سبب بلواي

سبب بلواي

سلمتي ياليمين اللي توادعني على ممشاي = وانا مقدر على توديعها من صعب فرقاها
توادعني وانا من صدمتي عيت تسير خطاي = اخاف اني بعد مارجع من الغيبات مالقاها
ياشين الغربه اللي تحرم عيوني من اخلاي = تبي تحرم عيوني شوفة الغالين والقاها
تبي تحرم عيوني من معه سقمي ومعه دواي = وليفٍ علق النفس الشقيه معه واشقاها
وليف نور خده مثل نور البارق الجلاي = ليا منه برق من فوق ديره نار واسقاها
ابو عين مثل عين الغزال ورمشها الزهاي = جعلني اختارها من بد كل الخلق وانقاها
خلقها الله وكمل خلقها وهي سبب بلواي = ولا يا بلوة اللي شافها والعين ماتقاها
بلتني يوم مرتني وانا جالس على مركاي = رمتني بالسهوم وقلبي الاقشر تهمقاها
الا حسبي على وقتٍ رجيته ويخذل رجواي = رجيته لايعل كبدودنا ويزيد حرقاها
هذا حكم الزمن واليوم ماملك غير كلمة باي = ولو مقدر على توديعها من صعب فرقاها

الشاعر : متعب بن فراج الشدادي

صح لسانك يا أبو فراج

ويقولون من طول الغيبات جاب الغنائم

وأنت اليوم جبت الغنيمة الرائعه

قصيدة جميلة وكلمة باي صارت موجودة بكثره

وحياك الله وننتظر جديدك

خلقها الله وكمل خلقها وهي سبـب بلـواي=ولا يا بلوة اللي شافهـا والعيـن ماتقاهـا
بلتني يوم مرتني وانا جالس علـى مركـاي=رمتني بالسهوم وقلبـي الاقشـر تهمقاهـا

يا هلا والله بشاعرنا أبو فراج

صح لسانك ولا هنت بيض الله وجهك

والحمد لله على رجوعك

المنتدى الليلة منور بطلتك

الا حسبي على وقتٍ رجيته ويخذل رجـواي =رجيتـه لايعـل كبدودنـا ويزيـد حرقاهـا
هذا حكم الزمن واليوم ماملك غير كلمة باي=ولو مقدر على توديعها من صعـب فرقاهـا

صح لسانك
يامتعب

ياشين الغربه اللي تحرم عيوني من اخـلاي=تبي تحرم عيوني شوفـة الغاليـن والقاهـا
تبي تحرم عيوني من معه سقمي ومعه دواي=وليفٍ علق النفس الشقيـه معـه واشقاهـا

يا هلا بشاعرنا متعب وصح لسانك مليوووووون

أسعدني تواجدك معنا ... وما نستغني عن مشاركاتك معنا

ياهلا والله ولك تحياتي

صح لسانك ابو فراج
وانا من يوم دخلت المنتدى ماشفت الا اثارك
حياك وبانتظار ابداعك

صح لسانك وسلم بنانك

والله ينطيك العافيه

تحياتي

صح لسانك يامتعب وحياك الله

قصيده راااائعه

من شاعر مبدع لاهنت

صح لسانك يامتعب

قصيده جزله والله يعطيك العافيه

صح الساااااااااانك

قصيده معبره ومن اروع القصائد

الله لايهينك ونتظر جديدك بكل لهفه