آخر مواعيدي

		المشاركة الأصلية بواسطة : هديل الحب اقتباس
	هنا يتجدد اللقاء و يحلو السمر مبدع ما شاء الله كيس الشعير انشق ثم صار مكتوت هههههه ظنك ليه ؟ اشرحها لي بعد اذنك يعني انت تقصد الفروق الطبقية ؟

يا مرحبتين والله

الله مير يسلمك الابداع وجودك

وبخصوص سؤالك

كانت مقارنه بسيطه بيني وبين الوضع اللي يصير حولي
وهو البيع والشراء والسعي والتجار واللي نظامهم انا بغني وانت اعزف والعكس (شد لي وأقطع لك)
والناس اللي تاخذها بارده مبرده (شاربين التوت)

وانا ..
بعيد كل البعد عنهم اكبر همومي مابين الابل والغنم وحظي لك عليه
حتى وانا كافي الناس خيري وشري ضاع راس مالي ..
وهو كيس الشعير بعد ما انشق وصار مكتوت
لاني باقدر ابيعه ولاني اقدر استفيد منه ..

* لفت انتباهي تأويلك للبيت ، وأشكرك على تواجدك

ياللي تغيب شهور لاهنت لاهنت
.............. ( علمتني ) وشلون معنى القطاعه

احسنت يابعد العشاشيق احسنت
.............. احسنت فعلك ، وانت طبعك سناعه

بعلمك بالعلم .. دامك ( تفرعنت )
.............. الفرق [ واضح ] بين فرد وجماعه

اسمع وصاتي دام في خافقي كنت
.............. ومادام في سلمك .. تهون البشاعه

لا شفتني من ضيق صدري تكفنت
.............. وقامت على سوقي توَرّد بضاعه !

بحلف بـ ( ربي ) ، وانت بالله آمنت
.............. " بيني وبين الهم دمّ و / رضاعه " !!

واحد ٍ من عمّاني معلّق له جلد ذيب
على دريشة الصاله بعذر ان بيته فيه ( جن )
وكلكم عارفين مقدار الذيب عند العرب كافه
وارسلت له هالابيات من باب مزح ومدح ، وهو يستاهل ..

يا ( ذيب ) ياللي فـالدريشـه تعلّقـت
.......... هذا زمانـك .. والمصايـب حدنّـك
لا تلومنـي يابـو فهـد لا تضايقـت
.......... وش ذنب ذيب(ن) من مضرّات جِنّـك
البارحه .. مابيـن غصنـي تسلّقـت
.......... وقمت اقطف الجزله وسولفـت عنّـك
احدن توطت به صواديـف هالوقـت
.......... وانته صواديفك ما يـوم(ن) وطنّـك
أوصفك ومع وصف القصايد تطابقت
.......... واليا بغيت ارسمـك فالبـال كنّّـك :
تكفخ جناحينك .. و فالجـو عانقـت
.......... روس الطويلـه والطويـلات فـنّـك
وكنك رضعت الطيب من يومك اخلقت
.......... وكن المراجـل تاخـذ الطيـب منّـك
عـزالله انـك فـالمراجـل تفهّقـت
.......... وعـزالله انـك فـالمواقـف محنّـك
ولـو تخيّرنـي بهـا .. ماتوهـقـت
.......... والله لـيرجح فـوق الاطنـان طنّـك
نخيت شعري وفي بحـوره تعمّقـت
.......... وصرت اصرف القيفان وانـا مبنّـك
فارس وقطعّت المسافـات وأرهقـت
.......... خيل القوافي عقـب هالقـاف جَنّـك

ماشاءالله

صح لسانك ملايين ومايسدون

والله ماأدري وش أقتبس ولكن الصمت في حرم الجمال جمال

ومتابعه ^_^

يا مرحبا بك يا سديم
صمتك ومرورك .. وسام شرف
صح بدنك ،

.
.

يدينـي الثنتيـن منّـك غنـيّـه
.................. واخطاي رجلي من بعادك جبانـه

كنت آحسبك بالحب دايـم وفيّـه
.................. كنت آحسبك يانبض روحي تكانه

اهديت لك عيني ورمشي هديّـه
.................. واهديت لك قلب المحب وحنانـه

تعبت اجامل زلّتك .. والخطيّـه
.................. جاحد وخاين / ماتعرف الامانـه

شكرا .. على كل الجروح النديّه
.................. شكراً .. على كل الكذب والخيانه

.
.

ماهزنا الشيعي ولا اقـزام إيـران
............ والله لتبطي وانت عينـك كسيـره
.
لا يا حمد شرواك ماهوب ورطـان
............ مادام في صفك سيوف(ن) شطيـره
.
حنا آهلها لا غشـا الجـو دخّـان
............ بأمر الملك جاتك دروع الجزيـره
.
شجعان من روس السلاطين شجعان
............ ندحم لأجل عينك جموع(ن) غفيره
.
كل الخليج يجيك بيسوف وحصـان
............ وكلن علـى البيـدا ينـوخ بعيـره
.
اللـي يعادينا على طـول خسـران
............ المـوت يشتالـه وهـذا مصيـره
.
حنا هل العوجـا ذريبيـن الايمـان
............ قبايل(ن) ناطـا علـى كـل ديـره
.
اااامر يابو متعب وتفـداك الابـدان
............ حنا الجسد وانت العيون البصيـره
.
صقر العروبه والفخر ياكحيـلان ؟
............ أسمك لحاله ، ماخذ المجد سيـره !
.
ابك العلم مرفوع من فوق الاوطان
............ لا يا وطن حنا الشفـق والذخيـره
.
ياجيش ال سعود والقـاف بطـران
............ الراس شاعـر والقوافـي كثيـره

الله رزقني بالشعـر سيـف قطّـام
وأمشي طريقي عارف(ن) وين رايح
هاك النصيحه من على روس الاقلام
نصيحة(ن) تسوى جميـع النصايـح
دام المراجـل بالعـذارى والارقـام
وأكبر طموح الرجل كثر الشرايـح
تفّل على كـل الزلايـب والاقـزام
وأسحب على اللي شغلهم بالفضايح
الورع الاحمر لابس شمـاغ بسّـام
والحرمه اللي من تشوفـه تصايـح
مات الحيا وماتت تقاليـد الاسـلام
راحت اراضي غصب عقب المنايح
خلّك عقاب(ن) وسط السمـاء حـام
لتصير فرخ(ن) حادر القاع طايـح
ارفع علومك .. خلها فوق الاهـرام
والعود الازرق بين الاجـواد فايـح
وخاو الرجال اللي لها الطيب لـزّام
ذباحـة القعـدان وأهـل الذبـايـح
أهل الدلال الصفر من ماض الايـام
وأهل العطا وأهل الفخر والمدايـح
وان كانني زعـلان مانيـب منـلام
وش حيلتي مدّات حظـي شحايـح
خلْها على ربك ترى الحال منضـام
وش ترتجي ياخـوك والسـد بايـح
الهم ماكلني مـن شهـور واعـوام
وضلوع صدري من همومي نزايـح
هـذي رسالـه والمشاريـه قـدّام
من واحدن شعره كما البـرق لايـح
شاعر على لوح الجزيـلات رسّـام
ويسج رجلـه مـع نسيـم البرايـح

مدونة جميلة جدا

اول مرور عليها

مبدع اخوي فارس

ولكن عندي ملاحظة بسيطة اتمنى تتقبلها بصدر رحب

يا ( ذيب ) ياللي فـالدريشـه تعلّقـت


.......... هذا زمانـك .. والمصايـب حدنّـك


احس لو كتبت ياطير في الدريشة تعلقت


كان افضل لان الطير من صفاته التحليق


لان اغلب الكلمات فيها تحليق
واغصان فالاولى الطيور


فقط


لك من الورد اعطره

مبدع

تحيااااااااااااااااااااااااااااااااااااااااااااااا ااااااااااااااتي