الصاحب

الصاحب اللي يجامل لو يشوف الخطا
كنه يبيع علي بضاعة ن تالفه
والصاحب اللي يوجهني ولا يغلطا
هذا صديق النفوس ولو ما تالفه
والصاحب اللي يحط من الصداقه غطا
يخفي تحته المكر ما قاله يخالفه
هذاك لا حر يعدا به ولا يمتطا
احسن عنه عد دول الكيف والسالفه
والصاحب اللي على صحن الحكي يقلطا
ياكل من الوجبه اللي بالصحن جايفه
قطاع ساقه لادنى مستوى يهبطا
هذا صداقته مثل العملة الزايفه
والصاحب المخلص اللي لو يطول البطا
ما غيرته السنين وما تبي عارفه
لو كان تخطي بحقه ما بخل بالعطا
شجرة بها الظل تبقى بالثمر وارفه

صح لسانك مليون ولايسدون
ولاهنت شاعرنا على القصيدة الجزلة

و الصاحب المخلص اللي لو يطول البطا
ماغيرته السنين وماتبي عارفه
لو كان تخطي بحقه مابخل بالعطا
شجرة بها الظل تبقى بالثمر وارفه


صح لسانك يالطيب
صدقت و الله ..
ابيات جزلة ومعاني رائعة
بارك الله فيك
ننتظر جديدك

هلا بك يا شاعرنا العزيز
والله يحييك ويمسيك بكل خير وسعادة

طبت وطاب قافك
والله يحفظك وصح لسانك ملايين

حمد سلطان المحياني

صح لسانك واعتلى شانك وتقبل مروري واحترامي

الله يعطيك العافية ع الايراد الرائع ، ماقصرت
شكري وتقديري ..