|
||||||||||||||||||
هجوس المشاعر
هاضت هجوس المشاعر وابتديت المقال = واخترت جزل القصائد واعذب ابياتها
وابحرت بالشعر في بحور الهلع والهوال = وارسيت مابين غبتها وموجاتها واخذت من صافي المرجان باهي الجمال = واخذت ياقوتها واخذت دراتها والبستها مثل مايلبس حسين الدلال = قصيدةٍ تحمل الغالي بطياتها ووجهتها من تبوك الورد غرب الشمال = للطائف اللي يشوق العين نظراتها مسكن بني عمي الحرث قروم العيال = العزوه اللي تنومسني بوقفاتها ربعي هل الصيت واهل الطيب واهل الفعال = عوني ليا دارت الدنيا بدوراتها سلام من هاجسٍ يرسي سوات الجبال = ويطلع بجنب الكواكب في مجراتها سلام يجلى بنوره ظلم سود الليال = ويقاسم الشمس روحتها وجياتها سلامٍ اكثر بعده من حبوب الرمال = واغلى من الروح والنفس وملذاتها على رجالٍ غلاهم للفتى راس مال = سوات دم القلوب ونبض دقاتها واقول يالابتي من بعد هل الهلال = عسى ليال العياد تزيد ساعاتها وانتم وانا والجميع بخير في كل حال = في الدوله اللي تحكم الشرع ساداتها دولة عيال الامام اللي بحد السلال = اقامله دولةٍ ننعم بخيراتها العلم والامن يلغي الجهل والانحلال = والفكر واكب حضارتنا ونهضاتها الله يرحمك يارجلٍ تركله رجال = تجعل هموم المواطن جل غياتها صقر العروبه ابو متعب عريب الخوال = يالله تحفظه من الدنيا وصكاتها وولي عهده ابو خالد كريم السبال = زبونها ان شنت العدوان غاراتها والله يسلط على الارهاب واهل الظلال= ويبلم الزمره اللي لجت اصواتها الدين ماهوب تفجير ودمار وقتال = ناسٍ شهادة محمد من شهاداتها الدين دين التسامح لا ورب الجلال = دعوه وترغيب في الخلد ودرجاتها سنة محمد عليه عداد وبل الخيال = سلام من تتبع الدين وصلاواتها
|
11 Oct 2007, 07:09 AM | [ 2 ] | |||||||
عضو متميز
|
واقول يالابتـي مـن بعـد هـل الهـلال = عسـى ليـال العيـاد تزيـد ساعاتـهـا وانتم وانا والجميع بخير فـي كـل حـال = في الدوله اللي تحكـم الشـرع ساداتهـا صح لسانك وعلا شانك شاعرنا / متعب الشدادي الله يعطيك العافيه وبيض الله وجهك سنة محمد عليـه عـداد وبـل الخيـال = سـلام مـن تتبـع الديـن وصلاواتهـا
اللهم اصلى واسلم عليه وعلى آله وصحبه اجمعين
وكل عام وانت بخير يامتعب والجميع بأتم الصحه والعافيه اعاده الله علينا وعليكم |
|||||||
|
||||||||
11 Oct 2007, 01:24 PM | [ 3 ] | ||||||||
شاعر
|
صح لسانك يابو فراج وبيض الله وجهك على القصيده الجزله وكل عام وانت بخير يالغالي تقبل مروري الغربي |
||||||||
11 Oct 2007, 04:55 PM | [ 4 ] | ||||||||
مؤسس شبكة الشدادين
|
عاد عيدك وعاش حبيبك يا أبو فراج وكل عام وأنت بألف خير يا شاعرنا اليوم ودوم عسى الله يزيدنا من فضله وجوده واحسانه عسى عيدنا يعود علينا كل عام ونحن في أتم الصحة والعافية |
||||||||
|
|||||||||
11 Oct 2007, 05:03 PM | [ 5 ] | |||||||
نائب المشرف العام
|
صح لسانك اخي ابو فراج قصيدة رااائعه بكل ماتحمل هذه الكلمه من معنى اتمنى يابو فراج ان تشارك بقصيدة في حفل استقبال ولي العهد اللي راح تستقبله منطقة تبوك في ايام العيد مودتي |
|||||||
|
||||||||
11 Oct 2007, 09:21 PM | [ 6 ] | |||||||
شاعر
|
صح لسانك وبيض الله وجهك يا أبو فراج وكل عام وأنت بخير يالذيب |
|||||||
|
||||||||
11 Oct 2007, 10:36 PM | [ 7 ] | ||||||||
عضو متميز
|
صح لسانك يا شاعرنا قصيدة جزلة وليست غريبه على ابوفراج الله يبيض وجهك ويعطيك العافيه |
||||||||
|
|||||||||
14 Oct 2007, 11:58 AM | [ 8 ] | |||||||||||||||||||||||||||
|
عز الله أنها قمة يابو فراج لله درك والله لا يظرك ولنا الحق أن نفخر بشاعر جزل وتمكن مثلك .. وبدورنا نرد العيديه ونقول كل عام وأنت بالف خير ومكانك في القلب لو طالت المسافه ... تحياتي |
|||||||||||||||||||||||||||
|
||||||||||||||||||||||||||||
14 Oct 2007, 12:02 PM | [ 9 ] | |||||||
عضو متميز
|
من العايدين يابو فراج وصح لسانك وقصيده جزله ولا هي غريبه على شاعر مثلك تحياتي |
|||||||
14 Oct 2007, 11:03 PM | [ 10 ] | |||||||
شاعر
|
هلا بشاعرنا الكبير والله يبض وجهك صح لسانك ولا هنت وكل عام وانت بخير |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نزف المشاعر | تركي الشدادي | بحور القوافي | 34 | 03 Feb 2013 07:38 AM |
كل المشاعر | عيد الشدادي | المواهب والمحاولات الشعرية | 20 | 05 Nov 2010 03:01 AM |
المشاعر | الــســبــع | القسم العام | 4 | 13 Sep 2009 04:45 AM |
لحن المشاعر | رعد الجبوب | مرافئ البوح | 13 | 18 Oct 2008 07:56 PM |
~*¤ô§ô¤*~ سلطان المشاعر ~*¤ô§ô¤*~ | سلطان المشاعر | الترحيب والتهاني | 15 | 20 Mar 2006 08:33 PM |
|