بين الحنايا مجلسك حط مركاك

شبه المطر عشقي من أقصـاك لادنـاك=ومـــاكنّـه الاّ سيــــل حــدّر بــوادي
يامـا حمستـك شـوف ليـن اتقهــواك=حتّـى يطيـب البـــال كيـف المبـادي
واعـن لـك جـــزل القصايـد بيمنــاك=شعــــرٍ يتـوه بعالـمـك يـــــاودادي
ليلك بحر ياسيّـدي ويـن مرســــــاك =وأزرق نهـــارك صـار ماهـوب عــادي
طيفك معي من وين مـاروّح ألقـــاك=مـن ويـن ماروّحـت طيفـــك ينـادي
جيتـك مشاعـر همّهـا اليـوم لامـاك=جيتـك طمـوح وفيـك غايـة مــرادي
وسـط الليالـي ولّـع الشمـع ذكــراك=فـي زحمـة الأفكــــار حلّيـت بـــادي
فـي ذمّتــــي مـن دون ذولا وذولاك=أنـت الوحيـد اللـي عطيتـه فــؤادي
بيـن الحنايـا مجلسـك حـط مركـــاك=ماغيــر أنـــا وايّــاك والجـــو هــادي
فـل الحجــاج وأطـرب اللـي تمنــــاك=مـالك ومـال النـاس حضـر وبــوادي
أبغـى ارتفـع فــوق المجـرّه والأفــلاك=واقطـــف ورود الحـب مـن كـل وادي
وتقول إكتبني وأنـا اقــــول أبقـراك=حرف القصيـد اللـي عليـه إعتمـادي
إن جيت وإن ماجيت والله فلا أنسـاك=فـي غيبتـك كـل المنــاظــر ســوادي
ياسيّدي عطـــر القصـايــد تنصّــــاك=سمـك قصيـدي ريــح مسـكٍ وكــادي
ما قلت لـك يلعـن أبـو ليـل فرقـــاك=حبّــك بـــوادي والخـلايـق بـــــوادي

		المشاركة الأصلية بواسطة : *ملاك* اقتباس
	ما قلت لـك يلعـن أبـو ليـل فرقـــاك حبّــك بـــوادي والخـلايـق بـــــوادي

يعطيش العافية أختي ملاكـ على هالقصيده

مشكوره و ما قصرتي

قصيدة أكثر من رائعة

سلمتِ يا الغالية

ولاعدمناك

ابيات رائعة اختي ملاك
يعطيك العافية

الله الله
الله
الله
في كل بيتن وين ماجيته آطيح
واقوم ولقا بيت مثله واطيحي

كني إمامن في صلاة التراويح
والناس خلفي من نهيتي تصيحي

لله دُرك يابريد النوافيح
ابكيت عيني بعد اثرت الجريحي


،
الله لشاعرها أو بالاصح شاعرتها
أقسم بالله شي غير عادي مع إن هناك كسر واضح في بيت لكن الشعر حضر كله
وإختفى الكسر وازدهت القصيدة بجمال اللآلي وانتشاء الذات الوجداني
تسلمين وشكراً
أعوذ بالله من الشيطان الرجيم .. ربي أسألك عنايتك .
..

الله الله
روعة جداً هذه القصيدة

تسلم يديك والله يعافيك يا ملاك
وألف شكر لك

اسعدني جدا تواجدكم
الله يعطيكم العافيه
احترامي لكم

كل الشكر لكِ يا ملاك على انتقائك الجميل والمميز