الشاعر سالم السامود الحربي و سلطان معيش الشدادي

يا سالم السامود للعز نيشان ****** يا الحربي ياللي تكسب الطيب كله

صح لسانك يا ابو فايز والطيب ما يجي منه إلا كل طيب وقصيدتك في سلطان رائعة الى ابعد الحدود

وهذا ليس غريب على شعراء حرب وأنت واحد منهم في جزل الكلام ومعانيه الطيبه

وقبيلة بني الحارث تستاهل المدح وكذلك قبيلة حرب وجميع القبائل الاخرى والله يحفظكم

ابنكم الشاعر/

زايد بن عيد الشدادي الحارثي وتقبلوا تحياتي

مشكور على طرح الموضوع

وتسلم يمناك أخوي عبدالرحمن الحربي

قريت ليّ ابيات لابن الضعيان = سالم ولد سامود راع السمينه
فيها مديح ال صاحب الجنب سلطان = الصاحب اللي ليتنا مصاحبينه
اللي عطى مثله قليلٍ بالاخوان = ياحظ من هم للزمن ذاخرينه
هديته اوضح وثيقه وبرهان = واصدق وسيله تنبي مصادقينه
انه وفي لااصحابه ابكل الاحيان = واللي سواته كلنا فاقدينه
ماعاد به صاحب ولافيه صدقان = قلو ووقتي بيدتهم سنينه
راحوا ( يابوفايز ) وباقي لك انسان = حافظ عليه وديربالك وعينه
انت الذي اكبر مزياك . الاحسان = رفيقنا ورفيقنا خابرينه

اخواني هذه القصيده نقلتها لكم من منتدى قبيلة مخلف من حرب

و هي مجاراه لقصيدة سالم السامود

في سلطان معيش

و شاعر هذه القصيده لم يذكر اسمه بالمنتدى .

بيض الله وجه قائل هذه القصيدة

قصيدة جزله ولا هي غريبهعلى قبيله حرب وشعارها
لي طلب عند الشاعر / سالم السامود
وأرجو منه لا يبخل بذلك وهي 
قصيدته في عتق الرقبه

أخوك الشاعر / سعود معيش الشدادي

حسب طلب سعود معيش

هاتان قصيدتان قيلت على لسان (أم أحمد) ولها قصة محزنة ومعروفة ، والحمد لله أنها أنتهت إلى خير
نسأل الله أن يحفظ صاحب السمو الملكي سلطان بن محمد الكبير ـ صاحب الأيادي البيضاء ـ وأن يطيل في عمره إنه سميع مجيب .كما نسأله أن يجزي الشاعر سالم السامود خير الجزاء لأن هاتين القصيدتين كانتا مفتاح فرج ـ بعد الله ـ لتلك المأساة ،
القصيدة الأولى عندما كلت جميع الجهود المبذوله
لإعتاق رقبة احمد الحربي والذي كان محكوم
عليه بالقصاص و هو طالب بالثانوي والجهود
كانت تبذل من جميع القبائل من مشايخ و اعيان
و وجهاء و مسؤلين وكانت تدفع اموال طائله لنيل من الاجر
بإعتاق رقبة احمد ولكن لم يحالفه الحظ
و قيلت هذه القصيده على لسان ام احمد
في صاحب السمو الامير سلطان بن محمد الكبير
و نشرت في جريده الجزيره وبعد نشرها مباشره
جاء بشير الخير من سموه لآم احمد بالفرج القريب العاجل :

يالله ياسامع دعـاء كـل داعـي = يامستجيب إلكل من يرفع ايديـه
يالله يالـرب الكريـم المطاعـي = يارادٍ يوسف نبيـك علـى ابيـه
ياواجدٍ للكـون خالـق وراعـي = تلطف بنا يامن له الخلق وإليـه
وارحم حزيناً يصبح الصبح واعي = خيم عليه الهم والحـزن شاويـه
إلى بغى يسلى مـن الهـم فاعـي = والهم والهوجاس بيـح خوافيـه
لي ونةٍ من حسرتـي والتياعـي = لو هي على قمة جبل لان قاسيـه
منها خفوقي بين الأضلاع زاعـي = كما يزوع الطير من كف راعيـه
طلعه بعيـد وكفختـه بارتفاعـي = واومى جناحين السعد له مشاريه
على الجنين اللي عليه انفجاعـي = والله مامثلـي حنـونٍ اتعانـيـه
آخر خبر كلت جميـع المساعـي = ولا باقي إلا سيدي في مساعيـه
سلطان تكفى يالكريم الشجاعـي = يابن محمد عز من يعتـزي فيـه
ياطيب السمعه طويـل الذراعـي = أنا دخيلـة مـن تعـزه وتغليـه
أنا دخيلة من عطتـك الرضاعـي = بطنٍ حملك ودر جـوفٍ عطتكيـه
دخيلتك ياميـر قبـل الضياعـي = قدام بقعاء توصل القوس باريـه
ياسيـدي قـدام علمـاً يشاعـي = الله يعجل موتتي قبـل لا أوحيـه
أحمد ثمر قلبي رجـاي ومتاعـي = حبل الرجا ياميـر بالله ثـم فيـه
قدام حد السيف يصـل النخاعـي = ياسيدي تكفى عن الموت عطنيـه
متى تبشرنـي واشيـل القناعـي = اقناع ليـلٍ مظلـمٍ تـاه ساريـه
يامير ضاقت بي فجوج الوساعي = والقلب من حزني تقطع عراويـه
بعروق قلبي مثل سـم الافاعـي = امخالطن دمي ويجـري مجاريـه
والقلب لوهو من حجر ضلع ماعي = والحزن لاخيم على شخص ينهيه
تكفى قدم روعت نهار الوداعـي = ياسيدي كيـف اتحمـل مآسيـه

وبعد وقتً قصير ام احمد لم تصبر و تشوف الساعه في سنه رغم بشرى التي وصلتها من سموه
و قيلت هذه القصيده الثانيه وبعدها تم الفرج عن السجين احمد الحربي
و لو اني تطرقت للقصه كامله لن تبقى عين لم تدمع

القصيده الثانيه :

يا الله يارباً لـه الخلـق ركـاع = يركع له اللي به مخافة وطاعـه
أرحم ضعيفاُ صايرٍ قلبـه امـزاع = همه ثقيل ولايـع الحـزن لاعـه
حزناً يلوع القلب من بين الأضلاع = وقلب العنا بين إرتماعه وراعـه
البارحه فزيت والنـاس هجـاع = فـزة يتيـمٍ لا تذكـر رضاعـه
رضيع ديد ويذكر أمـه إذا جـاع = ورداً به الثنتين حـزن ومجاعـه
على جنينٍ بعـده القلـب ملتـاع = قلباً يساقيـه الحـزن بالتياعـه
لو لا رجاية والأمل مابعد ضـاع = رجـاي بالله ثـم راع الشجاعـه
ياسيدي سلطان ياوافـي البـاع = ياصانع أفعال الرجوله أصناعـه
أنا لبست من الحزن ثوب وقنـاع = ومن لامني بالحزن يلبس قناعـه
عامين يوميبي من الحزن ذعذاع = ذعذاع من حبل الرجا وانقطاعه
يا أمير واقلبـي تقطـع تقطـاع = ولا لي على فرقا الجنين استطاعه
تكفى ترى تكفى عليها الحجر ماع = وأقول لك تكفى ترى أحمد وداعه
واسمك بفعل الخير في كل مذياع = قامت تناقله الصحـف والإذاعـه
اسمٍ بفعل الخير بين العرب شـاع = أمير له جـاه اوجـاه وشفاعـه
أمير لك في قمـة العـز مطـلاع = حـرٍ بيعـده نظرتـه وإطلاعـه
يا أمير من بشراك ليه إلى الساع = وأنا أتحرى للفـرج كـل ساعـه

حيث ان ام احمد الحربي ليس لها ابناء سوا السجين احمد
الذي كان طالب بالثانوي و شقيقه المعاق والان احمد طالب بالجامعه الاسلاميه
جزاء الله الشاعر سالم السامود خير الجزاء

نأمل من الشاعر سالم السامود أن يتمم طلب زميله الشاعر سعود معيش ويسمعنا المطلوب
اخوك/ سعود عيد الشدادي

سعود عيد الشدادي

صباح الخير

الطلب تم نشره في هذه الصفحه

و شكرآ

صح الله لسانك وبيض الله وجهك ويا هلا ومرحبا بك

ونعم فيهم كلهممممممم

يعطيك العافيه