يا وجد حالي

السلام عليكم ورحمة الله وبركاته
.
.

.
.

وش حيلة اللي من قسى الوقت مقهور؟=يهل دمع الجور في كل ليله
صابته عين ومن غثى الناس مسحور=واصبح علاجه حاجةٍ مستحيله
يتصنع الضحكه ولا هوب مسرور=ويجر من حزنه هجيني وشيله
قام الزمن يسقيه الاحزان بالدور=وقامت صواديف الدهر ترتكي له
ياوجد حالي وجد من طاح مكسور=عودٍ كبر سنه ولا فيه حيله
عظمه هشاش ولا نفع فيه دكتور=والكسر ماله جبر بية وسيله
يشعاه كسره والوجع فيه مقبور=ومن العوار امسى يجر الطويله
ماله عضيد ولا سند..غير باكور=عليه يتوكى وحاله عليله
لكن طاح من الكسر واختفى النور=ويجر ونات القشر والغليله
وجدي مثل وجده ..عسى الشر محظور=والله يعين القلب لازاد ويله
عزالله اني من رجالٍ لهم شور=لكن في دروب المطانيخ ميله
والناس قامت تجزي الخير بشرور=واللي تجمل فيه تصبح قتيله
راح الزمان اللي به الطيب مذكور=وجانا زمن عز الخبل والهبيله

.
.
اخوكم الغربي ...عيد الشدادي

قصيدة رائعة ياشاعرنا
صح لسانك واعتلى بالخير شانك

صح لسانك ياعيد

ولافيك حيله


ودي ادخل معك بس مشغول والله


لي عوده إن أراد الله


تحياتي

صح السانك وقلبك مليون ياعيد ابدعت بما كتبت ياغالي
اعذب الود

صح الله لسانك وبيض الله وجهك ,,,,,,,,,,,,,,,,,,,,,,,,,,,,,,,,,,,,,

صح لسانك على القصيده

والله يزين أمورك

والله ان قولك كفو وكل نظمك جزل

الله يبيض وجهك ويوفقك

ويرزقك بسعاده ماتنتهي

,’

ما زال الوجد يملك النصيب الأكبر في غزارتك الشعريه : )
الوقت , المكان , اليوم
(.. ثلاثية ..)
تجمعنا بِـ أشياء قد تكون صدفه , و ربما تتكرر بِـ إختلاف أحدها
و من الممكن يحدث تغييرات مفاجئه , !

قبل أن أنسى !

كن بخير يا عيد , و صح الله لسانك ولاهنت


,’

قصيدة جزلة
صح لسانك وبيض الله وجهك
دمت بخير
تقديري لك

صح لسانك ملايين يابوعبيد على هذه القصيده
الجزله و المؤثره ولاهنت يابوعبيد
وتقبل مروري

قصيدة رائعه
صح لسانك
ماقصرت
شكرا لك،