قصيدة للبنات

لا تحسبين العرس توفـي وكتكـات=ولا تحسبينـه تويـكـس والابونـتـي
ولا تحسبين العرس كيكة وطرطـات=وصلـة قطعتيهـا ووصـلـة بلعـتـي
ولاتحسبين العرس تصفيق واصوات=وانت علـى صـوت الغطاريـف همتـي
ولاتحسبين العرس كوشـة ولمبـات=وانـت كمـا الطـاووس فيهـا جلستـي
ولاتحسبين العرس احلام في الشات=يـامـا بنيتيـهـا ويـامـا هـدمـتـي
ولا تحسبين العرس روحة وجيـات=هيـا اقضبـي بيتـك عسـى مانهبلتـي
ليلة سعيدة وانت احلـى الجميـلات=تشخـص عيـون النـاس اذا حضرتـي
واللاينر)حطيـه بــلا زيــادات=لا يـخـرب المكـيـاج اذا دمـعـتـي
والمسكرة)تحتاج لطـف ومـدارات=حتـى يـبـان الـزيـن اذا رمشـتـي
والاسبريه )رشيه حتى البصيـلات=يمسك شعـرك زيـن لـو كـان زدتـي
وترى(المحدد)فن يحتـاج رسمـات=يبـان رسمـه زيــن اذا ابتسمـتـي
العـرس يابنيـة ماهـو شعـارات=تفنـى مراسيـمـه وتبقـيـن انـتـي
ويبقى شريك العمر راعي الطويلات=هـذا هـو العـرس حقيقـه عرفـتـي؟
اول نصيحة لـك حفـظ الصلـوات=صلي العشـا والفجـر فـي كـل وقـتِ
وفيليلة العرس الموفـق بالـذات=ادعـــي الـكـريـم إذا سـجـدتـي
والتعريلاترضين عند الكوفيـرات=ولبسـك يملـى العـيـن اذا لبسـتـي
واللي علىزوجك تحرضك مـرات=ارجـوك شوتيهـا شـوتـت بلنـتـي
والصبر في العشرة حتىعلى فتات=ياماحـلا فعلـتـك يـومـك صبـرتـي
واذا حفظت السـر مـعالمـدارات=زوجـك تـرى فـي عيونـه كبـرتـي
والسوق يعني هاه وقت الضرورات=والاتـرى زوجــك يــدور لمفـتـي
زيدي الغطاية وكثري في العبايـات=والله يـرضـى عـنـك اذا ستـرتـي
اوصيك بالكبسـة وكثـر اليدامـات=حتـى لوانـك مـن سببـهـا متنـتـي
وخلي الرجيم اللي فشلتي فيه مرات=سـويـه مــرة واحــدة لا ولـدتـي

وسلامتكم..

إي والله يا بنت الزين
لا تحسبين العرس بيبسي وكتكات
العرس مندي وكبسات

--------------------

قصيدة جميلة جداً وهادفة
ومليئة بالنصح والإرشاد لكل
مقبلة على الزواج وربة بيت
تريد أن تعيش وأسرتها حياة سعيدة

القصيدة في غاية الروعة
وتسلم يديك يا بنت الزين
على نقلها لنا هنا

ياهلا والله أخي السلطان ..
أشكرك على المرور ..
نورت صفحتي ..:d

هههههه الله يسعدك يابنت الزين قصيده مره حلوه ..


يعطيك الف عافيه ياقلبي

يعطيك العافية يا بنت الزين
الوصايا الأولى للكوفيرة ما هي للعروسة

أختي شغب ,,أختي شموخ,,
يعطيكم ألف عافية عالمرور ..

يعطيك العافيه بنت الزين على المختاره الرائعه
وتقبلي مروري

ياهلا بك أختي عابرة ..
أسعدتني بمرورك غاليتي ..