|
|||||||||||||||||
العذر يا أبن جربان
بسم الله الرحمن الرحيم السلام عليكم ورحمة الله وبركاته.. جيمعنا نفتخر بما فعله أبناء عمومة الشاعر حمود بن جربان الشدادي من حفل كبير وجميل ويعتبر أول ملتقى لقبيلة ابن الحارث بصفة رسمية والحقيقة نومسونا الجماعة وبيض الله وجيهم وما قصروا وأنا أعتذر من أبناء عمي وخوالي الجرابين وأعتذر من الجميع لعدم حضوري هذا الملتقى التاريخي لظروف خاصة ويعلم الله أنني كنت حريص على الحضور مع شاعرنا وخالنا حمود بن جربان في حفل تكريمه ومشاركته في فرحه ولكن ما أراد الله ونتمنى لشاعرنا حمود التوفيق والنجاح وإن شاء نحتفل بفوزه في المسابقة وهو قدها وقدود.. وهذه القصيدة لأخوي/ فيصل بن زايد بن نايف بن شرار بن مهرس وهي تعبر عن نفسها وإن شاء الله تنال إعجابكم وأستحسانكم (( ابا اتعذر من خوالي هل النقاء ..... والعذر له عند الرجال اقبال ))
يالله يالمطلوب يا قايد الرجاء = ياللي لعسرات العقد حلاّل يا محيي الدار المحول السنيه = ومرسل علاها من عطاك خيال وتصبح بها الريضان خضرا ومزهرة = وفيها أم سالم تلعب الموال تفرج لنا من جايرات الليالي = يا عالم ٍ بالسر والأحوال ابن شرار يقول من طيب البناء = مثايل ٍ تطرب لها العقال أصونها عن كل شي ٍ يعيبها = وعن هرجة أهل القيل وأهل القال وأنا ليا سويت قاف ٍ من الشعر = يجي منظم كنه السلسال وألذ وأحلى من لبن شمخ الذرا = اللي رعت في هيبة الأبطال ترعى بفرسان الشدادين حرزها = ومن دونها سيف وقناء ورجال ومن حيث ما طاح الحياء ربعوبه = من الجنوب أليا العراق شمال واخلاف ذا يا راكب ٍ عيدهيه = منوة غريب ٍ صايبه ولوال لا روّحت مع رقة ٍ مجرهده = تشدي نعام ٍ ذاير ٍ مجفال تلفي بني جربان كسابة الثناء = أهل القبال الزين والأفعال خوالي اللي يكسبون المعالي = عاداتهم من ماضي الأجيال عوارف ٍ يوم العوارف تجيهم = ولأهل العيا والمخطيه عيّال يا طيبهم طيباه قول ٍ مثبّت = ماهوب قول الكذب والخيال وقفاتهم يشهد بها كل طيّب = وألا الردي ماهمهم لو قال عيال عود ٍ بان فعله على النضاء = وأليا ركب فوق الرمك خيّال جربان بن ضاوي عطيب الفعايل = لا جاء لعجات الخيول ظلال أبا اتعذر من خوالي هل النقاء = والعذر له عند الرجال اقبال ودي بكم مار الليالي عصيه = اللي حدتني لا احضر المحفال حدتني الدنيا وقاسي ظروفها = لو كان قلبي يمكم ميّال وحمود يستاهل منومس قبيلته = حر ٍ رقى بالطايلات وطال شاعر محنك والرجال شهدوا له = يبدع بيوت ٍ كلهن جزال يستاهل البيضاء زعيم القوافي = والمدح في راعي الوفاء ينقال وأليا بدا التصويت يبشر بصوتنا = لو كان من دمي يبا شلاّل ودي حضرنا حفلكم يا خوالي = مار الليالي تحتدي الرجّال تقبلوا عذري وصادق محبتي = والعذر له عند الرجال اقبال تمت وصلى الله على خاتم الرسل = شفيعنا في ماقف الأهوال وفي الختام تقبلوا تحيات أخوكم .. ابن مهرس
|
15 Apr 2009, 12:13 AM | [ 2 ] | ||||||||
|
الله يوفق أبن جربان وصح إلسان الشاعر وسلمت يا إبن مهرس |
||||||||
|
|||||||||
15 Apr 2009, 12:24 AM | [ 3 ] | ||||||||
شاعر
|
الله يوفق أبن جربان
وصح إلسان الشاعر وسلمت يا إبن مهرس |
||||||||
|
|||||||||
15 Apr 2009, 01:14 AM | [ 4 ] | ||||||||
شاعر
|
صح لسانك يابن مهرس وبيًض الله وجيهكم ولا للعذر السمين عند الرجال الطيًيبين غير الطيب والقبول عذرٍ سمينٍ ولا يحتاج يافيصل =أنتم هل العرف والأفعال من ضاري |
||||||||
|
|||||||||
15 Apr 2009, 09:21 AM | [ 5 ] | ||||||||
مؤسس شبكة الشدادين
|
الله الله يا أبو زايد تعجبني الهلاليات واطرب لسماعها وقراءتها كفيت ووفيت وعذرك عن ابن عمك مقبول يا ذيبان طيب الله فالك يا ابن مهرس ولا هنت يا الذيب |
||||||||
|
|||||||||
15 Apr 2009, 01:48 PM | [ 6 ] | |||||||
شاعر
|
بندر النايف البرينيسي واعي السلطان مشكورين يالربع على مروركم وحياكم الله وصح لسانك يا واعي وبيض الله وجهك |
|||||||
15 Apr 2009, 02:53 PM | [ 7 ] | ||||||
|
شكراً يـــا فيصل على هذه القصيدة الجميلة وبيض الله وجهك وكفيت ووفيت وعذرك مقبول والشك زائل ولك جزيل الشكر والتقدير ياشبل الأبطال وشكرا من الأعماق لابن مهرس على نقل القصيدة .. خالك : أبو سلطان .. |
||||||
|
|||||||
16 Apr 2009, 12:08 AM | [ 8 ] | ||||||||
نائب المشرف العام
|
صح لسان الشاعر فيصل بن زايد والله يوفق ابن جربان يستاهل كل خير ومشكور أخوي ابن مهرس على نقل هذه لقصيدة الجزلة في رجال جزال دمت بحفظ الرحمن أبو حسام |
||||||||
|
|||||||||
16 Apr 2009, 12:21 AM | [ 9 ] | ||||||||
مراقب عام
|
قصيده تنومس من فيصل بن زايد بن نايف بن شرار بن مهرس
وعذرك مقبول إن شاء الله من خوالك وسلمت ياأبن مهرس على هذا النقل |
||||||||
|
|||||||||
16 Apr 2009, 06:24 PM | [ 10 ] | |||||||
شاعر
|
أبو سلطان الشدادي حياك الله يا خال وأنتم أهل الطيب والعلم الغانم وبيض الله وجيهكم وحفلكم فخر لقبيلة ابن الحارث عموم وحمود ما قصر ويستاهل التكريم راعي الوفاء وإن شاء الله يفوز بالمسابقة ونحتفل بفوزه أبو ريان خيال الشدادين حياكم الله يالربع ومرورك يشرفني ولا هنتم يالغالين |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
العذر والسموحه ياغالين | البدر | الترحيب والتهاني | 15 | 10 Nov 2007 04:33 PM |
عودتي بعد غيابي ...أستميحكم العذر!! | وهج الخيال | الترحيب والتهاني | 39 | 26 Aug 2007 06:26 AM |
|