رد ي على الغالى

مساكم الله بالخير قصيدتي رد على قصيدة الاستاذ اللى تعلمت منه الكثير والكثير الشاعر الكبير جزل البيان ويعلم الله اني لاقريت القصيد اللى بينه هو والغالى الغربي والغالى سعيد بن غالب ماقول اللى (الله يخرجنا) لانهم مبدعين بمعني الكلمه,, اتمنا ان يقبلها ويقبل عذري عن القصور والتاخير وارجو ان تنال اعجاب كل من شرفني بقراتها

خاتمتك بسلام ومبتداي بسلام=وياسلامي على راع البيان الجزيل
ياسلامي سلامٍ عد وبل الغمام=لاتهامت ثعوله من حقوق المخيل
للكريم الحشيم ابن الكرام الحشام=العقيد المسمى والضلال الضليل
شاعرٍ له معزه زايده واحترام=ولِه حشمه وقدرٍ يالنشاما جليل
شاعرٍ ماعلى عرفه جدال وخصام=سيف عرفٍ وحكمه بالجزاله صقيل
شاعر بكار فكره ماتصدر حيام=من عدود الرها تشرب وتملا الصميل
في زمانٍ كثير الشعر حشو وكلام=والدرر والجواهر في بيوته قليل
واحدٍ فيه يبني بالخشب والرخام=دون ساسٍ جويد ودون معنا جميل
لصمقه ماعطاها جهد ولااهتمام=مدها للعوارف مد فكرٍ بخيل
فارغٍ محتواها مثل ريش النعام=بالوزن ماتساوي كيلة المستكيل
وواحدٍ فيه يبني والذهب له جرام=يبني بيوت شعره بالعيار الثقيل
ضربها في ضميرك مثل ضرب السهام=من يمينٍ ركاد ورميها مايعيل
تشعف اللى يهوجس مع حلول الظلام=وان سمعها عطتبه كل خطٍ طويل
قلتها وادري اني ماعداني الملام=مثل مالى عليه بين ليل ومقيل
وكل من قال شعري بالغٍ به مرام=علموه يتواضع قبل يوم الرحيل
التواضع عظيم ومن صفات العظام=والتعالى قبيح ومن صفات الذليل
جتك ياجزل مني وانت ذخر وحزام=احتزم به ليا اوما للشدايد شليل
استفد واتعلم منه زين العلام=وكل نزال عرف وطيب لامايحيل
وياسلامي سلامٍ عند مسك الختام=ياجزيل البيان ويالبيان الجزيل

صح لسانك
يابو رزيق
نص جميل
اثقلته بصور
شعريه
ثمينه
وتكلمت عن لسان الحال لوضع النصوص الادبيه الحديثه
وهي اشبه بغثاء
الا من رحم ربي
صح لسانك مره اخرى
دمت
بخير

صح لسانك اخوي فهد



اتقان معنا ومبنا

ونعم فيك

وفي جزل


والعارف مايعرف

ولك تقديري

صح منطوقك ويعطيك الصحه والعافيه

صح الله لسانك يا فهد كثر المطر و ازود



لآهنت


,’

صح لسانك ياابن رزيق

وبيض الله وجهك راعي الجزله والعلوم الطيبه

ابدعت واتقنت ماامتعتنا به شاعر راقي ومتمكن ومتواضع

وشاعر ارتقى بتواضعه مع انه يملك موهبه شعريه

تحتوي على ابيات ذات معاني قويه

انت سيل من الصور البلاغيه

دائما مبدع ياابو رزيق وشهادتي مجروحه فيك

وكفوا فيك والبيت الطيب عساها مايخلا من شرواك يابن خليفه

هكذا كنت،، وهكذا نريد،،وهكذا فعلت،،ويفعل الله مايريد،،،، اسكنت ، التفاعللات ألتفاقميه وابدعت وتربعت وتحرشت بالنقط والفواصل ! وكنت اهلا لذلك لاخلى ولاعدم يابن رزيق وماخاب راجيك وبيض الله وجهك الحين المدرس في حشمة الطالب ،،،،،،قويه00 قويه،،يالفهد وتفضل بقبول تحياتي،،

صح لسانك يافهد ويستاهل الغالي كل خير
وردك جزل وماضني شاعر كبير مثلك بيقول الله يخارجنا
لآنك شاعر جزل وتقدر تواجه الشعراء الخطيرين
الذين ذكرتهم في مقدمتك
آتمنى التوفيق للجميع المثلث الرائع الذي آقامه شعرائنا لآبد له من ضلع حتى يكتمل مربع
شد حيلك يابن رزيق وعقبال ماآشوفك تجاريهم وتوجه لهم قصائد

صح لسآنك يابو رزيق


قصيده جزله من شاعر جزل


وبيض الله وجهك والله لايهينك

صح بدنك يابن مشحن والجميل مرورك ويعلم الله اني فاقدك وان لك ولقصيدك وحشه والله يبيض وجهك ويعطيك الف عافيه ياسنايدي
تقبل تحياتي,,,