اصدع بما تؤمر على السنه(رد على قصيدة جمره على المثبا)

اخواني واداري اعضاء شبكة الشدادين الرسميه السلام عليكم ورحمة الله اجابه لاخي الشاعر حطاب ليل وقصيدته الموجهه لي (جمره على المثبا)
اضع بين ايديكم الاجابه ارجو ان تحوز على رضاكم وتكون على مستوى السؤال ودمتم

حيا الله العلم المثمن من يقوله لايهان=وحييت ياحطاب شخصك والكلام الجوهري
تبغا الاجابه للسؤال اللي طرحته للعيان=هذا الجواب اللي توقد يشتعل في ضامري
اللي تقمصها لبس ثوبآ ماهوثوبه وبان=مابين هبات الرياح الراكده واللي جري
ماهو مفكر في علوم اليوم والا في زمان=وماهو مفكر في علومه تلتبس ولا عري
ان جاك بن عمي ينوب وطالب بالدر الثمان=ينوب عني بالسمان ولايقدم للهري
لكن خذ العلم الموكد والحقيقه ماتدان=ياما كتبنا لين عذرنا وشقينا الفري
قلنا الجواهر غاليه يامسلمين ولا تشان=وازروا يعرفون الجواهر من صناعات الحلي
جا من تشدق بالكلام وراجعه عشره ثمان=وجا من يقول ان العباره بالدراهم تنشري
واليوم من يبغى شعوره تنفرض حل امتحان=عبر الاثير يجود بالناقص وشوفه ينقري
لاهنت ياحطاب داخ الراس من صوت الكمان=الحانها قامت تحط من الفضاء بالمنكري
واسلم وسلم لي على شخصك وهمسات التقان=واصدع بما تؤمر على السنه وخابر واجهري

يعطيك العافية اخوي جزل البيان و لا هنت

صح لسانك

دمت بخير و سعادة إلاهية تمنحك القدرة الذاتية

صح ألســـانك أخوي جزل البيان

الله يعطيك العافيه ويوفقك أخوي على هالقصيده الجزله

جا من تشدق بالكلام وراجعه عشره ثمان
وجا من يقول ان العباره بالدراهم تنشري
وانا اشهد ياجزل ان حطاب ليل كتب قصيده بمعني الكلمه جوهره حطها بيدين من يثمنها بدع رايع ورد رايع ومجاراه من ابوتركي رايعه صح لسانك مليارات والله يعطيك الف عافيه
تقبل تحياتي,,,

الله يعافيك اختي هديل
شكرا على الأطراء
والمرور
وفقك الله وحفضك بحفضه
تحياتي لك

اختي ريتال
الله يعافيك
ويوفقك لمايحبه ويرضاه
تقبلي
تحياتي

ابو رزيق
الحمدلله على السلامه
شاكرين على ألأطراء
حفضك الله
ورعاك
تقبل
تحياتي

اخي الكريم جزل البيان
اشكرك على هذه الجوهره الثمينه
التي ابدعت بصياغتها وكنت رائعا كعادتك
وتمنياتي لك بالتوفيق الدائم

الله الله
يا شاعرنا جزل البيان
مبدع ومتميز ومختلف في كل شيء
صح لسانك ولا هنت
وعسى عمرك طويل

صح لسانك ملايييييين يابن رزيق

شاعر كبير

واجدت بالرد الجزل على قصيدة شاعرنا حطاب

لاهنت وبيض الله وجيهكم كلكم