السيوف الشواطير

بدون مقدمات اضع بين يديكم هاذه الابيات البسيطه وليدة هاذه اللحظات اتمنى ان تنال على اعجابكم ورضاكم....

اسمع كلامي ياحفيد المناعير=شيٍ يُهول كتبته والله في ساعه
اسمع كلامي وخل عنك المسايير=ابيك تنصت وانتبه في سماعه
هاذا الكلام بصوره لك تصاوير=عندي على التوصيف والله استطاعه
يادم قلبي اصبح اليوم مفاوير=شفت الردى اسدل عليه شراعه
بعض العرب اصبح شبيه المعاوير= ام شكك الخوه رديٍ طباعه
ياكم عطينا ثم لقينا مخاسير=بضاعةٍ ياشينها من بضاعه
وياكم عطينا ولاحسبنا المعايير=من طيبنا جدّنا وصرنا سباعه
اكبر غلط نعطي القلوب الدواوير=لاهل الردى ممثلين البراعه
يضحك معك وفي خاطره لك تدابير=هاذا ابو وجهين اودعك وداعه
تبتر جذوره باالسيوف الشواطير=ان طالها كسّر يديه وكراعه
واللي تردى عندي مثله مثل طير=شاف الجيف ثم اندفع بندفاعه
وترا الردي تهبه والله المعاصير=هاذا طبوعه ماله ربع وجماعه
اما انا من قوم وربي صقاقير=اهل الوفاء والطيب واهل الشجاعه
واهل الكرم والجود وربي مخابير=عند النشاما زدنا والله ارتفاعه
وترا العدو له عندي سيفٍ بواتير=ابتر يديه وابتر انا كل قاعه
لا والذي خالق جمال الغنادير=ظهر الردي لعطبه واعلن وداعه
الله عطاني هاالشجاعه طوابير=والله عطاني هاالشجاعه قناعه
الحمدالله عد مامر بي عصير=الله عطاني هاالقناعه في ساعه
وياحبني لأهل الوفا والمناعير=اللي تقول سقى الوفا في رضاعه
لاضامه الدنيا وحلّت معاسير=تلقاه معك يزيد والله اندفاعه
يحرص على طيبك ويبذل لك الخير=هاذا الرفيق اللي طويلٍ ذراعه
احرص عليه ابو السعد والتباشير=حافظ عليه وفي خوته راعه راعه
واختم سلامي للنشاما المغاوير=اهل المروه والكرم والشجاعه
ويارب يالي عندك العلم مقادير=تحفظني وتجعل خاطري فاتساعه

قصيدة رائعة
صح لسانك شاعرنا
ولاهنت

.
.
















نَصٌ يُحَاكيَّْ الواقِع وَ جزالَّةُ مُبنيَّةُ عَلىْ إِقتدار شَاعِرُ مُتمَكِنْ
قَافُ وَ كَأنهُ شَذراتْ السَيِفْ فيْ بَريِقُهَا صَّح الله البوُح
وَ الفِكر الأخَّاذ وَ سَلِمّْ البنَانْ البَليِغْ
وَ طِبتْ لـ النشَاما يَ كريِمْ

تَعتليَّْ الثُريَّا ثَلاثّة أيامْ وَ توُشَّمْ بالتميَّز + تَنبيِه

صح لسانك ولاهنت شاعرنا رفيع المكان جزله من جزل كفووو

كفو والله يا شاعرنا رفيع المكان
والله يرفع قدرك ويعلي منزلتك
بالعون إنك أبدعت وتميزت وأجزلت
أبيات بالفعل تستحق كل إشادة وتقدير
وكل تميز وافتخار

لا هنت ولا هان غاليك
وننتظر منك الجديد دائماً

الله درك على كل حرف وكل كلمة

فيك أحساس جميل

وجدته هنا

سلمت الأنامل لما نثرت به
بكلمات فاضت من المشاعر والأحساس

وسلمت لنا روائعك بما نثرت به

دمت بكل سعاده

قصيدة رائــــعة من روائعك
صح لسانك ويسلم ذوقك

دمت ودام عطاء قلمك الراقي
تحياتي
لشخصك الكريم

صح
الله
لسانك
وماقصرت
الف شكرلك

أحبك في الله ..
وأحب شعرك ولي معك حديث مطوّل ..
لكن على الخاص ..
صح لسانك شاعرنا الفذّ ..
فيه دماء جديدة ياساكني دار الشدادين ..
مفعمة بالشعر ،إهتموا بها وهذا حق علينا جميعاً ..
أجمل المنى وأعطر المشاعر ، ياشاعر ..

أنت نعري ويكفي ..

قصيدة رائعه ..
ماقصرت ..

شكرا لكْ..