يا حمام جرّ صوته على الغصن وسجع

بسم الله الرحمن الرحيم

بكل تواصل محبه
منصور المريري
يضع بين ايديكم هذه القصيده المتواضعه
متمنيا ان تحوز على رضاكم واستحسانكم
القصيده:

ياحمام جر صوته على الغصن وسجع=صوتك ينقض جروحي وهي قدها بتطيب
أنت طربان وقلبي من الدنيا وجع=تكفى خف الصوت لا تدمي الجرح العطيب
ياهنيك مابعد هلت إعيونك دمع=مابكيت إفراق غالي ولا فرقى حبيب
مير أنا مالحزن فجرت من عيني نبع=أذرفه من طلعت الشمس لاوقت المغيب
في حشاي الحزن والهم دايم تجتمع=من سببها صرت كني بذا الدنيا غريب
كلما قلت إن به نجم للفرحه سطع=تحجبه مزن(ن) من الهم لاما أصبح قريب
مانفعني الصبر والطب عيا مانفع=لين مل الصبر وأحتار في وضعي الطبيب
اشتكي لكن ما أحد(ن) لشكواي إستمع=وأصرخ بصوتي ولا ألقى لصرخاتي مجيب
ويش هي حيلة ضعيف عن أحبابه قطع=وقفو الأقراب ضده وخانبه الصحيب
عذبو قلبي وهو من وليفه ماجزع=يحسبون الحب ومقابل الغالين عيب
مادرو إن حبه بوسط الضماير منزرع=مستحيل إنه ثواني عن الخاطر يغيب
ليت دمعي يوم أهله على خدي شفع=لي من العذال واللي بهم شك وريب
وليت لهمومي وحزني بذا الدنيا شرع=وليت يقدر كل واحد يغير في النصيب
فيا حمام الورق صوتك مزع جوفي مزع=كن صوتك سهم من يد رماي(ن) يصيب
أنت جر الصوت وأسجع على غصنك سجع=وأنا بأصبر والليالي تجيب اللي تجيب

العم منصور

اولآ
وجودك في هذا المنتدى الشامخ باعضائه سيضيف له الشئ الكثير

ثانيآ
كما عودتني وكما علمتني وكما تعلمت من مدرستك الشعرية
حينما قلت : الشاعر إن لم يأتي بالجميل فالصمت أجمل


وها أنت تأتي بما يطيب لمسامعنا ويصل لقلوبنا بسلاسه

فشكرآ لك


تقبل مرور ابنك المتواضع

محمد المريري

الله الله يا شاعرنا العذب المبدع
منصور المريري
تسلم والله يديك ومشاعرك على هذه الرائعة الجزلة
بمعانيها ونظمها وقوافيها
لا هنت يا طويل العمر ولا هان غاليك
وصح لسانك ملايين
وعساها أول الغيث ولا هي آخره يا شاعرنا

		المشاركة الأصلية بواسطة : اقتباس
	مادرو إن حبه بوسط الضمايـر منـزرع مستحيل إنه ثواني عـن الخاطـر يغيـب

		المشاركة الأصلية بواسطة : اقتباس

ماشاء الله أبيات بحق أكثر من رائعه ..

صح لسانك والله يعطيك الف عافيه ..

حزن , وهم , وحيرة , وشكوى , ودموع .....

وللصبر آخِر خلاص لاتغيب "

قصيدة استوقفتني كثيراً لما تحمله من مشاعر ألم انطبعت في الوجدان

ومهما زادت الآلآم سيظل يصرخ الصبر وين أيام الفرح وطاري اللقا

		المشاركة الأصلية بواسطة : اقتباس
	ويش هـي حيلـة ضعيـف عـن أحبابـه قطـع وقـفـو الأقــراب ضــده وخـانـبـه الصـحـيـب عـذبـو قلـبـي وهــو مـــن ولـيـفـه مـاجــزع يحسـبـون الـحـب ومقـابـل الغـالـيـن عـيــب مـادرو إن حبـه بـوسـط الضمـايـر مـنـزرع مستحيـل إنــه ثـوانـي عــن الخـاطـر يغـيـب

ومستحيل إنه ثواني عن الخاطر يغيب

صح لسانك مليون وسلم قلبك وعلا شانك

أبدعت بهالجزلة شاعرنا وعانقت السماء بأبياتك الرائعة

هنيئاً للشعر أمثالك فاضلي "

صح لسانك وعلا شانك
قصيدة جميلة جداً
لاهنت

محمد المريري
السلطان
شغب انثى
ترف
ياسرالشدادي


شكرا على المرور والله لا يهينكم ولكم تحياتي

بيض الله وجهك يابو مظف ونحن بانتظارك
:thumbu00p1:ومشكووور على القصيدة الجزلة ولاتستغرب منك ذلك:thumbu00p1:

,’

صح لسانك

وسلمت على القصيدة الرائعة

,’

صح لسانك .
جميلة ،
قافيةً ، ومعنىً .

تقبل مروري البسيط .