نفخر بهم ما بين كل القبائل

هذه القصيده قلتها في الامراءالذين تعاقبوا على لواءالقبيله هم و بعض ابناء عمومتهم الفرسان الذين لهم بصمه واضحه في تاريخ القبيله

سلام ياللي يكسبون الجمايل=ساس الاماره كل ابوهم سلاطين
باتل وفاهد من رجال الفعايل=ومفلح امير ومن رجال شجيعين
مبارك امير القوم للحمل شايل=عن فعل ابن باتل ترى الناس دارين
ومزيد مع زياد والراس طايل=وعجار ابن مهرس صعوط المجانين
وشرار اخو فاحا علومه جزايل =شيخ وشجيع من رجال شجيعين
وعائض ابن مهرس يشيل الثقايل=ومحماس معروفن يضد المعادين
وابوحسين اليوم رجل الصمائل=ولا خير في علمن بليا براهين
نفخر بهم ما بين كل القبايل=ربعي هل الطاله من اول وذلحين
ربعي هل الطاله رجال دلايل=الجد شدادي ونرجع قحاطين
يالخصم وان كانك على القوم عائل=عود ترى قدمك رجال شديدين
لطامت العائل رجال زحائل=واهل الكرم باقين في العسر واللين
واهل الكرم يوم الليالي قلايل=وفي عصرنا هذا على الطيب باقين
هاض الضمير وجبت زين المثايل=انقي بيوت الشعر واظهر الزين
انقى بيوت الشعر باهون وسائل=والعلم ما يصلح بليا تثامين
وصلاة ربي عد وبل المخايل=على محمد خاتم للنبيين

وينها .؟؟؟؟

صح لسانك وبيض الله وجهك

وسبعة انعام في كل من ذكرت

يعطيك الف عافيه

لا فض فوك
والنعم بالمهارسه والشدادين
قوم الفعايل والرصاص الحمر

صــح لســانك وعلــى شــانك يــابن العـــــم
قصيــدة جـــزلة مــن شــاعر جـــززل
وسبعــة انعــام بمــن ذكــرت وبالاد شــداد
والشــدادين منـــا وفينـــا نفتخـــر فيهـــم
ومشكــــــــووور

مــع تحيـــــــات
الحسيكــي الحــــــارثي

صح لسانك اخوي على هالقصيدة

الرااائعه لاهنت

كل الود

صح لسانك يابو سفر وبيض الله وجهك

على القصيده الجزله

ونعم بالشدادين وبشيوخهم وبفرسانهم

لاهنت والله يعطيك العافيه

تقبل تحياتي الغربي

صح لسانك أبو سفر

والرأس مايقوم إلا بمتونه والشدادين وإمراءهم

يستحقون هذه القصيدة الرائعه وسبعة أنعام بهم أول وألحين

صح لسانك
وبيض الله وجهك يابن العم
وما علاك زود وأنتم درع الجنب

صح إلسانك ولا هنت وترا أنا جيت أول ما كتبت الموضوع

وما لقيت قصيده وكتبت وينها ؟.؟؟؟

العذر والسموحه بس أنت لا تنزل موضوع إلا كامل

<<< تخبر فيه ملقف مثل ذا هههههههههههههههههههههههههههه