|
||||||||||||||||||
قصيدة حامد زيد اهل الجنوب
القصيده :أهل الجنوب وعيني اللي كل ما ذعذع من الغرب هبوب=يحلا لها لون الغروب اللي يذوب قبالها ويا ويل حالي كل ما يحلالها لون الغروب=تطري لي الريم اللعوب وسالفة ترحالها وعز الله اني كل ما تطري لي الريم اللعوب =حرمت امد ايدي على حاجة وانا ما اقوالها من سافرت ريم الفلا صديت عن كل الدروب =ما هو قصور بالعذارى بس ذيك لحالها من فارقتني ما خطف قلبي من الحور محبوب =ولا لقيت الجادل اللي تستحق احيالها لأن القلوب ان ما وفت لأحبابها ما هي قلوب =والعشره اللي ما ترد الروح ما نسعى لها إما الوفى اللي يستر الرجّال من كل العيوب =والا الجفى اللي يستر عيوب العرب في رجالها ما اقسى من فراق الجنوب الا فراق اهل الجنوب =ويلي على اللي كل ما تزعل تشد رحالها اللي مذيره العتب لا شبت بصدري شبوب =عييت اراضيها وهي عيت تطول بالها كانت معي مثل النصيب يحدني من كل صوب =كانت دروبي من متاهات الظلل لظلالها كانت هروبي لا شعرت اني بحاجه للهروب =كانت سماي اللي ليا ضاقت علي ألجالها ليه اتحداني وانا في كل الاحوال مغلوب =ليه حرمتني من قهر عذالي وعذالها ليه اتجاهلني وانا لاني جبان ولا كذوب =ليه ارخصت دمعي وانا اللي ما بكيت الا لها ما ترحم اللي له سنه كأنه على النار محطوب =ما هزها دمع الفقيد اللي بكته أطلالها ما خافت تهدم السنين اللي بنتنا طوب..طوب =ما فكرت تشفق على حالي وترحم حالها قولوا لها لو ما تذوب انا بخليها تذوب =قولوا لها لو ما عنت لي مستعد اعنالها إليا ادمحت لي هالخطا بدمح لها كل الذنوب =وإن جابت الحسنى معي تبشر بعشر أمثالها أفرش لها صدري وطن وأجمع لها ضلوعي شعوب =وأرقى لها المكانه اللي ما حد(ن) يرقى لها إن كاني مخطي فأنا ماني خليّ من العيوب =الذنب يغفر والبشر تجزى بقدر أعمالها البعد قاسي والفراق يضيق الصدر الرحوب =وانا تعبت ادور الحيله وارد احتالها قولولها ترجع ترا ماني على الحزن مغصوب =وإلا ترا نذر(ن) علي انه ماهو ب أشوالها إما تجنب هالهبال وتترك البعد وتتوب =والا بتبشر بالهبال اللي ما هو بهبالها كافي زعل ترا الظروف مقفله من كل صوب =وأنا حملت من الهموم انواعها واشكالها يكفيني اني كل ما هبت على صدري هبوب =تحن عيني للجنوب وتلتفت بلحالها والمشكلة اني كل ما حنت عيوني للجنوب =تطري لي الريم اللعوب وسالفة ترحالها وعز الله اني كل ما تطري لي الريم اللعوب =حرمت امد ايدي على حاجة وانا ما اقوالها
|
01 Jan 2011, 02:39 PM | [ 2 ] | ||||||||
عضو متميز
|
رد: قصيدة حامد زيد اهل الجنوب
صح لسان الشاعر الكبير حامد زيد ولآهنت ياعيد لكن أنتبه للتنسيق |
||||||||
|
|||||||||
01 Jan 2011, 03:01 PM | [ 3 ] | |||||||
عضوة متميزة
|
رد: قصيدة حامد زيد اهل الجنوب
مبدددددددددع حاامد زييد صح لساااااااااانه مشكووررر |
|||||||
01 Jan 2011, 03:08 PM | [ 4 ] | |||||||
|
رد: قصيدة حامد زيد اهل الجنوب
صح لسان حامد مبدع صراحه ولاهنت امبراطور قيا على النقل والله يعطيك العافيه
|
|||||||
|
||||||||
01 Jan 2011, 09:33 PM | [ 5 ] | ||||||||
عضو متميز
|
رد: قصيدة حامد زيد اهل الجنوب
حياك الله اخوي الغريق نورت القصيده بحضورك العذب |
||||||||
01 Jan 2011, 09:34 PM | [ 6 ] | ||||||||
عضو متميز
|
رد: قصيدة حامد زيد اهل الجنوب
شكرا لك اخوي مزيج الحياة على روعة المرور |
||||||||
01 Jan 2011, 09:35 PM | [ 7 ] | ||||||||
عضو متميز
|
رد: قصيدة حامد زيد اهل الجنوب
الله يعطيك العافيه اختي بنت ديرتي على مروك المميز |
||||||||
02 Jan 2011, 08:54 PM | [ 8 ] | ||||||||
مؤسس شبكة الشدادين
|
رد: قصيدة حامد زيد اهل الجنوب
يستاهلون أهل الجنوب كل خير ففهيم كثير من القبائل الجزيرة العربية وفيهم الكثير من صناديد الرجال لا هنت على اختيارك يا أبو سعيد |
||||||||
|
|||||||||
02 Jan 2011, 11:00 PM | [ 9 ] | ||||||||
عضو متميز
|
رد: قصيدة حامد زيد اهل الجنوب
حياك الله يابو عبد الله نورت القصيده بروعة حضورك |
||||||||
02 Jan 2011, 11:12 PM | [ 10 ] | ||||||||
مراقب عام
|
رد: قصيدة حامد زيد اهل الجنوب
ونعم بقبائل الجنوب والشمال والشرق والغرب والوسطى وكل صغير وكبير تحمله الدنيا . |
||||||||
|
|||||||||