ليت التمني

بويتات لعلها للقبول ,,

ليت التمني فاتحٍ للنشاما=بابٍ يخصّ الهم على ماتودّه
من يشكي الفرقى وكثر الحطاما=مضنون عينه يقدر اليوم ردّه
ويعيش في حاله تفوق اليتاما=لا شافو المطلوب كلٍ يسدّه
ويكون حاله في سبيل الغراما=مثل الملك لو ما ملك ثوب قدّه
ومن كان يشرف في طويل العداما=ماعاد همٍ يقدر اليوم شدّه
يطلب وياخذ مايبي من لزاما=وتبسط له الدنيا على مايودّه
لو بتمني كان حال النشاما=طيب ولحدٍ واقفٍ دوم ضدّه
لا كنّ مالك غير سبر الغماما=ترا الفرج ياتي بعد طول شدّه

وسلامة الغالين ,,

.




بَابْ التَمنىَّ مَشرَّعٍ علىْ مِصراعيَّه
لكُلْ أُمنيَّة مَهموُمْ وَ مُحبٍ فَارَّقْ حبيبهُ
وَ كُلْ مَّنْ يَحتَاج ذلكْ لأيْ حَالْ !


الروُقيْ أَحمَّد

حيَّ هَلا بكْ وَ حيَّ حضوُركْ وَ تواصلكْ الزاخِر دوُماً
وَ صَّح الله منطوُقكْ ألفاً نَصُ عَميِقْ فيِه منْ التمنىَّ وَ الوَجد
الكَثِير وَ أكثَّر فقَّط أطبلِقْ عَنانْ تِلكْ الأُمنيَاتْ هُناكْ حيثُ
الغمامْ وَ سَتُمطِرُ وَصلاً وَ فَرجاً قَريباً بإِذنهِ تعالىْ
طِبتْ بخيِر وَ لا هِنتْ ’

لايِكْ + 5 ستَارز

صح لسانك
والله يعطيك العافيه قصيده رائعه

صح لسانك وعلا شانك
يعطيك العافية على هالقصيدة الجزلة..

هلا بمشرفتنا المتألقه دوما ساره الغيد


اشكركي على الكلام الجميل والمرور المميز وباالتوفيق يارب

ملاك


صح بدنكي ولاهنتي على المرور الجميل

خيالة الشرفاء


صح بدنكي والله لايهينكي على المرور الرائع

سالم وغانم يا أبو سلطان
والله يبيض وجهك ويعلي قدرك
ما قصرت وصح لسانك
وبانتظار جديدك دائماً

صح لسانك

ولا هنت أخوي

على القصيدة الجزلة

مرحبا والله يابوعبد الله صح بدنك والله لايهينك على المرور الرائع وابشر بكل خير باذن الله