واليوم اشوفك جيت وتسحّب خطاك

صباحكم / مسائكم ,,, جميل

نفس الطريق اللي قبل عام وداك=اليوم اشوفه بعد وداك جابك
ياما نصحتك لكن العاذل اغواك=واليوم وينه عنك ولا درابك
اوهمك لين اعماك واليوم خلاك=وخليتني مكسوف قدام بابك
حلف لك انه دايم الدوم وياك=ولا يسيبك لكن اليوم سابك
حلف لك يضحكك لكنه ابكاك=لين اختلط دمعك بطارف ثيابك
حلف لك انه ينخضع دوم لرضاك=وانه يثيبك حسن وبسوء اثابك
قطّع حبال الوصل واقفى ولا جاك=اقفى عن وصالك وقفّى شبابك
تلقاه يعرف له ثلاثين شرواك=ما صاب غيرك من تلاعبه صابك
واليوم اشوفك جيت وتسحّب خطاك=تشكي علي الوقت واللي جرابك
عودت ودموعك تحت رمش عيناك=لا تعتذر فارق وكمّل غيابك
اول ابي لقياك واليوم ما ابغاك=حاسبتني بالصد واقبل حسابك
اسأل طريق الهجر وشلون وداك=ولا اسأله بالله وشلون جابك !!

حياكـ الله شاعرنا

صح لسانكـ
واعتلى بالخير شانكـ
ولاهنت على القصيدة الأكثر من رائعة

ارحب يابن العم
شاعر متميز
ولايستغرب عليك الابداع
صح قلبك والسانك مليون
ولاهنت ولاهان راسك يالقرم
لكك اعذب التحايا

يا هلا والله وألف مرحبا بشاعرنا الغالي
محمد المريري
شرفتنا من جديد والله يحييك
سعدنا بعودتك ومشاركتك
لا هنت يا بعدي وصح لسانك ولا تغيب

حياك الله وبياك


وصح السانك ملايين ولايسدون

شكري وتقديري

.
.



















حيَّ هَلا بكْ يَ المريِريْ وَ حيَّ صَادقْ شعوُركّْ وَ بوُحكْ
وَصبحكْ الله بـِ الرِضَا وَ راحة البَالْ ’ نصٌ فَاخِر منْ
العيَار الثَقيِلْ بِكُلْ مَا أُوتيَّْ منْ ألَّمْ وَ لكِنْ عِزَّة النَفسْ
المُترنحَّة فيْ كُل بيِتْ مُذهِلَّة حَّد الثمَالة فَ مليوُنْ
صَّح لسَانكْ حتىَّ ترضىَّ ’

تَعتليَّ الثُريَّا إسبوُع وَ تُوشَّح بـ التميَّز

اخوي محمد المريري
والله انك مبدع ومثلك من الشعراء اعتبره مدرسه
نتعلم منه الابداع والطرح الراقي والفريد
شكرا على امتاعنا بهذه الرائعه
تفضل بقبول فائق الاحترام

		المشاركة الأصلية بواسطة : بنت النشامى اقتباس
	حياكـ الله شاعرنا صح لسانكـ واعتلى بالخير شانكـ ولاهنت على القصيدة الأكثر من رائعة

حياك الله اختي


ومشكورة على الحضور والكلام الطيب


ودي

		المشاركة الأصلية بواسطة : عدو المناقيد اقتباس
	ارحب يابن العم شاعر متميز ولايستغرب عليك الابداع صح قلبك والسانك مليون ولاهنت ولاهان راسك يالقرم لكك اعذب التحايا

تبقى يا مرحب



صح بدنك والأبداع تواجدك


لا خلا ولا عدم

		المشاركة الأصلية بواسطة : السلطان اقتباس
	يا هلا والله وألف مرحبا بشاعرنا الغالي محمد المريري شرفتنا من جديد والله يحييك سعدنا بعودتك ومشاركتك لا هنت يا بعدي وصح لسانك ولا تغيب

هلابك يا السلطان


الله يشرف مقدارك والشرف لي طال عمرك


لا هنت الله يطول عمرك