يالبيه .. قصايد صباحيه

الضيق والصكات والهم والغم=وصبري ع طول الجفا وأشتياقي
احسها تسري براسي ولا أهتم =تقول واقني ع الشر واقي
لكنى أستوحش من الليل وأزيم= همي وأغني في رفيع المراقي
عليك يالى كل ماقالتلى سم = صحيت لك وأطلقت للريح ساقي
طلبتني كلى وانا قلت لك تم =خذني بكامل رغبتى وأنسياقي
خذني تراني أفداك والكم للكم =ماحد بيحس بضيعتي وأنسراقي
عز الله أني لاتبعثرتك ألتم =مثل المطر لاجمعته السواقي
أشوف فيك الهم وتقولى نم =شلون أنام ودمعتينك مذااقي
لو ماجذبني الطيب يجذبني الدم =ما دام باقي للحنين ارتواقي
اثور لاضاقت من الجم للجم = واعلم اكبر راس بأسلوب راقي
واخص من يستاهلونه ولا اعم = واعلن ع حزب اليسار انشقاقي
وان عودت للمدح والقدح والذم= لله اوجه ملتى واعتناقي
يشهد لى الاجناب قبل بني عم =تواضعي دايم يجي في سياقي
ابيع واشري واكسب الكيف والكم= واجنب الشرهات عن عظم ساقي
اشباءه لاجاء الحق لا كف لا فم = تعشق سياسات النظام العراقي
هياكل اخر وقت تمشي بلا دم =في رؤؤسهم مافيه غير الطواقي

********
*******

يا ما نهار امس القريب بكيتك = ياما ذبحت من الوله في تحريك
باعتني الدنيا وجيت وشريتك = واليوم يمكن ماحب ولاا ابيك
أضمي غرام لا لقتيك رويتك = سبحان ربي في ضلوعي معليك
ياما وياما من حناني عطيتك =ازعل عليك شووي وارجع واراضيك
اطاولك مابين علك وليتك = ولا من مرضت اقول فيني ولا فيك
من كثر ماحبك احب اهل بيتك = حتى الحديقه والغصن والشبابيك
واحب ديكورك وفرشة لقيتك =كل المريا والتحف والسيراميك
وكل الدروب الى خذتني وجيتك = وكل الامور الى في بيتك تسليك
شالك مكياجك وحتى جاكيتك = وحتى حلقك الى تحطه في اذانيك
خواطرك شعرك فنون اتيكيتك =صح الله لسانك وتسلم اياديك
رسمت لى موتي ومت ورثيتك =وابعدتني عن بند ربعك واهاليك
جلست ادور في الضلوع ولقيتك = ذكرى مثل ذكري عصور المماليك
ذو كل جرحي ياغرايم بريتك =مير البلا والجرح في فقد غاليك
ياحزن تكفي لاتطول فديتك = لايجتمع ليل الغرام ولياليك
ياما بديتك وانتهيت وبكيتك = والحين باصبر وابيك الحزن وابكيك

********

الشمس فوقي والجمر من تحتي = والموت خلفي والعرب قدامي
احيان بس ودي افل بس اجنحتي = واطير لك من وحشتى وهيااامي
واحيان لاطلعت فوق ولحتي = دريت مالى غير سير اقدامي
بقيت اسولف لك عناي وصحتي= وشلون اجل تستحملين الالامي
جيتك وانا فاقد جميع اسلحتي = ياكود باقي دفتري واقلامي
حاولت اكابر في غلاك وفحتي= الين عطرتى فمي واكمامي
عرشك بعيني مكتمل وان طحتى = منه يشيلك قلبي المترامي
كذا كذا وان جيتي ولا رحتي= تبقين شيخة لحظتي وايامي
يا أنسه فيني عساك ارتحتي= يالرميه الى مارماها رامي
رماني الله بالغلاا واجتحتي =قلبي وصرتي فارسة احلامي
جيتي وغيرتي وطن واصلحتي = نظامي وتكويني الاسلامي
والشعر خصمي والهواء مذبحتي = لكن معاك ازريت اشيل عظامي
كنت احسبني عارف مصلحتي = حتى لقيتك تطعنين ايتااامي
تبين هزمي بالهواء وافلحتي = هزيمتي بالمقام السااامي
كبرتي بقلبي لين اصبحتي = مثل العلامه فارقه ببهامي
يا أميرتي وان جيتي ولارحتى =مافيه غيرك يستحق احلامي

ياحمد الشدادي الله يجزاك كل خير

الظاهر انك راد على موضوع غريب وعارف طريقة التنسيق

وهذا ردك

		المشاركة الأصلية بواسطة : حمد الشدادي اقتباس
	الله يجزاك خير ياخوي غريب ع الشرح وجعل ربي يزوجك الى ترتب لك ثيابك قل امين << لايكثر وعين خير تيب ولاهنت فديت خشمك

اتمنى تنسق القصائد قبل تطرحها في المنتدى ترى المشرفين

ماهم فاضين عندهم اشغال في المنتدى اهم من التنسيق لذا

ارجوك لاتطرح قصيدة الا منسقه

وهذا الرابط روح تعلم وتعال عدل مشاركتك

http://www.shdadeen.com/vbq/showthread.php?t=23395

وراك معصب طيب لاا تدف ياخي كلن ينسقها بالى يبي خلاص توبه ماقول قصايد .:*_*:.

ههههههههههههههههههههه

ليه كل واحد ينسق بالي يبي فوضه هي

يابوي هذا منتدى له شروط وقوانين وماحد ضربك على يدك وقال

تعال شارك انت اللي موافق على كل الشروط قبل التسجيل

لذا ياشدادي اذا ماتعرف تنسق القصائد لاتحرجنا وتحرج نفسك

تفرج في القصائد الثانيه وتعلم من الاعضاء اللي ينسقون قصائدهم

كل الود

صحيح ليه ماتعلمت من موضوعي

هههههههههههههه

بغض النظر عن التنسيق

قصائد روووعه واختيار مميز منك اخوي حمد الشدادي

الله يعطيك العافيه ومشكووور

بيض الله وجهك أخوي حمد ولا هنت يا الذيب

اختير موفق لمجموعة طيبة من القصائد

طيب الله فالك

ووجهك ياجدي السلطان ولاهنت ع مرورك طال عمرك

مشكور أخوي مجموعة رائعة

اما عبادي هو دايم كذا عصبي ومايعرف يوصل الي يبه بدون مايزعل احد شكلي بفتح دوره كيف تكون ريلاكس واحجز لعبدالله بلوشي بدون فلوس نبي نرتاح منه هههههههههههههههههه يعني ماتعرف تبلغه برساله عن موضوع تنسيق القصايد بدال هذا كله وحده تبي تنشب بين التماسيخ:idiot_ala


ننتظر جديدك أخوي حمد

تهياتي

بيض الله وجهك أخوي حمد ولا هنت يا الذيب

لاهنتي النشميه ع مرورك وبالنسبه لعبدالله يمون فديت نخاشيش قلبه << يمغط خد عبدالله بالصوره فديت قلبك ياعبدبد وهو يعرف انى عليمي بالمنتديات واشغلته معي ولاهنتى ع مرورك يالنشميه


ووجهك اخوي وتاج راسي ملك الليل واسعدني مرورك طال عمرك