|
|||||||||||||||||
قصيدة لــ طلب العفو عن سجين
السلام عليكم ورحمة الله وبركاته هذه القصيده للشاعر( سيف الجروي القحطاني ) في طلب العفو عن السجين المحكوم بالقصاص (خالد بن شارع بن شباب العضياني الحارثي) سلام يـارجــال ابــالحارث هـــل الطايلات *** ياللــي لكم في بحور الطيب فعل(ن) ثبات انتم اعـزاز الـمناســب مكرميـــن الضيوف *** ومخضبين القنــــا ومـــطوعين العصــات بالحـارث اهــل الوفا والطيب واهل الجميل *** فايامنــا الحاضــره وايامنـــا الماضيــــات بالحـارث اهــل الشجاعـــه والادب والسلوم *** اللـــي بنوهـــا علــى عـــادات ومــقدمات بالحـارث اللــي يعدون الـصديـــق الصدوق *** وبصماتهــم فالعلـــوم الطيبه واضحــــات بالحـارث اللــي يــصونون القــــمم والعهود *** اجـــواد مـــايشهدون الا علـــى بينــــــات بالحـارث اللــي على مدى الايام ما يغـدرون *** وقلوبهـم مؤمنــه وعقولـــهم زاكيـــــــات بالحـارث اهــل الــولا واهـــل المقام الرفيـع *** رجـــال كــلــهم حــضــار فالــواجبــــات بالحـارث اهــل البلاغه والكــلام الفـــصيـح *** رجالهم فالـــمدارس و المجالـــس ثقــــات بالحـارث اهــل الفـخــر ومزبنيــن الدخيـــل *** انا اشهد انهم دهات من سلايــــل دهـــات بالحـارث اهــل الكـــرم واهـــل الشيم والقـيم *** اقولها صـدق لا سمعـــه ولا مجامــــلات يوم الجهل قسمهم معــروف بيـــن الــقـســوم *** واليـوم اهــــــل خيـــر واهل احسنـــــات شعارهم يصرفون الشـــعر صـــرف الـذهب *** وتجــــارهم ينفقون المــال فالـــطيبــــات وشيوخهم فــي سمــاء الامجاد مــثل النجــوم *** وحضوضهم قايمه واهدافهم صافيــــــات تكــفون تكــفون يـــابــالـحـارث الـطـيبـــيــن *** تكـــفون يا فزعــة المضهود ستر البنـات جينا لكم من جنوب المـمــلــكـه والـشــمـــال *** وجينا لكم من وسط نجد وجميع الجهـــات جينــا بجـــاه القبايـــل بعد جــــاه الشــيـــوخ *** وحقوقنا عندكـم توزن جبــــال الســــرات نطلبـــكم العفــــو مــن تنفيذ حكــم القصاص *** وخيـــر قــدوه نبــــي الله حميد الصفــــات اللي عفا عن قريش اللــي عصولـــه جميـــع *** مني عليه افضل التسليم وازكى الصــلات تــكفون تكــفون يـــاآل عويــف الـغـانـمـيــن *** رفيقكــــم لا تقصونـــه بــــحد الشبــــــات رجل(ن) بسجنه يشوف الموت في كل حيـن *** وارجولــــه مقيــده وايدينــــه مكتفـــــــات نطلبـــكم تســـامحونـــه جعلكــم تســلـمـــون *** وتميزوا بالثلاث اجر وجميل وغنـــــــات تكـفى يا محمد عويــــف جعل عمرك طويل *** قدر وجيه القبايــــل يوم صفـــة وجـــــات وتــكفى يا عايض عويـــف يا عزيز الجناب *** مثلك يحل العقــــد ويخلص المشكــــــلات وتكفـــى ياعبدالله انـت الخصم وانت الوكيل *** وانت البطـــل جعل ما يبكونك النايحــــات اذا احيـــيتهـــوا كنك احييت الاوادم جميـــع *** يستاهل العفــــو من ربي كريم الهبـــــــات وارفـــع يدينــي واقـــول الله يعـــز الملــوك *** ويحيا وطنـا ويبقـــى شامـــخ المنجــــزات وهذه القصيدة رد السجين خالد بن شارع الحارثي على قصيدة الشاعر سيف القحطاني سلا ياسيف تسليم الرجـــــال الحشــــــام *** لا هنت لا هنت بالفزعه وطلابــــــــها تسليمت(ن) لك يابو محمد رفيـع المقـــام *** تسليم يسوى هل الديره مع اشعابــــــها ياسيف يحفظك رب البيت منشي الغمــام *** يارب تحفظ هل الميقاف واصحابـــــها ياسيف وانتم ذيابة ليل ســــود الضــــلام *** قحطان من لابت(ن) وصقور مخلابها ياسيف والبيض فالك كل يوم(ن) وعـــام *** تنشر لك البيض ترفع فوق مرقاــــــها قصيدتك في بني الحارث وطـيب الكـلام *** ربعي تراها يابــــو محمد تعزوابـــــها مرفوع مقدارها صدق وعلـــي الحـــرام *** ربعي و ربعك تقـــدرها وتنخابــــــها ياسيف من جا معك في جاه صلح وسلام *** كل القبايل تبيض وجـه مـــن جابــــها قحطان غامد عتيبه في المواقف حــــزام *** وبقوم حرث قبايــل ترج واصحابـــها يــــاجعلهم يسلمون الطيــبــيــن الكـــرام *** اهل المواقيف واهـــــل الجاه واقرابها يــاسيــف يا بـــو محمد لك قدر واحترام *** شيخ(ن) ولد شيخ الطيـــب وانصــابها يــاسيــف وانا ادعوا الله في صلاة القيام *** ربي ورب البــــشر ومقدر اسبابــــــها المعتلــي فالسمــــاء السابعـــه ما ينــــام *** خالق جميع البشــــر من طين واترابها ادعوه بـــاسماءه الحسنى سجود و قيــام *** والمؤمن المحتسب يدعوا لا صلابـــها يـــا رب عبــــدك مبــتـــلى مــــا ينــــام *** سبحانك استغفرك يـــا منزل اكتابــــها يـــارب يـاناصر المضلوم محيي العظام *** نفس البن آدم بعد المــــوت يحيابـــــها وارجوا من كل شخص قراء هذه المشاركه ان يدعو للسجين بالافراج ويفرج همه وهم اهله ... وتقبلوا خالص تحياتي اخوكم : عبدالرحمن الحارثي
|
25 Mar 2009, 06:00 PM | [ 2 ] | |||||||||||||||||||||||||||
شاعر
|
بيض الله وجهك أخوي عبدالرحمن وصح لسان سيف القحطاني وصح لسان خاد بن شارع وأسال الله العلي القدير بإسمائه الحسنى وصفاته العلا أن يفرج للسجين خالد بن شارع وأن يحل قيده وأن يفرج كربة أهله ويسعدهم برؤيته وأن لايريهم فيه مايكرهون |
|||||||||||||||||||||||||||
|
||||||||||||||||||||||||||||
26 Mar 2009, 12:47 AM | [ 3 ] | |||||||
جود القلم
|
لا هنت على النقل الرااائع صح لساان الشااعر تقبل مروري |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سجين القوافي | أبن جبري | قصائد مختارة | 61 | 14 Feb 2011 09:47 AM |
قصيدة كتبها بدهان الشمري في سجنة الى والد القتيل يطلب العفو | عيوني حزينة | قصائد مختارة | 8 | 16 Mar 2007 01:05 AM |
سجين سعودي تخرجه قصيدة أمه ....!!! | هـــوأأأوي | قصائد مختارة | 7 | 06 Apr 2006 05:24 AM |
دمعة سجين | أبو نايف | المنتدى الاسلامي | 15 | 07 Mar 2006 01:48 AM |
قصيدة أم سجين | عواض الشلوي | قصائد مختارة | 10 | 07 Jan 2006 04:59 PM |
|