بانت الخلة

سلام الله على تركي سلام مايجيه قصور=واثني به على اللي حاضرٍ فالمنتدى كله
غريبة ياغريبة صار إلك فالملعبة جمهور=على عكس الليالي الماضية وانكشفت الخلة

		المشاركة الأصلية بواسطة : واعي اقتباس
	سلام الله على تركي سلام مايجيه قصور=واثني به على اللي حاضرٍ فالمنتدى كله غريبة ياغريبة صار إلك فالملعبة جمهور=على عكس الليالي الماضية وانكشفت الخلة

هلا ياواعي اهلي وارحب والليالي تدور=البارح كان غال الوقت ماابغى الغير يحتله
وحطيت الشرط وانت ارضاك نلعب مانبي جمهور=والليله جانا ابو متعب ولاابي اقول له لله

		المشاركة الأصلية بواسطة : تركي الشدادي اقتباس
	هلا ياواعي اهلي وارحب والليالي تدور=البارح كان غال الوقت ماابغى الغير يحتله وحطيت الشرط وانت ارضاك نلعب مانبي جمهور=والليله جانا ابو متعب ولاابي اقول له لله

ليا أرخصت الحضور اللي عليهن الشرف منشور=خطية مير جاملتك وأقدم عذري الليلة
وترى جمهور واعي فالملاعب كنهم طابور=على عز ومعزة طشوا البسام والشيلة

		المشاركة الأصلية بواسطة : اقتباس
	وترى جمهور واعي فالملاعب كنهم طابور=على عز ومعزة طشوا البسام والشيلة

والله ماكنت أبرد على المحاورة وبتابع بصمت بس واعي ماقصّر عزمنا

بس عاد بنبقى بشيالنا وبراقعنا وييييييييييييينك ياشوق شداد تعالي يمي نمسك لنا صف وإن طردتونا مره ثانيه بنمسك طاروق جديد ..

صحت ألسنتكم شعرائنا ومتابعين لكم هالليلة الشعرية ..
ودمتم رائعين دوماً ..

أول الغيث قطرة
مرحباً ياترف والله يحييك
والله خفت محد يحضر من أهل البسام
والشيلة ويتفرح عليه تركي !! لكن ماخيبتوا هقوتي

ياواعي العذر والسموحه على التاخير

لكن الاتصال فيه بلا

اشغلني الله يشغله

		المشاركة الأصلية بواسطة : واعي اقتباس
	ليا أرخصت الحضور اللي عليهن الشرف منشور=خطية مير جاملتك وأقدم عذري الليلة وترى جمهور واعي فالملاعب كنهم طابور=على عز ومعزة طشوا البسام والشيلة

ياواعي ماحصل منكم قصور وقلت لك معذور=علومك غانمه وانا معك طرقي سرى ليله

ولك جمهور ياواعي ولك فالملعبه حضور= يقوله شاعر لك جزل قافه مسرج ٍ خيله

ياواعي اقول استاذنك الليله واعتذر من الجميع
ولنا بكم لقا لياصلحت جهازي
وتراه البيت الاول قدمه على الثاني

		المشاركة الأصلية بواسطة : تركي الشدادي اقتباس
	ياواعي ماحصل منكم قصور وقلت لك معذور=علومك غانمه وانا معك طرقي سرى ليله ولك جمهور ياواعي ولك فالملعبه حضور= يقوله شاعر لك جزل قافه مسرج ٍ خيله

نبا منك علومٍ ثابتة مافيه لف ودور=نباها واضحة ياصاحبي مافيه تبديلة
نباك اتبيّن المقصد على ما قيل يادكتور=تحامي دون خلق الله وذاك الطبع ياحليله

		المشاركة الأصلية بواسطة : تركي الشدادي اقتباس
	ياواعي اقول استاذنك الليله واعتذر من الجميع ولنا بكم لقا لياصلحت جهازي وتراه البيت الاول قدمه على الثاني

عذرك معك ومعذور وسعدت بلقاءك
والمقبلات أجمل بإذن الله