ما هي رجولة مسكتك للسجاره

مـجـمـوع الأوسـمـة · 09:28 AM

.

(لكل مدخــن )

ياأنت ياللي تمسك الموت بيديك = ما هي رجولة مسكتك للسجاره
ذاك الزفيراللي يودعك بيجيك = في شهقة.(ن) تحمل معاها غباره
تولع الدخان حتى يطفيك = وبيني و بينك في سلوكك نعاره
تضر نفسك و مجالسينك و أهآليك = و يكفي على ( الباكيت ) تقرا عبارهـ
تحذير صحي : المرض منه يأتيك = و كانك تريد الموت خذها بجدارهـ
و يا بنت مسكتك المعسل تخليك = شينه و تبعدبك عن أرض الطهاره
و إن كان ربي حط بحشاك غاليك = مات و تسمم قبل يطلع لداره
و الله ما تلقى بن آدم يواسيك = لا صار ( للكنسر ) في صدرك إماره
لا تحسب علاج الاطبه يداويك = أقلع قبل لا تذوق طعم المراره
تشفط سجاره و المنادي يناديك = و في باب بيت الله تطفي السجاره
شيء.ن بنعلك تدعسه دوم وشفيك = ياآبن الاجواد ذا دليل القذاره
و ما دام ما ترضى أحد يوم يأذيك = لا تأذي مصلي خشوعه شعاره
بستة ريالٍ تبيع نفسك لشاريك = الهندي اللي كل همه تجاره
و لا شح عندك تسأل الناس تعطيك = تتوسله يأذيك .. هذي شطاره
من قال لك شرب السجاير يسليك = بيزيد همك هم و يقيد ناره
ما تدري إنه نار في الصدر تكويك = و كم شايب(.ن) في الناس تذهب وقاره
إما ردعك اللي يقوله محاكيك = أرجع لنفسك و أحسب الآمر تاره
و ياالتاجر اللي منك ضاعت مباديك = ربحك من الدخان ذنب و خساره
يا أخي أمتثل للحق في أمر باريك = درب الهدى وش له تغير مساره

.