التوجد

السلام عليكم ورحمة الله وبركاته

اعود لكم بنص جديد ولكنه يحمل من الحزن الشيء الكثير

فأستمتعوا ولا تحزنوا

"التوجد"

الا يا وجودي وجد عودن ورىالخمسين=ولا جاله الا سعود هو قرةعيونه
يشوفه نظر عينه وهو بالعمرعشرين=وحتى عجوزه تطلب الموت من دونه
وهو في رضاهم عاش ماهو من العاصين=يلبيلهم بالصوت لا جاويدعونه
توظف وزان الحال وارتاحوا من الدين=وعاشوا سعادة بعد همن يعيشونه
تزوج وجاه عيال طفلن مع بنتين=فهد مع منيرة واصغر البيت سارونه
وليله من ليال الشتا والعرب ممسين=لفى بوه خمسه من ربوعه يصحونه
فتح باب بيته ثم رحب وقال اهلين=ولكن عيون الربع بالدمع مخزونه
وش العلم يا ربعي ترى ساعتي ثنتين=اذا العلم كايد لازم انكم تقولونه
وقالوا نعرفك زين تعرف حقوق الدين=ومومن بربن كل ذالخلق يرجونه
وقالوا حصل حادث على سعود معه اثنين=صلاة الظهر كل الجماعة يغسلونه
وقع دون يشعر ونزلت دمعته مالعين=وقاموا ربوعه عن وقوعه يشيلونه
ورى الباب كانت تسمع امه بكا وانين=وصاحت وكنها دون عقلن ومجنونه
وبعد الظهر في المقبرة والعرب عجلين=يحملون نعش سعود سته يحملونه
وعند القبر حول من ابنا العمام اثنين=وقاموا بني عمه بقبره يوطونه
غدا شايبه واقف ويدعي يقول آمين=عسى جنتك يارب لسعود مضمونه
وفي البيت ربعن مقبله وآخره مقفين=ثلاثة ليالي كل ربعه يعزونه
واذا جا فهد للمجلس وقال ابويه وين=سمعت الذي في مجلسه حيل يبكونه
ابو سعود ذا وجده وأنا وجد حالي لين=احصل رفيقن خوته حيل مضمونه

وسلامتكم

الله الله يا أبو عبدالله
الله يحييك بهذه القصيدة المؤثرة في معانيها
والقوية في كلماتها وعباراتها
صح لسانك يا الذيب ويا هلا بك معنا من جديد

قصيدة محزنةومؤثرة جدا

صح لسانك

لاهنت

والله أني أقراها وأحس بقشعريرة بجسمي

قصيدة جداً مؤثرة أخذت طابع الحزن

والله يكون في عون اللي حاله من حال هالشايب والعجوز

صح لسانك أخوي محمد ..

وقع دون يشعر ونزلت دمعتـه مالعيـن..........

...........وقاموا ربوعـه عـن وقوعـه يشيلونـه

من جدّ الدنيا ماتسوى

صحيح إن الموت حقّ
لكن فقدان من نعزّه ونغليه جرعة ألم وحزن لابدّ أن يرتشف منها جميع البشر
وهذا هو قدر الخالق جلّ وعلا

صحّ لسانك أخوي محمد
والله يبعد عنّا وعنك فقدان الأحبّة ..

صح لسانك

والله ابداع وكلمات راقيه جدا

عبارات مؤثرة تثير كل الشجون والاحاسيس


تجعل العيون تفيض بالدمع دون الشعور


تحرك القلوب وتهز الاجساد من وقعها

قصيدة شاعريه حزينه تكمن في القلب


تسلم ايادي كتبت فأبدعت


ويسلم قلم ذرف حبره الذهبي لينثر اجمل الدرر والجواهر الرائعه


تقبل ورودي قبل ردودي


اخوي محمد المريري

أبو سعود ذا وجده وأنا وجد حالي ليـن=احصل رفيقـن خوتـه حيـل مضمونـه

لا والله وجدك أشوى من وجد أبو سعود
الدنيا دروس واللي يبين معدنه وتعرفه على حقيقته تآخذ من رفقته عبرة
لين الله يزينها .

صح لسانك أخوي محمد

في انتظار جديدك .

محمد المريري

القصيده في قوة التأثير والتذكير بضروف الحزن زالفرح كلاً يعطي دوره
في شده او فرح وفقك الله

صح لسانك

والله ابداع وكلمات راقيه جدا

رحم الله ســـعود وجميــع موتى المسلمين ..
وألهم والديـــه الصبر .. وجعل فى ذريته البركه

صح لســآنك اخوى محمد .. قصيـــده معبره ومؤثره ..

سامحك الله ابكيتنا فى هذا الليل