|
||||||||||||||||||
البعد والغربة
اتمنى ان تنال اعجابكم البعد والغربه على الرجل ثنتين مثل الكسور الي بليا جباره ماينفعه في وقتها صبره الشين يشقابها مابين ليل ونهاره رزقه يحده في نهاره على الين واليل يلقى به حنين لدياره مايتعبه منزال صبح الميادين ولايتعبه قلبً يعيش بخضاره متولع في حب داره له اسنين وشوقه لها عدا طويل انتظاره مشتاق للباضه على بوظهيين وتوريدت الماطور على بياره من وادي الباضه على الفند ويمين ومن عند تفقى لين ساق ويساره ومن عند وادي النير لين الامرين وعلى كلاف الين تاصل سداره فيها تربينا على العسر والين وفيها بذلنا جهدنا وختصاره وقناعتي تسوى بعيني ملايينً وتسوى بنوك الراجحي مع عقاره ملوم راع الابل لو حمل الدين واقفى ورا ذوده وكب الحظاره اطلق نظر عيني وفل الحجاجين وماعندنا دوار والا اشاره اموت موتت قلب فيها وبعدين اكمل الي بادي في حواره سجه عمر ماهيب تخلا من الدين وللعبد دايم ركعة مستخاره عندي على الاشواق صك و براهين من نشئته لاعزته لازدهاره شوقي لها يشبه لشوق المحبين اللي على وضح النقاء وقاره من كثر طيب قلوبهم كل يومين لازم يجي من بين اهلهم زياره لاكن حداني دونهم عام الافين وطاحت عليه قرعته واختياره وروحت صوب الشرق والين ذلحين وانا احس بلوعته وبمراره فات القطار وطفت فوق الثلاثين والشيب فيني صار واضح مساره وتغيرت مطالبي فيه بعدين والحين افكر كيف اسوي عماره وارتاح فيها كان جاني وراعين واحكي لهم عن قصتي والغماره وعن البساطه والوفا بيننا بين وعن قل مانملك وقل الخساره واليا لعبنا مانكمل فريقين لاكن مراكزنا بها فالصداره وعن حلمي الي صار تافه بهالعين حلم معع الايام طارت غباره ذبحني الوقع بكثر القوانين اللي عليه واضح انتصاره واختامها يارب رحمتك وتعين عبد طمع في ماطراً به غزاره
|
25 Dec 2017, 01:25 PM | [ 2 ] | |||||||
عضوة متميزة
|
رد: البعد والغربه
يديك ربي الف عافيه لاخلا ولاعدم ، |
|||||||
|
||||||||
25 Dec 2017, 03:56 PM | [ 3 ] | |||||||
عضوة متميزة
|
رد: البعد والغربة
شاعر مبدع ومتميز أهم ما يميزك هو حضورك وتشريفك لمنتداك في ظل غياب كبير لشعراء المنتدى حفظك الله |
|||||||
|
||||||||
25 Dec 2017, 04:05 PM | [ 4 ] | ||||||||
مؤسس شبكة الشدادين
|
رد: البعد والغربة
ارحب ارحب يا أبو نايش والله يحييك يا بعدي ولا هنت وبيض الله وجهك على حضورك ومشاركتك وصح لسانك ملايين |
||||||||
|
|||||||||
25 Dec 2017, 09:40 PM | [ 5 ] | |||||||
عضو متميز
|
رد: البعد والغربة
تسلم وصح لسانك فات حضوري قصيدة وحضور طيب |
|||||||
|
||||||||
26 Dec 2017, 08:47 AM | [ 6 ] | ||||||||
مراقب عام
|
رد: البعد والغربة
بن نائش صح لسانك واعتلى شانك شاعر جزل متمكن متميز. وفقك الله |
||||||||
|
|||||||||
26 Dec 2017, 11:46 PM | [ 7 ] | ||||||||
مراقب عام
|
رد: البعد والغربة
صح بوحك ع جمال السطور وادامك بهذالعطاء ابدعت فاتك حضوري !! طبت بخير ! |
||||||||
|
|||||||||
27 Dec 2017, 04:54 AM | [ 8 ] | ||||||||
شاعر
|
رد: البعد والغربة
صحة ابدانكم جميع وشكرا لكم ولمرورككم الكريم والجميل |
||||||||
27 Dec 2017, 12:28 PM | [ 9 ] | |||||||
عضو متميز
|
رد: البعد والغربة
بارك الله بك الاخ الغالي على الموضوع وموضوع له صدى طيب لكم التقدير |
|||||||