سالفة وقصيدة

السلام عليكم ورحمة الله وبركاته
اليوم حصلت سالفه للشاعر فايز مشحن الحارثي

سبق وان طلب منه احد الموظفين يدعى نامي جبر العتيبي
اجازه ووافق عليها فايز
ولكن الموظف طلب منه تاخيرها واخذها في وقت مناسب له
وعندما داوم الشاعر اليوم قابله نامي العتيبي بالقصيده
واتم له طلبه على الفور
واليكم الابيات


يقول
نامي جبر العتيبي


تكفون يالحرث ترى جالكم دور
صرتو قياده في زمان القياده

الي لزوم عندكم جاله شهور
عيا يجي ياشين حظ القراده


انتم تشاورتو وطولتو الشور
وانتم رجال الطيب واهل الركاده

ليتك تعذر يابن مشحن ومعذور
ولا لزومي تسرعون في وكاده

انته رفيق العمر من ماضي دهور
اليوم كنك ماتبيلي سعاده

هذي بيوت(ن) جتك مني ومشكور
حقق لزومي يازبون الرشاده




ردعليه الشاعر
فايز مشحن الحارثي
وقال


الجندي اللي مستلم منفذ السور
يصبر يالين الوقت يقضي براده

قيادة الكرسي لها وقت(ن)يدور
ما همنا كرسيها والسياده

لا ماتشاورنا ولا يحتمل شور
نملك صليب الراي نملك زناده

لا مايجيك الضيق مايلحقك جور
علم(ن)تبونه جاري(ن)ف اعتماده

حنا بني الحارث ولا ردنا بحور
صغيرنا يبطش وهو في مهاده

قم يالعتيبي روح لهلك ومسرور
حنا بفعل الطيب نملك رياده




وسلامتكم

الطيار
مرحباً بك ملاييين
وصح لسان الشاعرين
نامي العتيبي وفايز بن مشحن
ولكن هناك ملاحظة على بيت الشاعر
نامي اللي يقول فيه :
تكفون يالحرث ترى جالكم دور
صرتو قياده في زمان القياده
وكأنه يقول لم يكن لكم دور من قبل ( وحسن النية )
مقدم قبل كل شي وواضح من أسلوب الشاعر حسب سياق القصيدة
ولكن كنت اتمنى لو الشاعر فايز بن مشحن رد على هذا البيت وأعطاه اهتمام اكبر .
فلو قال نامي بدل ذلك البيت:
تكفون ياللي فالمراجل لكم دور
وإلكم قيادة من زمان القيادة
كان أفضل
ولو كان رد فايز على البيت الأصلي بـ :
من سابق الدنيا ليا نفخة الصور
إلنا على الجزلات وسم وريادة
كان أفضل
من وجة نظري وذلك من إعجابي بالموضوع
دمتم جميعاً بخير,,,

		المشاركة الأصلية بواسطة : واعي اقتباس
	الطيار مرحباً بك ملاييين وصح لسان الشاعرين نامي العتيبي وفايز بن مشحن ولكن هناك ملاحظة على بيت الشاعر نامي اللي يقول فيه : تكفون يالحرث ترى جالكم دور صرتو قياده في زمان القياده وكأنه يقول لم يكن لكم دور من قبل ( وحسن النية ) مقدم قبل كل شي وواضح من أسلوب الشاعر حسب سياق القصيدة ولكن كنت اتمنى لو الشاعر فايز بن مشحن رد على هذا البيت وأعطاه اهتمام اكبر . فلو قال نامي بدل ذلك البيت: تكفون ياللي فالمراجل لكم دور وإلكم قيادة من زمان القيادة كان أفضل ولو كان رد فايز على البيت الأصلي بـ : من سابق الدنيا ليا نفخة الصور إلنا على الجزلات وسم وريادة كان أفضل من وجة نظري وذلك من إعجابي بالموضوع دمتم جميعاً بخير,,,

اسعد الله اوقاتك بكل خير

واعي الشاعر نامي لم يقصد شي بهذا البيت وصار البارحه فيه نقاش مع الشاعرين

وكان يقصد نامي العتيبي
انه لم يكن يعمل بنفس السريه اللتي يعمل بها فايز وليس لفايز عليه صلاحيات مباشره
وكان قائد نامي من العتبان
ولم يحصل على كل طلباته

وهوه يقصد في بيته الاول

انكم انتم يالحرث صار لكم الان صلاحيات ونفوذ علي بشكل قوي ومباشر حققو ما عجز عنه اصحاب الصلاحيات

وانكم حتى في زمان القوه لكم قوه
وفي زمان لا يكون من له قوه الا من كان في قديم الوقت له فعل ويذكرونه الناس سواء رضو به ام لم يرضو به

هذا قصد الشاعر ولك مني التحيه

اخوك الطيار





وقال البيت ذا



من مغرب الدنيا ليا مشرق النور
حنا هل الطالات فعل وجلاده

هلا بك أخوي الطيار
وهلا بسالفة وقصيدة شاعرنا فايز بن مشحن
وخويه العتيبي
ونقول لهم صحت ألسنتكم والله يعطيكم العافية

واعي


انشهد انك واعي يالذيب

صراحةً نفس الملاحظة لاحضتها من شفت البيت

ولكن العتيبي وضح ما كان يقصد وتوضيحة يزيل الشك بصورة تامة


عالعموم الطيار بيض الله وجهك

ودمت بخير

الله لايهينكم
على المرور
وكل من قام بالنقد او التوضيح
يشكر لابعد مدى
واكتفي بايضاح الطيار للبس ابيات القصيده الموجهه لي

وهذا ماحصل فعلا
والله لايهينكم مره اخرى

أوافق أبو عبدالله من وجهة نظره

قصيدة رائعه وجزله وصح لسان العتيبي وابن مشحن

نتمنى ان نرى الكثير من قصائد ابن مشحن

وتسلم يالطيار على تواصلك ولاهنت

بيض الله وجيهكم ياربعي

مايبقى ألا فعل الجميل

تروح العلوم وتجي
ولا تقف ألا عند الحارثي

علم(ن)تبونه جاري(ن)ف اعتماده

كفووووووووووووووووالله

ونقد أخوي واعي في محله


والاسلوب وإنتقاء المفردات من مقومات القصيدة

لكن المطلوب حصل وأهم شئ الفعل

و تكفينا كلمة تكفون يالحرث




ابشر والله بسعدك يالعتيبي دام قايدك حارثي


أقولها عن ابو مشحن كثر الله من أمثاله

		المشاركة الأصلية بواسطة : خادم الطيب اقتباس
	بيض الله وجيهكم ياربعي مايبقى ألا فعل الجميل تروح العلوم وتجي ولا تقف ألا عند الحارثي علم(ن)تبونه جاري(ن)ف اعتماده كفووووووووووووووووالله ونقد أخوي واعي في محله والاسلوب وإنتقاء المفردات من مقومات القصيدة لكن المطلوب حصل وأهم شئ الفعل و تكفينا كلمة تكفون يالحرث ابشر والله بسعدك يالعتيبي دام قايدك حارثي أقولها عن ابو مشحن كثر الله من أمثاله

خادم الطيب
جعلك تحيا ودوم
هذا الشاعر توه في طريق البدايه وقصده كان موضح لي مع العلم اني رديت ع بيته اللذي صار فيه انتقاد
والعلم الطيب حنا هله
من القرون الماضيات وليس بجديد علينا
هذم الخصال
تشكر على المرور
والله لايهينك
ودمت
بخير