتا ليها عمر افتراضى بمعنى " ان ليها عدد ساعات معينة هتشتغلهم يعنى هى كده كده هتبوظ بعد عمرها الافتراضى والعمر ده بيتقاس بعدد الساعات يعنى بيدوك Range مثلا من 60000 ساعة : 80000 ساعة "مثلا" يعنى الشاشة هتعيش ان شاء الله لحد المدة دى بس مش ازيد " ومين عالم الاستعمال الجيد يزيد العمر للضعف " وده عيب الشاشات ال LCD عن الشاشات العادية ال CRT اللى هى بتتقاس بمعدل الاهلاك يعنى الشاشة تبوظ لما تهلكها مش لما عمرها يخلص زى العربياااات : و اكيد كل حاجة ليها عمر. " نكمل مع بعض بقى حكاية الماركات وقطع الغيار الماركات الحلوة هى اللى انا هكتبها واللى مش هتتكتب مش معنى كده ان هى وحشة بس فى موديلات منها وحشة ومرتجعاتها كتييير ViewSonic , DELL , HP , Philips , SONY , BenQ , Samsung , NEC وانا برشح ال BenQ وال ViewSonic اكتر لأن سعرهم حلو وفى نفس الوقت عرضهم جميل جدا وراقى ده غير ان كل ما الموديل بتاع الشاشة يتباع اكتر كل ما صيانته تبقى اسهل وقطع غياره متوفرة Developer
|
28 Jan 2009, 12:41 AM | [ 2 ] | |||||||
تحدّوني البشر
|
أخوي يبغى هذي الشاشة بخليه يقرأ موضوعك بيفيده أكيد يعطيك ألف عافية ياهيثم |
|||||||
|
||||||||
28 Jan 2009, 12:17 PM | [ 3 ] | |||||||
it*s hero
|
|
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
درس عن مكونات الحاسوب وطريقة تركيبها بالصور | روعة الوجود | جديد المواقع ـ شروحات البرامج ـ المشاكل والحلول | 9 | 29 Oct 2010 05:18 PM |
لمحبي جوالات ال جي هنا اسعارها | وافي الشدادي | الهواتف الذكية - سامسونج - هواوي - البلاك بيري | 10 | 25 Jun 2009 02:44 PM |
خامات شماغ مع بيت شعر زائد طريقة تركيبها | رعد الجبوب | دروس الفوتوشوب | 14 | 05 Mar 2009 12:01 PM |
مشروبات الطاقة بكافة انواعها . البايسن , رد بول , بورهورس | ابن مهرس2008 | إكسير النقاء | 22 | 10 Nov 2008 09:46 AM |
مجموعة من الفرش + طريقة تركيبها | بـنـت أبوهـــا | بوح التصميم وخدمات المصممين | 21 | 24 Mar 2008 10:54 PM |
|