مشكلة مجتمعنا

مشكلة مجتمعنا ، كل ابوهم خليط = ذا سعودي ، وذا تركي ، وذا هندوي
وذاك ماصام ، يشكي في ضميره ،غويط =كم رئه فيه تضمى ، كم رئه ترتوي
عيبنا من خليج اليعربي للمحيط =عندما نشرب الما ، يهبط المعنوي
وانا مافاتني ، ابجد تقدم نشيط =قد قريت القصايد كلها سردوي
الصحيح ان ابو شامه ، مسوي البطيط =لخبط القافيه ، واختل حرف الروي
وانا وش لي ، بشعرٍ في عميق الغطيط =ان زهمني البلوشي ، قلت سم يبدوي
سكرتي سكرتي ، تبقى سواليف هيط =كن ماني من الغربي ولاشرقوي
دام حتى العباده ، مرهنه بالوسيط !=وانا مالي معه جبه ولاترقوي
ودام مجدي ،! طرحنا رايته في الحطيط =اعتقد مايرومه عقل واعي سوي
وانتربول المحاكم حط سور وحيط =دون حق الوطن ياهيه ياسيطوي
قل لبو مئذنه يرقب سواد المخيط = لايؤذن وباقي الليل سبره غوي
وابلغ آبو نعيق ان المواطن يحيط = والله اقوى وحكم الله دايم قوي
وانت حول الدجى صدر الوطن زاد شيط= رد حق الليالي قبل تدعى واجي
والوطن كف عنه البهرجه والخريط =والادوّر ومن هالحين للسم دوي
واعتذر في قصر دسمان في نظم خيط =والذي فات عده مات يابهلوي
بعدها روح وابعد عن زعيط ومعيط = واضبط الحال اذا ودك تدور خوي
واختتم ، مجتمعنا كل ابوهم خليط =ذا سعودي وذا تركي وذا هندوي

صح لسانك

واعتلى شانك أخوي

ولاهنت على القصيدة الجزلة

ابداع يا شارعنا العزيز
والله يبيض وجهك اليوم ودوم
ومكانك بالقلب رفيع
ومنزلتك عالية
فألف شكر لك ولا هنت

سارة الغيد
تشكرين على التنسيق والحضور المبكر
،
بنت النشامى
صح بدنك والله يسلمك

		المشاركة الأصلية بواسطة : السلطان اقتباس
	ابداع يا شارعنا العزيز والله يبيض وجهك اليوم ودوم ومكانك بالقلب رفيع ومنزلتك عالية فألف شكر لك ولا هنت

لاهنت يالسلطان لاهنت لاهنت / والقاف يحيا بالمشاعر شبابه
صدر السما يستوعب الميل والسنت / والغيث يقطرمن شفير السحابه
مكانتي في القلب من دونكم أنت / مثل الجسد تكشف عيوبه ثيابه
هذا وانا شاعر ولا قط هاونت / في دين ربي والنبي والصحابه