واعذابي

صبحكم الله بالخير جميعاً اصافحكم بقصيده اتمناء ان تنال اعجاب كل من شرفني بقراتها,,,

واعذابي من هجوسٍ لاضوت تضوى جميع=ولاسرحت ماهى بتسرح عن مراتعها سوى
لاظلم الليل وتحالت نومها عين الرضيع=وبات مرتاح الضمير ولان جنبه وانزوى
شبت بمثناة جوفى ثم بدت مع كل ريع=وقامت تجاوب بعضها بالقنيب وبالعوى
كنها ترمى بخفوقي في وسط شوك النقيع=وتنتقه نتق المغل اللى مايبغاله دوى
واه من وقتٍ عصاني وعيت ايامه تطيع=كل ماقلت انتهينا قال ابد مالك لوى
تونى وماجاك منى غير معروف وصنيع=الوعد قدام والطرقه بها جوع وطوى
احتزم واحسب حسابك للدهر قبل الربيع=غير ماذقته واكلته والله لتاكل هوى
قلت والله ماشحنى ولاوجع القلب الوجيع=كود معروفٍ على ردته كفى ماقوى
وكود لاشفت الرفيق الوافي الشهم الشجيع=ضايق ومحتاج حاجه دونها السارح ضوى
حاجتٍ ماهى بعندي ولقضاها ماستطيع=بينها وبينى يحول القل ويحول النوى
قلتها ويالله طلبتك يامجيب وياسميع=فك حبلى من حبال الفقر ملعون الثوى
واجعل اول فال بكره من غزايز بن قريع=من غزايز مورد الضامى على عد الروى
لئن اعقب ضيق خلقى واضحك ببالٍ وسيع=واقعد الراس الطويل اللى به عماس وخوى
انحر اسواق الجمائل واشتري ولاعاد ابيع=سوقها مايبيع فيه اللى الذي تاه وغوى
وكانها جتنى هجوسي حشتها حوش القطيع=لئن اعرضها خشوم السيل في وادى بوى
وان صدفت الفقر يشر بإول الخط السريع=والله انى لاتوطا ببطن ملعون الثوى

رائع هذا الصباح المحمل بـ الابداع يسعدني
اكون اول من يهنئك على جمالية ورعة
ابداعك

أَبيآتُ رآئِعةُ..
أثْقَلُهَا الجَمالُ
صَحُ كِلكَ يَ جَزلْ

ابو رزيق

صح لسآنك وبيض الله وجهك
على القصيده الجزله

تـحـيـآآآتي لــكـ

كفو والله يا شاعرنا أبو رزيق
والله يحييك بهذه الجزلة الفريدة
شاعر كبير ومتميز وما هو غريب عليك الابداع
وصح لسانك ملايين

فهد صح السانك عداد من سعى وطاف وزود
قصيده جزله من راس جزل وهذا الابداع غير مستغرب من سموك الكريم انا بسألك هالحين مسابقة شاعر الملك وينهم عنك هم مايشوفون ويسمعون الجزاله منك ياعنك ان الجنة التحكيم انها ماتعرف فالشعر مطعوم بيض الله وجهك يابورزيق اليوم ودووم ونبي غزل
تحياتي لك
اخوك
بدر المشيطي

فهد
صح لسانك وبيض الله وجهك
شاعر ونستمتع بشعرك
حياك الله

صح لسانك واعتلا شانك

ابيض وجه يافهد

تحياتي

صح لسانك



وعلا شأنك شاعرنا

الله الله عليك
شاعر وما عليك زود
صح لسانك

صح لسانك..............وعلا شانك

مشكووووور أخووووي