جيت البحر مشتاق والقلب خايف

جيت البحر مشتاق والقلب خايف=ادور الفرحه مع الموج لحظات
هذا البخت ياموج يوم انت شايف=قفت ليالينا بذيك المحطات
غاب الفرح واظن بالنفس عايف=جيتك يتيم وضحكتي معك حسرات
اسهر مع الغربه وازيد الحسايف=واعيش في عزله مع الناس بسكات
ياما شكيت الهم والبحر نايف=الحزن فرحي والزمن زاد لوعات
موجك يريح النفس لو كنت حايف=ابكى على وقتي من العام عبرات
ياما سهرت ايام والحال رايف=احاول اجمع دمعتي فوق موجات
ترقف بي الغربة واكيد الرجايف=بردن جعل من هفوة القلب خفقات
تخفق به الغربة على حب زايف=بينته الصدة وبعد المسافات
خل العتب ياموج مامن حسايف=انا الذي سريتها للمتاهات

اتمنى ان تصل الى ذائقتكم واتقبل نقدكم ولكم جزيل الشكر

نفس
صح لسانك وبيض الله وجهك
اشوف انها قصيدة كبيره
في كلماتها ومعانيها
ولكن انت حطيتها هنا ننتظر
المهتم بالشعر ويعيطنا رايه
حول مستوى شاعريتها.

صح لسانك أخوي

وبيض الله وجهك

تقبل مروري

تحياتي

صح لسانكـ اخووي
واصل بدون فواصل
/
لاعدمناكـ

		المشاركة الأصلية بواسطة : خيال الشدادين اقتباس
	نفس صح لسانك وبيض الله وجهك اشوف انها قصيدة كبيره في كلماتها ومعانيها ولكن انت حطيتها هنا ننتظر المهتم بالشعر ويعيطنا رايه حول مستوى شاعريتها.

صح بدنك وجهك ابيض وسلم راسك والله جديد على المنتدى

		المشاركة الأصلية بواسطة : أخصائي تربية خاصة اقتباس
	صح لسانك أخوي وبيض الله وجهك تقبل مروري تحياتي

صح بدنك اخوى ولا هنت وجهك ابيض وتشريفك شرف لنا

		المشاركة الأصلية بواسطة : حلم السنين اقتباس
	صح لسانكـ اخووي واصل بدون فواصل / لاعدمناكـ

صح بدنك اختي وحضور مميز وتسلمي على الكلمات الرائعه

نفس المكان صح السانك مليون ياجزل وافيه من راس وافي وتنقل من واسطتي إلي بحور القوافي
تحيتي لك

صح لسانك أخوي واعتلى شانك
لاهنت

نفس الزمان من نفس المكان
تكسب الرهان

تكسب الرهان
صح لسانك حتى ترضى
تقبل مروري المتواضع وخالص تحياتي