محاورة الغربي وعقاب الشدادي

صح لسانك يالغربي

هههههههههههههههههه

بس ترى عقاب ماهو يم القشر ههههههههههه

نعرف جميع العلوم اللـي تخبونهـا


الله الله لا هنت يالغربي الليل الليل


صــح لسااانك يالغربي ..!

مسيتوا بالخير

صحة اللسنتكم جميع ولا هنتوا

والليل الليل ياشعار

سيف الله يعطيك العافيه

ويطول في عمرك قول امين

ويعافيك يالغربي ويطول بعمرك << أمين


لا هنت يا أبو عبيد ولا هان الجميع ..!

الشدادي

صح بدنك الله يحييك

يابو عابد جمع الابيات

الله لايهينك

الله يكافينا ما انت بسهل يالغربي
استلم

عن الهوى ظني يا صحيبي ما تعتذر = لا تطفي النار وربوعك يشبونها
انته تبانا نسنّد وألا تبا انحدر = يا صاحب ٍ فيك ربعك كبرة ظنونها

الغربي

سلام يا شاعرٍ تصخر بيوت الشعر=تصخر بيوت القصيد وتعزف الحونها
ياعقاب بسري معك بالقاف لين الفجر=والناس بتشوف ردي معك بعيونها

عقاب

يا مرحبا في محل اهل الشرف والفخر= ترحيبة ٍ طيبه والناس يوحونها
يا عيد اشوفك تقدم وأنت قدمك بحر = مار اوزن اخطاك والمشيه على هونها

الغربي

دام البقاء يالمرحب مار هات الخبر=نبي علوم عن العالم تدسونها
ياعقاب بنصحك لاتقرب دروب الخطر=ولاتامن الناس لو تضحك لك سنونها

عقاب

أنته تبا تختبي لكن مافي مفر = وحيلتك صعبة على مثلي تسوقونها
الغربي له مدة ٍ يقطف ورود الشجر = ويحب يقرا قصص ليلى ومجنونها

الغربي

ياعقاب اشوفك تجاوزت الخطوط الحمر=من بعد ماكنت اشوفك رابض دونها
قيس متعلق بليلى يوم قلبه خضر=وصارت لهم سيرة والناس يطرونها

عقاب

وراك يا صاحبي كنك وطيت الجمر= وانا من اللي ليا ضاقت يفكونها
الا يا زين النجوم ان كان غاب القمر = والظاهر انك من اللي ما يشوفونها

الغربي

ياعقاب اضنك من اللي ودهم بالقشر=ومن دوروها ترى لابد يلقونها
لاتعتذر ياصحيبي راح وقت العذر=نعرف جميع العلوم اللي تخبونها

عقاب

عن الهوى ظني يا صحيبي ما تعتذر = لا تطفي النار وربوعك يشبونها
انته تبانا نسنّد وألا تبا انحدر = يا صاحب ٍ فيك ربعك كبرة ظنونها

صح لسانك ياعقاااب ولايهون الغربي

ماشاء الله عليكم

بس لايضيع المعنا تكفوووون