صياف الحربي و أحمد الناصر محاورة

محاوره شعريه نادرة
بين الشاعرين
صياف الحربي و احمد الناصر الشايع
أتمنى أن تنال أعجابكم

احــــمــــد الـــنـــاصـــر

ياسـلام الله سـلامٍ مـوجـهٍ معـنـاه يـمـك = ان سكنت ارض الجزيره وان سكنت ارض الكنانه
قوم ياالحربي تهرج بيـن اخـوك وولـد عمـك = يوم انادي صاحبي صيـاف مـن بـاب الميانـه

صــــيــــاف الــحـــربـــي

مرحبا ياعد ياهداج ليـن يفيـض جمـك = والبنادم يعرف اللفات ويعـرف الذهانـه
انت لاحصلت حربي تزهمه من خف دمك = ما ادري منك يا هجوسٍ صافيٍ والا لعانه

احــــمــــد الـــنـــاصـــر

ويش رايك يالسحيمي نمدحـك ولانذمـك = ويش رايك وش تورى وانت سدك بالامانه
يالسحيمي ودنا نكسيـك ونكبـر معمـك = والغدا لك خيزرانه والعشا لـك خيزرانـه

صــــيــــاف الــحـــربـــي

كان ودك تنشد العربان قـول ولايهمـك = من يدور للعواين غصب يلقى له عيانـه
وكان تبغاها مخامش خمني والصبح اخمك = فالقلص ثنتين تفاحه والاخـرى برتكانـه

احــــمــــد الـــنـــاصـــر

ام هارون الرشيد الاوله صارت هي امـك = لو يزعلها ولدهـا دخلـت دار الحضانـه
خير اهل رابغ يخص وشر اهل رابغ يعمك = ماتفكك خيل عوف ولاولد خالـك عفانـه

صــــيــــاف الــحـــربـــي

انت صاحبها القديم تزمها ولا تزمـك = مايغش المسلميـن الا قليليـن الديانـه
انت ذيب اشهب صغير والذيابه ماتشمك = اثر قلبك مثل ضلع طويق ماعندك ليانه

احــــمــــد الـــنـــاصـــر

تحذف الشايب وهو في طرقته ماهو بيمك = اترك الشايب وخله يالسحيمي في مكانـه
ان سمعت الشور والا قلت لك شلها بكمك = كل ما تكبر تزيد بك العـداوه واللعانـه

صــــيــــاف الــحـــربـــي

تمها بيني وبينـك بالشـرف والله يتمـك = حمد الناصر من ارجال الشرف لولا لسانه
الطيب يعرف سم الداب واثره مثل سمـك = لوعمر يسلم منه ينوش واحد من خوانـه

صح لساااانهم
محاورة ممتعه
الله يعطيك ألف عااافية على النقل المتميز

		المشاركة الأصلية بواسطة : هدوء الشدادين اقتباس
	صح لساااانهم محاورة ممتعه الله يعطيك ألف عااافية على النقل المتميز

الله يعافيكِ على حضوركِ المتميز هــدوء
شاكر لكِ مروركِ

بيض الله وجهك يا مشرفنا العزيز

رحمة الله على شاعرنا الكبير صياف الحربي

والله يطول بعمر الشاعر أحمد الناصر الشايع

وتسلم يديك والله يعافيك

مشكور اخوي حاتم على هالنقل الرااائع

بارك الله فيك

		المشاركة الأصلية بواسطة : السلطان اقتباس
	بيض الله وجهك يا مشرفنا العزيز رحمة الله على شاعرنا الكبير صياف الحربي والله يطول بعمر الشاعر أحمد الناصر الشايع وتسلم يديك والله يعافيك

ووجهك أبيض يابعدي

والله يرحم أمواتنا وأموات المسلمين

شاكر لك مرورك

		المشاركة الأصلية بواسطة : عبدالله الشدادي اقتباس
	مشكور اخوي حاتم على هالنقل الرااائع بارك الله فيك

الله يبارك في أيامك أخوي

شاكر لك مرورك

شارين من اكبر شعراء الوطن

رحم الله صياف واطال الله بعمر الشايع

شكراً حاتم ويعطيك العافيه

		المشاركة الأصلية بواسطة : الداخل اقتباس
	شاعرين من اكبر شعراء الوطن رحم الله صياف واطال الله بعمر الشايع شكراً حاتم ويعطيك العافيه

اللهم أرحمه وعافه وأعف عنه
شاكر لك مرورك الداخل

محاوره ممتعه بين اثنين

من عمالقه الشعر

كل الشكر لك ياحاتم على النقل المميز