مكسور الجناحي

هذه قصيده ،، ربما لا أعلم ،،هل سبقني احد على ذلك
و لــــــــكن هي على نهج واسلوب جديد خاص بي ....

يا من لقلباً طواه الهم واهل النــوم سالين=في نومهم مادروا عن حال مكسور الجناحي
ساهر لحالي بهمي من بدايات المسـا لين=الصبح يبــــــدي ولا ظني على مثلي جناحي
لو انها بالقصــــــايد كان ولفـت الدواوين=لكــــــــن راح الكلام الزين والمنطوق راحي
ياعاذليني ما ينفعني مــــلامه والدوا وين=صـاف المشارب تعكر واختفا الجم القراحي
حتى رثالي كثير الناس وجـموع المعادين=عرفت بان اكثر العربــــان ما منها صلاحي
غربة زماني وهمي غربلة حالي معا دين =وتنكر اصحابنا واقفاي صـــالح مع صلاحي

وسلامتكم ......

الشاعر
حمد سلطان
مكسور الجناحي
قصيدة جميله
اعجبتنى بالحيل
وياهلابك وياهلابجديدك
رائع ابوسلطان
ماشاءالله

متألق ف سماءنا الشدادين

شاعر مخضرم
تقديري واحترامي تقييمي

صح لسانك يا شاعرنا
بيض الله وجهك
لاهنت على القصيدة
واهلا بعودتك من جديد في المنتدى

يا مرحبا تراحيب المطر
يا أبو سلطان
والله يحييك تحية المطر
أمطرتنا بهذه الرائعة الجميلة
جمّل الله حالك وزيّن فالك
ما قصرت وصح لسانك

صح لسانك ملايين
وعلا شانك أخوي حمد
ولاهنت على القصيدة الرائعة

اهلا وسهلا اختي نوره
وألف شكر

ووجهك أبيض أختي ضياء القمر


وألف شكر

أبقاك الله مديرنا المحبوب
ولا أجمل منها ألا تواجدك معنا

ألف شكر

مرحبا يأختي بنت النشامى
وألف شكر