انا امتني في كل ديرة شدادين

بسم الله الرحمن الرحيم

اخواني في منتدى الشدادين

السلام عليكم ورحمة الله وبركاته

كل عام وانتم بخير ، وتقبل الله منا ومنكم

هذه القصيده للشاعر الكبير / حسن بن محيميد الشلوي

مدح في الشدادين ، وافعالهم الطيبه مع القاصي والداني ، وهم يستاهلون

حبيت اشارك بها في منتداكم ، ولكم كل التقدير والاحترام ،،،،،،

نعوذ بالله من جميع الشياطين = تصفي القلوب ويصبح الجو هادي
يالله ياللي تطلع الماء من الطين = عليك يامنشي السحاب اعتمادي
نعالج الدنيا على العسر واللين = وياكم حداني من زماني حوداي
وناخذ من التجار دينن على دين = والراس شّيب والليالي جدادي
والعرف اله عند العوارف قوانين = نوعن رخيص ونوع مسكن وكادي
نويت بالمسيار مدري على وين = يابو ذياب اليوم وين انت غادي
انا امتني في كل ديرة شدادين = اقولها واعلن بها في الروادي
ياليت ابن هلال ربعه ثمانين = امرتبينن في جميع البلادي
حتى اليا جينا من البعد لافين = نلقى لهم فرقان في كل وادي
ليت ابن عون الله اخوانه ثلاثين = فيهم طبوعن من طبوع المهادي
وفيهم طبوعن من طبوع السراحين = من قوم ابو زيد الهلالي وكادي
عزوة عجار اللي يخوض الميادين = فوق الهجن والصافنات الجيادي
من غار نقصن في الشيوخ الموالين = دوخي وعيد مطوعين العنادي
قبايل ابن هريس حامي المقفين = اهل التفق واهل السيوف الحدادي
وآلاد جياش الرجال المسمين = راعي الخطا عنهم يذب السنادي
ماكل من يرقى تعلا المزابين = ولاكل من يرهي على الصيد صادي
الين ابو تركي نشر كلمة الدين = وقوى هل التوحيد واهل الجهادي
مرحوم ياعبد العزيز احمر العين = امن الكويت اقبل ونادى المنادي
وعّقّب حرارن كلبوهم سلاطين = والامن عم الحاضرة والبوادي
خلوا صحاري نجد تطلع بساتين = واليوم بعد الحر صار البرادي

ــــــــــــــــــــــ
ابو ياسر

مشكور اخوي

هلا وحياك الله

اخوي وصح لسان الشاعر

قصيده راااااائعه وجزله

لاهنت اخوي

		المشاركة الأصلية بواسطة : اقتباس
	عزوة عجار اللي يخوض المياديـن=فوق الهجن والصافنـات الجيـادي

صح لسانك .. يالشاعر..
وياهلا بتواجدك.. معنا ياهلا

اخوي ابو ياسر العمري الله يحييك بين ربعك واخوانك الشدادين
ومشكور على نقل هذه القصيده التي توثق العلاقه بين قبائل
بني الحارث وصح السان الشاعر ابن محيميد ولا عليكم زود يالاد
شالي فالفعل واحد والمجد واحد .

ابو الياسر العمري تشكر على النقل الموفق عن شاعر له باع ٌ طويل في الشعر وهذا ان دل فيدل على الابتعاد عن العصبيه القبيله وامتثال لقوله صلى الله عليه وسلم (عن العصبيه القبليه )

(دعوها فانها منتنه )

ومما لاشك فيه اننا قبيله واحده ومجدها واحد وحياك الله مره اخرى في هذا المنتدى الذي يسعى لتقوية الروابط بين ابناء بني الحارث .

بسم الله الرحمن الرحيم

اشكر جميع الاخوان ابناء العم الآد شداد على ردودهم الطيبه

وكما ذكر الاخوان حنا جماعه وابناء عم وكلنا صف واحد

تقبلوا خاص تقديري واحترامي للجميع ،،،،

ــــــــــــــــــــــ
ابوياسر

وعليكم السلام ورحمته وبركاته

تسلم ابو ياسر على القصيدة الرائعة ,

وصح لسان الشاعر ابن محيميد ..

أخوي أبو ياسر العمري

حياك الله بيننا في منتديات الشدادين وهلا بك عدد الشجر ووابل المطر

وأشكرك على وضع قصيدة الشاعر حسن بن محيميد الشلوي التي خص

بها قبيلة الشدادين فهي دليل أصالة معدنكما وطيبة قلبيكما وشهامتكما

فتقبل منا جميعاً الشكر والتقدير لشخصك الكريم

بسم الله الرحمن الرحيم

الاخ / الشلوي

الاخ / السلطان


مشكور ين على مروركم وردكم الطيب

ولا عملنا الا الواجب وحنا قبل كل شئ اخوة وابناء عم واسمنا واحد

وسنبقى على ذلك ان شاء الله ماحيينا ،

اكرر شكري للجميع

مع اجمل وارق التحيات الخالصه لكم جميعاً