|
||||||||||||||||||
قصيدة رائعة في الابل
اشهـد ان البـل لياشفتهـا قلبـي يـتـوق=واستلـذ بشوفـت اكبارهـا وصغـارهـا من زمانٍ فـات قلبـي لهـا يزتـاد شـوق=من كثر معرف عن البل واعرف اسرارها ملحها والوضـح والحمـر مافيهـا فـروق=جـل شـان اللـي خلقهـا وعـلا كارهـا مانـذم اشكالهـا والغلـط قـول الفسـوق=اسمهـا حمـر النعـم والولـي اختارهـا حبها باقصى فـوادي وصـل كـل معلـوق=عزهـا الله فـي كتابـه وعـز انصارهـا زينها لاروحـت مـن رقاريـق الوسـوق=تتبـع القعـده مشـت خلفهـا وعشـارهـا لا ضوت كلٍ على شوفهـا قلبـه شفـوق=وامرحت ثـم امرحـوا حولهـا شبارهـا لاصبحوا كلٍ يبى من حليب البـل ريـوق=وابتهـج بالخيـر ضيفانهـا مـع جارهـا نطلب الله في مخيلٍ تلـوح ابـه البـروق=ينثر المـاء مـن مزونـه ويسقـي ديارهـا لين يلقى ماثره في الوطـا سيلـه حقـوق=والعسـوس اللـي تعـده تعـد اخبـارهـا قولهـم عشبـه يغـط المسايـل والعـروق=والعيـون اللـي تشوفـه يسـر انظارهـا تشبع البل وام سالم تجـي وتـروح فـوق=فـي مشاقيـقٍ عذيـه تـعـج ازهـارهـا ودي امشي مـع نباتـه مسـا ولا شـروق=ادفـع المصغـر يقـوم ويطيـح احوارهـا هذا شفـي يـوم كـلٍ بشفـه حـط نـوق=يشتريهـا بالثمـن لـو تزيـد اسعـارهـا حطها بالشبـك والشبـك بالقفـل مخنـوق=قال انا راعـي فلانـه وافـك اصرارهـا والهدف من مشتراهـا صبوحـه والغبـوق=ماتهمـه لـو تحـن وتفيـض اعبـارهـا وان قلط في وسط مجلس ليا لسانـه زلـوق=قـام ياصفهـا مـن ارقابهـا لازوارهــا يحسب ان ماخلق قبله من النـاس مخلـوق=مـادرا انـه فـوق مرحانهـا واثـارهـا بعد ما كثرت فلوسه يبـى يلحـق لحـوق=يضرب الارض بعصـاه ويطيـر غبارهـا الله انـه يقطـع اللـي كلامـه مـا يلـوق=وان تكلـم بالسوالـف يـزيـد عيـارهـا وان بغيته فـي المهمـات وليانـه ملـوق=ما تجيبه سابـق الهجـن فـي مضمارهـا ما يطيع اهل النصايـح وينشـب بالحلـوق=والمعـزه بيـن ربعـه يـهـد اجـدارهـا يترك العلم الصحيح وعلى الغلطـه سبـوق=قاصرٍ شبره عن اللـي طـوال اشبارهـا يحسب ان البل على قولهـم موضـه وذوق=او مديـلاتٍ علـى كيـف مـن يختارهـا الله اكبر يازمانٍ على اهـل البـل صفـوق=يـوم جـت دقـم الدناقيـر مـن تجارهـا حصلوهـا بالدراهـم رديـيـن العـمـوق=والصقور اقفت وجا البوم فـوق اوكارهـا اسعـد الله ليتهـا مـا تبـاع بكـل سـوق=ولا تجـي عنـد الشـواوي ولا بقـارهـا من يعرض راسه الحـذف يبشـر بالفلـوق=من يدينٍ مثـل حـد السيـوف اظفارهـا والرجال اهل الوفا مايجـي فيهـم طقـوق=يكرمـون وجعـل الانـذال تطفـي نارهـا تم قافي واطلـب الله فـي حسـن الوفـوق=عن طويـلات المعانـي تكفـي اقصارهـا بعدها صلوا على المصطفى الهادي الصدوق=عد مـن حـج الحـرم والمدينـه زارهـا الشاعر: حمود بن جهز الرياحي البقمي
التعديل الأخير تم بواسطة الوافي ; 17 Jul 2005 الساعة 10:34 PM
|
17 Jul 2005, 11:01 PM | [ 2 ] | ||||||
|
ياسلام على القصايد الجميله لا عدمناك يالوافي مشاركه ولا اروع للشاعر حمود البقمي قصيده معبره ووافيه يالوافي الف شكر يالغالي خالص مودتي ,,, |
||||||
|
|||||||
18 Jul 2005, 12:31 AM | [ 3 ] | |||||||
نائب المشرف العام
|
مشكور يالوافي على القصيده الرااااائعه احسنت الاختيار قصيده رااااائعه ودمت بخير |
|||||||
|
||||||||
18 Jul 2005, 01:00 AM | [ 4 ] | ||||||||||||||||
شاعر
|
سلمت يالوافي وأحسنت الإختيار قصيدة في غايه الروعة مشكور على نقلها يالغالي
|
||||||||||||||||
21 Jul 2005, 05:15 AM | [ 5 ] | ||||||||||||||||||||||||||
|
شكرا ابا تركي على الاطراء الجميل يعطيك العافية |
||||||||||||||||||||||||||
21 Jul 2005, 05:20 AM | [ 6 ] | ||||||||||||||||||||||||||
|
العفو يابوعابد لاشكر على واجب احترامي لشخصك الكريم |
||||||||||||||||||||||||||
21 Jul 2005, 05:25 AM | [ 7 ] | ||||||
|
[QUOTE=ابن مهرس]سلمت يالوافي وأحسنت الإختيار قصيدة في غايه الروعة مشكور على نقلها يالغالي من قال يسلم يابن مهرس مشكور على مرورك الكريم |
||||||
21 Jul 2005, 03:10 PM | [ 8 ] | ||||||||
شاعر
|
بسم الله الرحمن الرحيم وافيه يالوافي اشـهـد ان الـبــل لياشفـتـهـا قـلـبـي يـتــوق=واسـتـلـذ بـشـوفــت اكـبـارهــا وصـغـارهــا مـن زمــانٍ فــات قلـبـي لـهـا يـزتـاد شــوق=من كثر معرف عن البـل واعـرف اسرارهـا ملحـهـا والـوضـح والحـمـر مافيـهـا فــروق=جــل شـــان الـلــي خلـقـهـا وعـــلا كـارهــا مـانـذم اشكـالـهـا والـغـلـط قـــول الـفـسـوق=اسـمـهـا حـمــر الـنـعـم والـولــي اخـتـارهــا حبهـا باقصـى فــوادي وصــل كــل معـلـوق=عـزهــا الله فـــي كـتـابـه وعـــز انـصـارهـا مشكور على حسن الاختيار وصح السانك ولسان شاعرها الله يعطيك العافيه |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيدة رائعة جداً | ياسر الشدادي | الشيلات والقصائد الصوتية والمرئية | 4 | 03 May 2009 01:48 PM |
قصيدة رائعة للمعلمين والمعلمات | واثق الخطوة | منتدى المرئيات والصوتيات | 8 | 04 Apr 2008 01:53 AM |
قصيدة رائعة جداً | mmka | قصائد مختارة | 4 | 07 Feb 2008 12:43 PM |
سبع ساعات قصيدة رائعة | السارية | قصائد مختارة | 13 | 20 Mar 2007 11:55 PM |
صوت صفير البلبلي ،، قصة مع قصيدة رائعة | شروق الأمل | منتدى القصص والحكايات | 14 | 08 Mar 2007 02:08 PM |
|