سَجلْ دُخوُلكْ / خُروُجكْ بِـ بيَتْ شِعر ♫ ( النُسخّة الثَالِثّة ) !

.

الشعور المرّ يحتاج لـ . كلام=والكلام أحيان .. مانقوى عليه

.

يارب غصنٍ بـ صدري لو لمسته وقع=أرسل لي مْن الغمايم ما يبلّه وأعيش..
وأزرع بصوتي سوالف ما سقاها وجع=من ضحكة الغيم، والا من حمامٍ وريش.
لو يلمح الصبح دمعٍ في كلامي، رجع.=لو يرجع النور، ليلٍ في خيالي يطيش!

أما يقولون طاح الضلع من كبره
والا ، يقولون ماهو للوطى ضاري ،،

.

يارب وان شحّ الفرح في كيله=راضين ،، لو انّ الحظوظ بْخيله
وان كان لابد .. ابتلاء المؤمن !=أعوذ بك من ضيم (قِلّ الحيله)

.

ليت المطر لامن غسل قاعنا ماهـ=يغسل على دربه "قلوب المخاليق"
كم (حاجةٍ) عيّت تجينا .. وجيناهـ=ضاعت ، وضعنا بالدروب المغاليق
وكم (ذاهبٍ) بالعين صورة محيّاهـ=ما كنه الا الدم وسط المعاليــق
وكم (فاقدٍ) فينا ، وكم (كاظمٍ) آآهـ=وكم شاهقٍ غبنه ، وكم زافرٍ ضيق

.

أنا غرامي شبة النار والدلة=مهيلة ومبهرة بيد راعيها
فنجالها ينعش ويبري لك العلة=مع شلة سوالف الطيب كاسيها

.

سماي تو أنشاا سحابه وانا جيت=فيني شعر واهوَى الشعر كل الاوقات
عبّرت من وهج المشاعر وغنيت=من سطح بحري والدرر فيه ماجات
صبيت من عذب الحروف وتقهويت=من سلسبيل الشعر دلّه مْسوات
وقهويت عشاق القصيد وتمنيت=تبقىَ المعاني ف . المحاني مخبات

.



على سبيل المُحاورة | و قِطاف الذائقة :


يقول الشاعر :

يـَانـاس صـــوُت الراعـبـيّـه فـقـدنـاه=استَعـقـلـت والا مـــن الـنــوُح مـّلـت ؟!
حتى النَخل عندي من أقصاه لادناه=جـَرايــده مـن شـوقـهـِن لـه تـدَلــت

وهي تقوُل :

لا والله إلا جرّته لآخر أقصاه =كم جابت من أقصى الضماير وخّلت
فوُق الغصون وكل لحنٍ تغنّاه =لا ومَى بها النسناس لامن تعلت
هديلها ماتفهم الناس معناه =لاشك يسحر بالهوى من تولت
لاسترسلت بين الطرب و المُعاناة=حطت على حِس المشاعر و شلت
من نوحها غنىّ المعتّى من الآه =و أستوطنت روحه جْروحه . . وكلت

.

.

تكتبني حروفي و تقراني الناس=و أكذب على روحي و أصدق غموُضي
نفسي تشّجعني على كتم الأنفاس=وبرق المشاعر فوُق حرفي ينوضي
شِعري رسَم حزني وشوقي والإحساس=وش عاد باقي مازرعته بروضي ؟!

‏.



قمريتن حطت على غصن الأحلام
……………… في صوتها جرح الغياب وحراويه