ثقافتنا التقنيه

^
^

السلام عليكم ورحمة الله وبركاته

كيفكون أن شاءالله مناح >> هاذي اللي فاهمه لهجة الشوام غلط

كيف الاختبارات ياللي تختبرون ان شاءالله مابوه أحدن جايب العيد مثلي


وشسمه هالموضوع في مخيخي من فتره ودي أكتبه ودي ماأكتبه >> بس هاللحين شكله صار ودي




ليه فيه ناس ماودهم يدرون وش يتكون منه جهازهم !!

لا الصدق فيه ناس كثير وأعرفهم مايعرف وشلون تنحل ابسط مشكله حتى تسكيرة برنامج !!

عشان كذا حبيت أطرح عليكم هالموضوع وأشوف الى وين وصلنا بثقافتنا التقنيه !!

والله ماتصدقون صادفت ناس كثير ماتعرف أبدأ ولا حتى وشو سطح المكتب !!

وعلى فكره هالناس أغلبهم متوظفين


أحس هذي معلومات اساسية المفروض الشخص يعرفها و ماتحتاج دورات أو معلمين

أقل شيء ممكن الواحد فينا يتعلمه هو حماية الجهاز فيه ناس لا ماتفكر تقول وشوله خلاص نسأل ناس وبس !!

و ياكثر ماستفادوا منهم هالنوعيه المحلات ههههههههه

ياكثر ماضحكوا علينا ويلا يفرمتونه ويطلع كأنه جديد ونفرح به


و اللي اصلا صار انه حط نسخه غير اصليه في الجهاز و أعطاك اياه و انت كان
عندك الحل و يمكن سهل بس تستاهل يوم انك ماتدور بقوقل اسهل مكان


لا الصدق ألحين ما نضمن أحد و ياكثر اللي نسمع تهكرت اجهزتهم و حالته حاله


وياما شفنا ناس تحط صور كل من هب ودب من بيتهم ويستغلونها ناس وعاد يالله ماعاد ينفع الندم


اللي خلاني أكتب هالموضوع أني أشوف ناس كثيرين أبد ماعندهم أمل يعرفون شوي من التقنيات اللي وصلنا لها ..



و ترى أغلب التقنيين ماهو من دراسه خبره تجي مع الوقت و الاستخدام،

أحم معليش يابنت عمي بفضحك ذاك اليوم كنت عندها وتسألني سؤال أنصدمت بصراحه !! أجل فيه أحد مايعرف يفك ضغط برنامج

ترى والله ماقصد اني أنقص بأحد بس المهم الواحد يتعلم شوي في هالمجال تراه ممتع و رهيب و بتحس بالفرق لو تزيد الخبره

حتى الفايروس ماعاد هو بطاب لجهازك

قبل ماأختم الموضوع ..هاذي قصه قالها لي أخوي عن صديقه ..

المهم صديقه هذا عنده محل يقول مره من المراير جتني وحده مع بناتها كبار يمكن بالجامعه .. يقول يوم فتحت اللاب توب تقولي شف هاذي صور بناتي يوم عرس اخوهن ابيك تحذفها وتسوي فورمات يقول والله انها على نياتها وتحمد ربها طاحت فيني

طيب نقول هي ماتعرف طيب هالبنات ورى مايعرفون !!



أنا قبل لااتخرج من الثانويه ماكنت اعرف شي في الكمبيوتر وربي كنت اكرهه كره

وكنت اقول مستحيل اتخصص او ادرس شي به كمبيوتر << لكن تجري الرياح بما لاتشتهي السفن


هذا أبوي الله يحفظه قبل كان مايحرك الماوس الا والازم يحرك الكرسي معه قلت يبه ترى موب لازم يتحرك الكرسي قال ها مادريت اللحين ماشاءالله صار توب بالحاسب ...



اللي أبي أوصل له :

1 - ليه معظم الناس ثقافتهم من هالناحيه قليله جدا وربما شبه معدومه !!

2 - ليه الناس لما يخرب جهازها تروح على طول لابو هنود يلعب بالجهاز حتى ماتفكر شوي تروح لعمي قوقل ويلقى الحل !!

3 - كيف ممكن نتثقف من هالناحيه ( بغض النظر عن المعاهد لان الاغلب يمكن مايفضل )

4 - بكل صراحه و أمانه ؟ وش كثر تعرف عن جهازك ؟!


وشسمه كتبت الموضوع بسرعه ..

لاني منحوسه لازم مواضيعي تنزل والخلق نايمه كاني خفاش

لانه قلق بالبيت كل شوي وهم منادينك ياشغب ياشغب


دمتم بحفظ الله .......

يعطيك العافيه شغب وبصراحه الموضوع هذا يمر علينا كثييير

وفيه ناس على قولتك مايعرف إلا التشغيل وعلى طول ياشات ياقيمزر ولا يعرف اي شئ بالجهاز ومره من المرات واحد من الشباب مسوي زحمه وشايل جهاز ولا يعرف اي شئ إلا شات وبلياردو حتى مره كان يبي يسوي عرض للصور في مجلد المستندات والله ماهو عارف وأتوقع السبب من المنهج أيام الدراسه لأنهم يدرسون الطلبه أشياء أكبر من عقولهم ولا يحتاجونها زي البت والبايت ولا يعرفون شئ بالويندوز وعالم النت داخلين فيه للترفيه وبس يعني مايهمه أي شئ .

دمتي بحفظ الله

يعطيك العافيهَ شغوبهَ

وبعدين صح انا معك ما اودي جهازي الا بحاله وحدة ،


















اذا انعطب الجهاز


ماعاد يشتغل لا حي ولا ميتُ


هنا انا اوديه وانا ابكيُ

وبنسبهَ ل الفايروسات والله معقدني برنامج الحمايهَ اذا عندك مثلهَ قولي لي << تتمصلحَ اللي هو sest


وشسمهَ المسنَ هم بعد يبي له كف على خشتهَ ماعاد يفتح معي ،

وانا معك بان الانسان يتعلم او اقلها العم قوقلَ يعلمك بكل شيء ومنها تكسب خبرهَ وتكسب جهازكَ


وتسلم يدينكَ


دمتي ب سعاده

ياهلا وغلا بشغب بالنقاش

وياهلا بموضوعك الجميل

اللي كأنك كاتبته تقصديني فيه < اللي ع راسه بطحه يتحسس عليها

مدري أبتدي من وين وإلا وين ولكن بكون صريحة

وبقوة بعد

أنا من النوع اللي تحكين عنه يعني ماعمري فكرت بيوم أتكتك ع الجهاز

وأعرف شغلات تخدمني مع إني دارسة دورة كمبيوتر وعندي خلفية لكن

لأني ماأطبق اللي درسته اسم إني خذيتها وعرفت كيف استخدم الجهاز

والمعلومات الأساسية اللي بتخدمني مافكرت أطبق كل شي تعلمته

لأني أحس فيه ناس اكثر مني خبره وأتوقع مافيه محل بشمال الرياض

ماشرفته أجهزتي أي تغيّر بجهازي ع طول للمحل وأنا عارفه إنهم

كذابين شغلات تافهه يصلحها بميتين لكن مافيه بديل غصب أصدقهم

وغصب أخلي جهازي عندهم لقناعتي بأنهم أخبر مني

يعني بالشهر لازم واحد من أجهزتي أسوي له فورمات وإلا علق وياي

وتوهقت ماعرف كيف أتصرف معه يعني شغلات بسيطة لكن الرابح المحلات

والسبب لأني ماأحب أفكر بالتقنية وأضيع وقتي وفيه محلات بيخدموني

فليه أتعب وأحوس وأخرب وهو مو من اختصاصي أنا مؤمنة بأن لكل

شي شخص خبير فيه وقدراتي بعيده عن هالمجال ولو حاولت بعرف

ولو بس عطيت نفسي مجال راح أفهم لكن عقدة الإتكالية تلازمني

بكل أموري

وأحلا صباح لعيونك وموضوعك رايق كنت بنام وشدني وقلت بحط ردي

ماأقدر اصبر لليل

يعافيك ربي ولاعدمناك يالغلا

		المشاركة الأصلية بواسطة : غالي اقتباس
	يعطيك العافيه شغب وبصراحه الموضوع هذا يمر علينا كثييير وفيه ناس على قولتك مايعرف إلا التشغيل وعلى طول ياشات ياقيمزر ولا يعرف اي شئ بالجهاز ومره من المرات واحد من الشباب مسوي زحمه وشايل جهاز ولا يعرف اي شئ إلا شات وبلياردو حتى مره كان يبي يسوي عرض للصور في مجلد المستندات والله ماهو عارف وأتوقع السبب من المنهج أيام الدراسه لأنهم يدرسون الطلبه أشياء أكبر من عقولهم ولا يحتاجونها زي البت والبايت ولا يعرفون شئ بالويندوز وعالم النت داخلين فيه للترفيه وبس يعني مايهمه أي شئ . دمتي بحفظ الله

المنهج وين طاب

أي والله انك صدقت ياغالي ...

وش كنا ندرس بالمدرسه غير الاكسل والآكسس صحيح مفيده بس ابدا ماتفك أزمات وماتفيدنا بشئ بالحياه العامه

وصح على قولتك ماندخل النت الا للترفيه وبس ليه مانطور من أنفسنا ونبحث كيف نحل أبسط مشاكل أجهزتنا ولا أحد يقدر يلعب علينا والله مالقاها الا أبو هنود

شاكره تواجدك أخوي غالي ...

مــــرحبتين


بصراحه ......شغب


جيت على الجرح .......والله مالي خلق أحس بصداع ما صرت أستوعب أدوخ

من كثر المعلومات حول الجهاز وملحقاته و برامجه

وايضا أعاني من نسيان المعلومه يعني أفقدها بسرعه






حمــ ــ ـ ــاك اللـ ـــ ــ ـــ ــــه و رفع قــ ــ ــ ـــ ـ ــــدرك

,’


هلا بك شغب أنثى

وصح كلامك كثير ناس يعانو من الجهل بأمور جهازهم

عن نفسي أحب اسوي النون وما يعلمون بجهازي

وتقريباً زي لبيه اوديه للصيانه لمن يكون شي كبير

المروحه ما تشتغل البطاريه ماتشتغل :s

وطبعاً معرفتي بجهازي من حبيب قلبي الله يخليه لنا ولا يحرمنا منو

عموو google

واكيد سؤال الناس اللي يعرفو في دا المجال من اصحابي النتين ومره كمان سألت السلطان وساعدني ربنا يديه العافيه

...

أول مره مسكت لا ب توبي كان اي شي يحصل فيه اوديه محل صيانه وهاتك يا سحب في الفلوس على الفاضي والمليان

بس بعدها سار كل شي اسويه بنفسي

لا وفي ومره حدد معايا سعر معين ولما انتهى من تصليح الجهاز

قلي حذفت الفوتوشوب ومعرف ايه :S

قولتلو رجع الفوتوشوب قلي طيب كدا فلوس زياده

قولتلو : آهآآ فلوس زياده

طيب جيبو انا نزل فوتوشوب في البيت بدون فلوس

وترى الحكاية مش حكاية فلوس وغيرو

بس انو ليه ندفع على شي احنا نعرف نسويه و يمكن يكون اضمن كمان

وكمان وقت مالواحد ينزنق ويكون وقت ليل والمحلات مقفله مثلاً

يجلس يستنى الصباح حد ما تحن المحلات وتفتح

طيب نفرض عندو شي مهم واجب او مستندات او ايميل مهم لازم يرسلو


..

وكمان كل ما الواحد ينزل برنامج يحتاج يتعلم اشياء وتقنيات جديدة

وكل مالو بيدور ع الافضل وكل ما يبحث يتعلم وتزيد ثقافتو التقنيه


..

تُشكري يا بنت على موضوعك الحلو

وربنا يوفئك

^^



,’

هلابك شغب موضوعك مره جميل ومشكله موجوده
احب اقولك انا من النوع الاتكالي يعني اخويه يعرف كل شئ في الجهاز
يفرمت ينزل ويركب لي البرامج كل ماتتصورين يسويه
وكل مااحتجت حاجه اقوله وويجي يحوس في جهازي
وانا مافكرت اتعب نفسي واتعلم
لاني بتكل عليه في كل شئ
بس تبغى الصراحه الي ابغى اتعلمه اتعلمه بسرعه
بسم الله عليه ذكيه

تسلمي شغب استمتعت بالموضوع وباسلوبك الجميل
لاحرمنا منه

فعلا التقنية الان مهمه جدا في جميع المجالات وقليل من يستغني عنها خاصة هذا الجيل
الصراحه كنت مثل (الاطرش بالزفه) كما يقولون لم اكن اعرف حتى معنى رفع الصور
او حتى تحميل مقطع ...اخيتي لايولد الانسان متعلم والجهل بالشئ ليس عيبا بل العيب من يعلم بجهله ويصر عليه ...لدينا زميلات في العمل حتى فتح الجهاز لاتعرفه ونحن الان لدينا دورات تعليميه في سبورة جديده اسمها (السبورة التفاعليه )وتعتمد كليا على الكمبيوتروعلى معرفتك بالوورد وتصميم الشرائح ...وكيف سأتعامل مع هذه التقنية ونحن نجهل ابسط الابتدائيات الواجب معرفتها ....وذكر بعض الاعضاء ان البعض لايسعى للمعرفه لانه قد لايحتاج إليها بل يسعى ان يعرف مايحتاجه فقط وهذا جميل وبداية مشجعه للتطوير من القدرات ..وللامانه لدي صديقة ماشاء الله تبارك الله مبدعه في التعامل مع الاجهزة حتى انها علمتني أشياء لم اكن اتخيل انها موجوده ...موضوعك حقا دعوه لنا وللجميع بالاستغناء بالنفس عن الناس وان نحاول ان نحسن من معرفتنا وثقافتنا ...موضوعك جدا جميل كقلمك لاعدمناه ولاعدمنا عطائك

		المشاركة الأصلية بواسطة : لبّيه اقتباس
	يعطيك العافيهَ شغوبهَ وبعدين صح انا معك ما اودي جهازي الا بحاله وحدة ، اذا انعطب الجهاز ماعاد يشتغل لا حي ولا ميتُ هنا انا اوديه وانا ابكيُ وبنسبهَ ل الفايروسات والله معقدني برنامج الحمايهَ اذا عندك مثلهَ قولي لي << تتمصلحَ اللي هو sest وشسمهَ المسنَ هم بعد يبي له كف على خشتهَ ماعاد يفتح معي ، وانا معك بان الانسان يتعلم او اقلها العم قوقلَ يعلمك بكل شيء ومنها تكسب خبرهَ وتكسب جهازكَ وتسلم يدينكَ دمتي ب سعاده

هلا وغلا بلبيه

أجل ماتودين جهازك الا اذا بدأ يحتضر

وجع وش جاه المسن غاث العالم الله يغث عدوه

نفس حالة أختي قبل يومين مايفتح معها .. طيب شوفي سوي دبل كليك عالساعه في شريط المهام وتأكدي من الوقت والتاريخ ..
وتأكدي من أعدادات البروكسي لأتصالك ..

وان شاءالله يفتح >> أيه بالله لايأس مع الحياه ولاحياه مع الياس

منوره الموضوع لبيه ..