أخاف من(حشرا)مع الصبح وعجير

هذه قصيده قالها الشاعر دليم الطر الروقي العتيبي يحذر قومه من الشدادين وشيخهم الفارس عجيربن مهرس الشدادي وذكرفيها بندقية الفارس عجيربن مهرس الشدادي حيث كان يطلق عليها اسم(حشرا).

ياهل النضا سيروا عسى فالكم خير= لين إني آخذ مزةٍ وتعميرة
وإن كان إنكم يم الشلاوى مغايير= تحسّبوا للبر شرّه وخيرة
أخاف من(حشرا)مع الصبح وعجير= هذيك مذبوحة وهذى عثيرة
إن كان قابلكم صبي المخاسير= ضاقت بكم ريعان كل الجزيرة

تنويه:

تلاحظون ورود اسم الشلاوى في القصيدة وذلك لأن قبيلتي الشدادين والحطاطبه كان بينهما حلف حيث كانو متحالفين على غزو القبائل المجاوره ومنهم عتيبه والبقوم.

مشكلتنا يالحجري

إن أغلب جماعتنا كاتبين في هوياتهم

الشلوي بدل الشدادي وهذا ما جعل الكثير يعتقدون أن

مجد عجير وتاريخه الناصع بالبطولات يحسب لقبيلة الشلاوى

هذا ليس تقليلاً من إخواننا وربعنا الشلاوى لكن للمعلومية الغائبة

عن أذهان الكثير من القبائل

أشكرك أخوي الحجري وبيض الله وجهك

وتراك تغيب وتغطس وتبطي عنا وحنا ودنا

إنك تكون متواجد معنا على طول ومحتاجين

لمشاركاتك وقصايدك وقصصك

مشكور اخوي الحجري على هالقصيدةوايضانوهت بان الشدادين

والحطاطبه متحالفين في مابينهم على غزو القبايل التي ذكرت

وهذرد صريح على اخونا الشلوي قبل يومين في انكاره لقصيدة نوير والشدادين التي اتحفتنابها المستحيلة

حيث يقول ان القصيدة للشلاوى وليست للشدادين وانت الان جبت التايهة


اشكرك اخوي الحجري وسلم لنا على الطرقي وليه مالة ذكر يابعدي

والله والنعم بعجير
بس سؤااال
وين عياله
مالهم ذكر
يعني من اشتهر غيره من سلالته
ابغى اسماء
؟؟؟

والنعم بحالك يالمستحيلة عجير وابناءة كلهم شيوخ الشدادين

محماس بن عجير شيخ الشدادين بعد موت ابوه وايضا كان من رجال الملك فيصل رحمه الله

وعلي بن محماس هو شيخ الشدادين الان


وابنه سكرتير مكتب ابن معمر محافظ الطايف


ولكي تحياتي
ولاتنسين مسفره

طيب علي بن محماس هو شيخ الشدادين الان وين مقره
الامارة حقته ((قصره))

ابغاه في موضوع
(((لو تعرفون وش في راسي
تأكدتوا ان التاريخ يعيد نفسه)))

؟؟؟؟
!!!!!
........

إلى الاخت المستحيله مع التحية

الشيخ علي بن محماس بن عجيرالشدادي وربعه الشدادين وجميع القبائل الاخرى هم الآن تحت لواء خادم الحرمين الشريفين أطال الله في عمره . ولا يمكن للتاريخ أن يعيد نفسه

ونعم في حكامنا
لحم كتوفي من خير هالدولة

لا تروح بعيد ...
والمعنى في بطن الشاعر ؟؟
بس ما صبتها ؟؟!!

وإن كان إنكم يم الشلاوى مغاييـر
تحسّبـوا للبـر شـرّه وخـيـرة

مشكوووووووووووووور