إحساس الشاعر الغربي

السلام عليكم ورحمة الله وبركاته





إحساس شاعر .. من جديد ..

من الشدادين والى الشدادين .. الى ملتقى الإحساس

نقدم لكم إحـــساس شاعر .. وفي حلقاته الثانيه

وشاعرنا هذه المره ..

شاعر متألق .. صادق الإحساس ..

يسرني أن أستضيف الشاعر القدير


الـــــــغربــــي





الأسئله :

أسم الشاعر :

شخصية الشاعر :



1) صف لنا إحساسك كشاعر في ابيات :

2) القناعه كنزٌ لا يفنى .. فما رأيك بالقناعه:

3) كل شخص له هدف في هذه الحياه .. ما هدفك :

4) ابيات تهديها للمرأه.. تصف فيها حالها في هذه الأيام :

5) القول دون الفعل .. صفه يجب أن لا يتحلى بها الرجل .. مارأيك ؟

6) يقولون أن دموع الرجل تنتج عن ضعف شخصيته .. مارأيك :

7) وصلت لك رساله .. تقول : (ياصاحبي إنت السند حزة الضيق.. وإنت الذي يغني عن الناس ظله.. الطيب يرفع من مقام المخاليق.. وإنت بمقامك ترفع الطيب كله..!!)

8) شخصية حزنت لفراقها .. ومازلت لذكراه تأثير في داخلك .. ماتقول لهذه الشخصيه:

9) شخص أخطأ في حقك و أراد الاعتذار .. ارسل رساله يقول فيها : (أسف زليت وأعرف إني خطيت وجيتك اليوم نادم ولعفوك والله ارتجيت) .. ماترد عليه :

10) الحب.. صفه خلقت مع البشريه.. ماذا يقول الشاعر عن الحب؟

11) ماذا ترد على هذا البيت (ماتعرف ان كل شاعر يهيم بكل واد؟ = وانهم دايم يقولون مالا يفعلون؟)

12) منتدى الشدادين .. قضيت فيه أوقات ممتعه .. ماذا تقول له ولأعضائه :

13) بيت شعر تهديه لعضو ..:

14) شكرا على حضورك





لا داعي للعجله في سبيل الابداع ..

خذ راحتك يالشاعر ..

وانا في انتظار إبدااااعاااتك ..



الجواب على جميع الاسئله يجب أن يكون في ابيات شعريه لا يزيد عددها عن
ثلاثه ابيات لكل سؤال

ما شاء الله .,
شآعرنآ المُبدع هو الضيف .,
نحن ُ في شوق لـ رؤية إبدآعه .,
سَلِمتوا .,
و دمتوا بخير .,
.
,
.

لاهنتي فـاقده .،

على القوّة غربينا ، وبإنتظـار إبداعك ...

أحلى شاعر ورائع


ومتابعين له (8_8)

سلمتي يا فاقدة

		المشاركة الأصلية بواسطة : اقتباس
	السلام عليكم ورحمة الله وبركاته إحساس شاعر .. من جديد .. من الشدادين والى الشدادين .. الى ملتقى الإحساس نقدم لكم إحـــساس شاعر .. وفي حلقاته الثانيه وشاعرنا هذه المره .. شاعر متألق .. صادق الإحساس .. يسرني أن أستضيف الشاعر القدير الـــــــغربــــي

وعليكم السلام ورحمة الله وبركاته

حياك الله اختي العزيزه ومشرفتنا الفاضله

واشكرك من اعماق قلبي على هذه الاستضافه

وان شالله اني ارضى الجميع وامتعهم

		المشاركة الأصلية بواسطة : اقتباس
	أسم الشاعر :

عيد الشعر وابدع بكل الميادين=وافخر بذكر ابويه عبيد سلطان
شاعر قدير ومن كبار الشدادين=واضن محدٍ يجهل ابن عريمان

		المشاركة الأصلية بواسطة : اقتباس
	شخصية الشاعر :

شامخ مثل روس الجبال المشاريف=والمرجله تجري جري وسط دمي
اقدر اهل الطيب واشبب الضيف=واصبر على الدنيا ليا زاد همي

		المشاركة الأصلية بواسطة : اقتباس
	1) صف لنا إحساسك كشاعر في ابيات :

من يوم ربي وهبني المعرفه والقصيد=طرقت كل القلوب وفكت ابوابها
اصبحت عيد الشعر والشعر يفخر بعيد=وبعض العرب من قهرها شقت ثيابها

		المشاركة الأصلية بواسطة : اقتباس
	2) القناعه كنزٌ لا يفنى .. فما رأيك بالقناعه:

كل لحظه وساعه يا كبار الجماعه
دامني حي والله ما اعشق الا القناعه
لانها كنز غالي ياكرام السبالي
وعن علوم العواذل صار عندي مناعه

		المشاركة الأصلية بواسطة : اقتباس
	3) كل شخص له هدف في هذه الحياه .. ما هدفك :

اموت ماضيقت خاطرك يابوي=واخدمك طول العمر وابر باامي

		المشاركة الأصلية بواسطة : اقتباس
	4) ابيات تهديها للمرأه.. تصف فيها حالها في هذه الأيام :

اهدي لها بيتٍ من الشعر مطنوخ=في ذا الوطن يابنت مابه سواقه

هههههههههههههههاي

		المشاركة الأصلية بواسطة : اقتباس
	5) القول دون الفعل .. صفه يجب أن لا يتحلى بها الرجل .. مارأيك ؟

الرجل لاقال يحمي هرجتة مايبور=ولاالردي ماينفذ هرجة قالها
القول يبغى رجالٍ ماتلف وتدور= والواحد اليا نطق بالسالفه طالها

		المشاركة الأصلية بواسطة : اقتباس
	6) يقولون أن دموع الرجل تنتج عن ضعف شخصيته .. مارأيك :

الرجل عنده قلب واحساس وشعور=ولاهوب عيب ان كان هلت دموعه
ماهوب ضعف ان هل دمعه من الجور=كم واحد دمعه يخفف جزوعه

		المشاركة الأصلية بواسطة : اقتباس
	7) وصلت لك رساله .. تقول : (ياصاحبي إنت السند حزة الضيق.. وإنت الذي يغني عن الناس ظله.. الطيب يرفع من مقام المخاليق.. وإنت بمقامك ترفع الطيب كله..!!)

ياصاحبي انت السعد والتوافيق= وانت الذي ذكرك يزيل الف عله
الطيب من ورث الرجال المطاليق=وانته بطيبك كل عسرٍ تحله

		المشاركة الأصلية بواسطة : اقتباس
	8) شخصية حزنت لفراقها .. ومازلت لذكراه تأثير في داخلك .. ماتقول لهذه الشخصيه:

حزنت يوم اني فقدت اهل الامجاد=خمسة رجالٍ من قروم القبيله
سعد ولد عياد وبسيس وبجاد=ولحقهم سراحان راعي الجميله
وحسين ابن مهرس سلك درب فهاد=راحوا عساهم فالجنان الظليله
نبكي عليهم حتى فايام الاعياد=وصوت الحزن بقلوبنا جر شيله

		المشاركة الأصلية بواسطة : اقتباس
	9) شخص أخطأ في حقك و أراد الاعتذار .. ارسل رساله يقول فيها : (أسف زليت وأعرف إني خطيت وجيتك اليوم نادم ولعفوك والله ارتجيت) .. ماترد عليه :

قلبي كبير ويقبل الاعتذارات=ومن يعتذر يبشر بقلبٍ يسامح

		المشاركة الأصلية بواسطة : اقتباس
	10) الحب.. صفه خلقت مع البشريه.. ماذا يقول الشاعر عن الحب؟

للحب بقلوب البشر عشر لمسات=لمسات حبٍ بين صده ورده
لمسة دفى لمسة وفا لمسة آهات=لمسة حنان وعشق لمسة موده
لمسة حكي لمسة بكي لمسة اسكات=لمسة جنونٍ للخطر مستعده

		المشاركة الأصلية بواسطة : اقتباس
	11) ماذا ترد على هذا البيت (ماتعرف ان كل شاعر يهيم بكل واد؟ = وانهم دايم يقولون مالا يفعلون؟)

ماتعرف ان كل شاعر بفن الشعر زاد=وانهم في بعض الاشياء بقوه يجهلون

		المشاركة الأصلية بواسطة : اقتباس
	12) منتدى الشدادين .. قضيت فيه أوقات ممتعه .. ماذا تقول له ولأعضائه :

سلام يالمنتدى واثني عليك السلام=اثني واكرر سلامي واقصد المنتدى
سلام يالموقع اللي فوقه الطيب حام=فيه النشاما تجمع والرجال شهدى
وسلام يالمشرفين الفاهمين الكرام=ياهل الوفاء والشهامه متعبين العدى
واهدي للاعضاء تحيه واقبلوها وسام=من شاعرٍ يصخر القيفان شقر وحدى

		المشاركة الأصلية بواسطة : اقتباس
	13) بيت شعر تهديه لعضو ..:

سلام الله على راعي الوفاء والطايله سلطان=سلامٍ قاله الغربي ويقصد به ولد عمه

		المشاركة الأصلية بواسطة : اقتباس
	14) شكرا على حضورك

عفوا على شكرك وشكراً لجهدك=يامشرفة قسم العلوم الجزيلات

الحمد لله خلصنا

ماشاءالله تبارك الله يا أبا عبيد .،

جزل ولايجي منك إلا الجزلة الله لايهينك ..
وبالتوفيق إن شاءالله للجميييييييييع ....

صح لسانك وبيض الله وجهك والله يوفقك

صح لسانك ياولد ..


والله يحفظك ويوفقك بعملك الجديد ..

سلمت اختي فاقدة ابوها
وصح لسانك الغربي

يسلمووووووووووا
فاقدة ابوها فكرة حلوه مرة