من هو النابغة ؟

أخوي السلطان...
تحياتي لك على هذا الجهد الرائع والمنبر الثقافي المميز,,,
أنا معكم قلبا وقالبا...ونجاح هذا المنتدى يعنيني...
مشكور على الترحيب..
سعود

والله والف نعم ياسعود وحياك الله بينا يابن العم

وانت شاعر نظم مبدع الحقيقيه وشهادتي فيك

مجروحه ياهلاااا وغلااا ياسعود

الف الف ونعم اخوي سعود ولا زلت النابغه ونابغة هذا المنتدى
ونطلب منك المزيد اخوي وحصلي الشرف بالتعرف بك

[size=5]الله يسلمك ياعبدالله..انت من الرجال اللي نعتز بهم..ويشرفني مرورك..وترحيبك!![/size]

		المشاركة الأصلية بواسطة : اقتباس
	راع الشفر الف الف ونعم اخوي سعود ولا زلت النابغه ونابغة هذا المنتدى ونطلب منك المزيد اخوي وحصلي الشرف بالتعرف بك

[size=5]نعم حالك يالبناخي..وأنا يشرفني تواجدي معكم ويشرفني زود معرفة أمثالك من الرجال!![/size]

حياك الله سعود وكثر من امثالك

الأخ الكريم سعود
تحية طيبة لك من هنا (سيدني)
وأنا اقول ليش شام ريحة أثر الشدادين هنا في أستراليا من يوم ما جيت , يشرفني معرفتك , وعلى فكرة أنا مالي في الشعر لكن أيش العلاقة بين الشعر العربي والتخصص في اللغة الأنجليزية , وسبب السؤال انك لست اول واحد أسمعة يجمع بينهما.تحياتي لك و لكل الأخوة والأخوات في هذا المنتدى

سعــود بن سليمــان الحــارثي


امثــالك من الرجــال فخراًَ لربعـــه وجمـــاعتــه


والله وسبـــعة انعـــام ابك يالعضيـــاني

		المشاركة الأصلية بواسطة : الرمـــح اقتباس
	سعــود بن سليمــان الحــارثي امثــالك من الرجــال فخراًَ لربعـــه وجمـــاعتــه والله وسبـــعة انعـــام ابك يالعضيـــاني

ما عليك زود يالرمح...وأنا أفتخر في كل الرجال شرواك...والشكر كل الشكر للسلطان اللي جمعنا هنا!!

		المشاركة الأصلية بواسطة : بندر الحارثي اقتباس
	الأخ الكريم سعود تحية طيبة لك من هنا (سيدني) وأنا اقول ليش شام ريحة أثر الشدادين هنا في أستراليا من يوم ما جيت , يشرفني معرفتك , وعلى فكرة أنا مالي في الشعر لكن أيش العلاقة بين الشعر العربي والتخصص في اللغة الأنجليزية , وسبب السؤال انك لست اول واحد أسمعة يجمع بينهما.تحياتي لك و لكل الأخوة والأخوات في هذا المنتدى

حياك الله يا دكتور بندر...
أولا أنا سعيد بمعرفتك..و الرجال الناجحين مثلك يستحقون التقدير!!!
أستراليا أجمل بلد زرتها في حياتي وحبيتها حتى الثماله رغم أني درست في بريطانيا فترة لكن أستراليا لا يمكن أنساها..واكيد لي عودة قريبه لها..لذلك سلم على جوها وأرضها وعدلها ودقة نظامها...
أما بخصوص الشعر وعلاقة باللغة الأنجليزيه والله لا أملك أجابة شافيه..ولكن أعتقد أن الشعر هو لغة سامية للتخاطب والتعبير عن المشاعر ويدخل في أهتمام محبي اللغات..وملا حظتك سليمة..لي زملاء برعوا في الشعر الفصيح والعامي وتخصصهم أنجليزي..ولي زميل أخر أسمه أحمد الجنيد أصبح الأن عضو الشعراء الامريكان المبدعبن...يكتب بالأنجليزيه الفصيحه وقريبا سوف أعرض بعض قصايدة هنا..وىخر اسمة عامر خفاجي وهو أبن الشاعر الكبير أبراهيم خفاجي (صاحب النشيد الوطني) يكتب عامية أنجليزيه تسحر الا لباب..ولا أعلم هل الشعر وراثة أم مكتسب..وما علاقة اللغات الأ جنبية به..
ولا أخفيك أنني أكتب شعر بالا نجليزي ولكنني لم أثق في جودتة بعد كي أطرحه للمتابعين..
حياك الله يالعزيز خليك على تواصل...وإذا رغبت في زيارة ملبورن.أخبرني.لي زملاء هناك سوف يقومون بالواجب !!
هذي أحدى قصائدي عندما كنت في أستراليا!!

فزيت لك كلـي بشاشـه وترحيـب=وسطرت لعيونـك جزيـل القوافـي
وقفت لحظة صمت بارض الاجانيـب=ملبـورن قدامـي وسدنـي خلافـي
وقفة وفا لك يابـن عمـي ولاريـب=تستاهـل التقديـر بايـن وخـافـي
ساعة قريت رسالتك قلـت ياطيـب=أصلك عسى أيامك سرور وعوافـي
اصل أنت درع الجنب الراس والجيب=أبا أعترف لومـا تريـد أعترافـي
في وصف مثلك يعجز القاف ويشيب=ولو استمد البحـر ماهـوب كافـي
نزهك ربي عـن جميـع العذاريـب=كريم..قرم..صعيب..سهل..وسنافـي
المجـد كلـه قاضبـه بالتلابـيـب=وملحفـه بشـت الكرامـه لحافـي
اثني عليك بصدق فالسـر والغيـب=بابيات أحد من السيـوف الرهافـي
ما أكتب قصيدي لجل مال ومطاليـب=عزيـز لـو احيـا حيـاة الكفـافِ
عيب(ن) على أبيع يامسندي عيـب=شعري ولو أمشي على الشوك حافـي
ولا انشر ابداعي في مجلة رعابيـب=امـا أنــا والا فـتـاة الـغـلافِ
ولوغبت عن عيني فلا والله يغيـب=طاريـك يانسـل الرجـال النظـافِ

تحياتي