محاورة بين عدد من شعراء المحاوره المعروفين منهم الشاعر حسن بن محيمد وعامر الحذيفه

هذه المحاورة من ضمن محاورات ليلة جمعت كل من الشعراء حسن بن محيميد الشلوي رحمه الله ، وصياف الحربي وعامر بن منصور الحارثي ( الحذيفه ) ومستور العصيمي وحبيب العازمي بمكة المكرمه عام 1414هـ كانت هذه المحاورة هي الاولى في محاورات ذالك الليلة بين عامر بن منصور الحارثي ومستور العصيمي 0

حي الرياجيل في حفل الرياجيل= ترحيبة الضيف قدر ونبتديبه
ماينبت الارض غير الحرث والسيل=يحي الديار البعيده والقريبه
تبقون ياهل الوفى جيلٍ بعد جيل=عليكم الوافيه ماهي غريبه
ياعامر اليل قبل ينحي اليل=كلٍ على مايضوي له نصيبه
ضيعت جرت بعيري حول ابوفيل=واعطي كنوز الذهب للي يجيبه
لجله نشوف الحذيفه يسرج الخيل=رده عليها رضى والا غصيبه
تلقى بعيرك مابين الجدي وسهيل=والحق يرضي صحيبٍ من صحيبه
ان كان حقك ثبت هذا المعاديل= والزور ياصاحبي لاتدعيبه
انت السبب في ضياعه ياشرحبيل= إما التوابك لقيتك تلتويبه
ياهل السواري وماضيت المفاتيل= نزولها صعب والطلعه صعيبه
من يضهر الجره اللي دمها السيل= والقبر مايعرف الا بالنصيبه
احسلك الفيل والا طير ابابيل= ياعامر السيل حدر مع شعيبه
يجيك من يمنا كتب ومراسيل= رد الحبيب على بيت الحبيبه
تزيد فالكيل والا تنقص الكيل= ماني مجنب لها عنكم جنيبه
ماضاع لي لادلال ولا فناجيل= من يظلم الناس اقول الله حسيبه
تعبت واتعبتني بالقال والقيل= والرمي ماهو قريب من الضريبه
نافقت نافقت بين كحيل وشعيل= دمٍ بخشمه ودم بالتريبه
وانته ليا جيتنا نذبح لك الحيل= ون جيتك تشيل قدرك وتغديبه
خشمك معك وطلب الله فالتساهيل = من لايصلي بلا فرضٍ مصيبه
تراك طمنتها بالحيل بالحيل=شيبت وانته تدور لك ذهيبه
ياويلكم يهل ركبه ويل بالويل=حنا لزومٍ نريده مانهيبه
القهوة اللي مافيها البن والهيل= ماهيب ليه ولا تقضي طليبه
ياعامر الوقت بين العدل والميل= ساعة مقابل حريبٍ من حريبه
مايقطع الرزق غير النجم ابو ذيل= عساه ماعاد يبدي من مغيبه
الحرب ماهوب تسبيحٍ وتهليل= واللي تسويه اشوفك تشتكيبه
فنجالي اللي غداء بين الفناجيل= العلم بين على راس الزريبه
الحرب قال المثل نصه تهاويل = من يوم عودت له مانقتديبه
يبي يصادفك براق ومخاييل= ليلٍ بليا قمر ماينسريبه
لاجوكم مذللين القوم تذليل= دربٍ تصيبه ودربٍ بتغديبه
كم عندكم من مصاويب ومقاتيل=إلا تهامي وحبله في قليبه

رحم الله من مات من هؤلاء الشعراء ومن بعافيته على من بقي منهم

يا هلا والله بأخوي عواض

وشكراً لحضورك المتميز دائماً أدامك الله

الله يرحم من مات

والله يسلمك يالشلوي

حيه وحي ماجاب

الله الله يا عواض

محاوره رائعه ..... استمتعت بقرائتها

تسلم يا الذيب وماقصرت

شعراء لهم وزنهم

شعراء أصحاب كلمة ومحاورة قوية

فقدناهم في هذا الوقت فأصبحت المحاورة

من معاني صعب الرد عليها لي ألحان ونغمات للأسف

أشكرك أخي الشلوي والله يعطيك العافيه

فعلا شعراء لهم وزنهم .. الشكر لمن امتعنا بالمحاورة ..

اخواني مشكورين على مروركم وتعليقكم الرائع

الأخ : السلطان

== : خالدعبدالرحمن

== : بدوي فاهم

== : ياسر القحطاني

الأخت: المستحيله

اسعدني جميع مارئيته لكم من تعليق

الله يعطيكم العافية

الاخ عواض الشلوي

الله يعطيك العافيه

ويرحم الشاعر حسن بن محيميد

ووينك ياعامر الحذيفه الشاعر الحاضر الغائب .. تعود بالسلامه ياابا نائف .

		المشاركة الأصلية بواسطة : راس العرب اقتباس
	الاخ عواض الشلوي الله يعطيك العافيه ويرحم الشاعر حسن بن محيميد ووينك ياعامر الحذيفه الشاعر الحاضر الغائب .. تعود بالسلامه ياابا نائف .

حياك الله اخوي راس العرب ومشكور على مرورك الرائع

( ووينك ياعامر الحذيفه الشاعر الحاضر الغائب .. تعود بالسلامه ياابا نائف )

اخي الكريم ابونايف ليس بغائب بل متواجد بساحات المحاوره الله يطول في عمره ، وابشرك انه بخير وعافيه

لاهنت بارك الله فيك

مشكور اخوي عوااااااااااض بيض الله وجهك

على مجهودك الراااائع تحيتي لك