اليا تعنقت السهر والسفر طال

اليا تعنقت السهر والسفر طال
قامت هجوسي تبتدي في القصيده

والهرج ماكله على الناس ينقال
لو كان حطيته بجمله مفيده

دور على جزل المعاني والامثال
ترا الفريد الي يحب الفريده

يانعمة الدنيا وي نعمة الحال
ياول مواليد الحياه السعيده

يانعمة الله كيف يرتاح لي بال
والوقت محرم نفسي الي تريده

والله لسوق النفس باقفاي واقبال
مدام هقواتي بعيني بعيده

اخيل برق لاح وسط السما عال
وادعي بسم ربً علينا يعيده

يانعمة ماهيب يومً وتنزال
وقناعتي فيها لنفسي شديده

انت الطموح الي رجيته ولا ازال
ابني عليه اهداف عمر جديده

اليا عطاك الله في عمرك اعيال
وفرحتك صارت في عيونك اكيده

يطري علي امن الشقى قطعه اميال
واحن للموتر لو انه حديده

ويطري عليه دمعته بين الازوال
دمعه فرح ماهيب دمعه فقيده

في عيون من يرخصلها الحال والمال
الكايده والفارقه والعنيده

الخوف يملا قلبها كل ماطال
بعد المسافه كل شي تزيده

والهرج ماكله على الناس ينقال
لو كان حطيته بجمله مفيده

الله الله
يا أبو نايش
شاعر كبير ومبدع ومتميز
وما قصرت الله يبيض وجهك ويعلي قدرك

ابداع ولا هو غريب عليك أخوي النايش
قصيدة روعة والله يحفظك ويسلمك وصح لسانك

ارحب مليون يا أبو نايش ولا تكفيك
وبيض الله وجهك على القصيد الزين
والعلوم الجزلة وأنت راعيها وصح لسانك

النايش صح بوحك ع الكلمات وجميل وتميزك وابداعك

دوماًراقي بما تسرد به من سطورالابداع يتجلئ

صح لسانك ولا هنت يا أبو نايش
وبيض الله وجهك على هذه القصيدة

الله الله يَ أبو نايش يسلم راسك و يسلم بنانك ي الجزل على المعاني الفريدة و التعظيم القيم في الأبيات متابع لكل جديد لك بشغف ،،

النائش
صح لسانك شاعر جزل
متمكن. فالك التوفيق

صحة ابدانكم وشكرا لكم ولمروركم الكريم والجميل

سلمت ولا ندمت
وبيض الله وجهك على هذه القصيدة
وعساك دوم على العز والنوماس وصح لسانك