تخرجتوا يا ضباط وكسبتوا

السلام عليكم ورحمة الله وبركاته

أقدم لكم هذه القصيده التي كتبتها يوم الأربعاء الماضي 10/6/1430هـ
بمناسبة دعوتي لأمسية شعريه بمناسبة تخرج ضباط بني الحارث بالرياض وأحيا معي الأمسيه الشاعر / عيد بن عبيد الشدادي ( الغربي).

.
.

بسم رب الفلك جلا جلاله=هو المعبود ما يعبد بديله
ولي الخلق علام السراير=إليه بكل أموري ألتجيله
أنا لامن دعاني كفوجيته=ولو من بيننا مابه وسيله
دعيت لحفل ضباط إبن حارث=وجيت أسابق الخيل الأصيله
لجل ربعي هل الطاله حزامي=تمثلة الطواريق الجزيله
سلام يعمكم يا تاج راسي=سلام يعم لأفراد القبيله
بنى الحارث ليا جارة وشانت=لهم وقفات بسيوفٍ صقيله
منازلهم على العليا تبين=أعد القول والفعل بدليله
وسلام يعم من شرف وجانا=هلابه عد ما خيل مخيله
أبارك للنوادر بالتخرج=نوادر جيل ينقلها لجيله
تخرجتو يا ضباط وكسبتو=مقالة نعم وعلومٍ جميله
صبرتو والصبر مفتاح ضيقه=رجالٍ ما تهابون الثقيله
أبا أوصيكم خذو مني وصيه=تقى المعبود في صبحه وليله
عسى الله من هل الشر يحماكم=وعساكم ما تحوزون القليله
وصلى الله على الهادي وسلم=محمد كل أبونا ننتميله

وسلامتكم

أخوكم / فارس بن عايض الشدادي .

فارس

صح لسانك وبنانك ولك مني جزيل الشكر على تلك القصيده الجزله


التحايا

بيّض الله وجهك يا أبو عايض ولا عدمناك
والله إنك كفو وراعي فزعات
وربعك يستاهلون الخير كله
لا هنت ولا هان غاليك

صحت أبدانكم جميع

وهذا أقل ما نفعله لجل القبيلة

والله لا يهينكم

الله يعطيك العافية

على هذا الإبداع الجميل المميز

صح لسااانك

وعساك على القوة

ابو عايض صح لسانك ولا هنت

قصيدهـ طيبه وجميله جدآ


لا عدمناك يا ذيبآن ،،

فارس

صح لسانك
والله جزل ولا يجي منك الا كل جزيل

والله لايهينك على وقفتك الغير مستغربه مع ظباط بني الحارث

وانت راعي الوقفات يابو عايض

صح للسانك

قصيدة ممتازة

تحياتي لك

صح السانك يابوعايض قصيدة جميله ووافيه لاهنت
وبيض الله وجهك

الله لا يهينكم

وصخت أبدانكم وتشرفت بمروركم الكريم

ولكم جزيل الشكر