مرت الايام

مرت الايام

آه من قلــــــــبٍ معنى ماستراح = مع مرور الوقت يتجدد عناه
ايتجــــــــدد بالعنا لــيل وصباح = مـــــــرت الايام ماحقق مناه
المنا لقـــيا مســبـبـت الـجـــراح = سببت جرح ٍ عجزنا في دواه
الجفا جــــرحه كما السم الذحاح = يذبح اللي كان ممل في الحياه
الجــفـا يابنت مامـــنه صــــلاح = بالجفا ماحد ٍ يحقــــــق مبتغاه
كان قصـدك زود شوقٍ وارتياح = زود شوق اللي تحبه هـو لقاه
وكانــــها للبعد باركــب جــــناح = ونتقابل في المكان اللــي تباه
وكان جاء مني خطا منك السماح = العفـو طبعك وقلبي في رجاه

الشاعر متعب بن فراج الشدادي

صح لسانك اخووي متعب قصيده لها معاني جميله ورائعه
مشكوور ويعطيك الف عافيه.

		المشاركة الأصلية بواسطة : اقتباس
	الجفـا يابنـت مامنـه صـلاح=بالجفا ماحـد ٍ يحقـق مبتغـاه

هذي حكمة يابو فراج ....
صح لسانك وياهلا بالجديدك ..

صدق من قال :

من طول الغيبات جاب الغنايم

وهذا أنت يا أبو فراج تغيب وتبطي وتنسانا

لكن تحن وتشتاق لناس يحبونك ويغلونك وعمرهم ما نسوك

ما جاك منهم إلا كل علم غانم وكل تقدير واحترام

هذا الزمن دوار ولا يبقى غير الطيبين ولا يصح إلا الصحيح

مشاركة أتت بعد الغياب لتفتح القلوب لك من جديد فأهلاً بك في بيتك الحقيقي

الشاعر / متعب بن فراج الشدادي الحارثي

هلا وغلا

قلت فابدعت يابن فراج

أنت شاعر معروف وليس بغريب عليك أن تبدع

مهوبتك الشعريه لايختلف عليها أثنان في القلطه والنضم

ننتظر الجديد وزود النص في القادمه شويه ليكتمل جمال القصيده

تقبل أجمل تحياتي

سلامتك من كلمة اه اخوي

متعب وصح لسانك يالغالي

قصيده في قمة الرووعه والجمال

في انتظار جديدك يابو فراج

الله الله يابا فراج

علمهم سلوم الحب وعلمهم اصول الشعر

ومن ميزات الشاعر الحقيقي اذا عبر ووصل الفكره

ولو ببيت واحد فقط اكتفى ولايتعمد الحشو مثل امثال انصاف

الشعرا

ابداااااع وتعبير مبدع اخي متعب

واصل فنحن لك منتظرين

وتقبل تحياتي

ابو راكان

مشكور يابو فراج قصيده رائعه
ونتمنا منك اكثر

بسم الله الرحمن الرحيم

اخواني واخواتي الكرام

السلام عليكم ورحمة الله وبركاته

اشكركم على مروركم الكريم وكلماتكم التي اعتبرها وسام على صدري


الاخ السلطان لم يكن غيابي عن هذا المنتدى الغالي الا لظروف العمل وبعض الاشغال الخاصه ويعلم الله انني لا اكن في صدري الا كل خير لك ولجميع الاعضاء ذكوراً واناثاً

الاخ خالد شاعر معروف وغني عن التعريف والحقيقه الرجل المناسب في
المكان المناسب فشكراً للسلطان على تعيينك مشرفاً للقسم الشعبي .

اما بالنسبه للقصيده وتعليقك بان الابيات قليله فأنا تعمدت ذلك لانني احب
التنويع وخير الاكلام ماقل ودل كما قال الاخ ابو راكان .

مره اخرى اشكر الجميع على مرورهم .

صح السانك يابو فراج