سلام تسليمه تعم الشدادين

السلام عليكم ورحمة الله وبركاته
ومن العايدين وكل عام وأنتم بخير


سلام تسليمه تعم الشدادين
من أصغر عمر لـبو ثمانين عامي
وان كان فيهم من تعدى الثمانين
أضيف له فوق السلام إحترامي
لفيت ضيف ورحبوا بي ميامين
واغنى عن أجزل قدر طيب الكلامي
رحب بي السلطان ترحيب وافين
نائب عن أهل المنتدى بالنظامي
ولا اطلب على فعل النشاما براهين
ربعي وانا أعرفهم كبار الأسامي
آلاد شداد الزحول السلاطين
إللي لهم في قمة المجد هامي
تاريخهم ماينحسب يوم وسنين
أحقاب واعصور وملايين عامي
فيهم كرم حاتم على العسر واللين
ولاضافهم من راح جيعان ضامي
ومن هيبة أصغرهم تهاب الشياطين
ويصمل بفزعتهم رعيد العظامي
وأنا لهم من ربع بالرفق صافين
سموى الصلاخي محتمين الجهامي
قوم البخوت مرجحين الموازين
اللي دخيل وجيههم مايضامي
حماية التالي سيوف القوانين
أهل النفوس الصافيات الكرامي
وجدي منير إبن قراهيد ويبين
للناس ساسي والبس إسمه وسامي
وجيت أرفع آيات التهاني ملايين
بالعيد جعله عيد يمن وتمامي
وسلام من غالين مرسل لغالين
أوصله مابه عليه ملامي
وجيت أسبق اللحظات واعطي عناوين
عن مقبل الأيام قبل الزحامي
أنا زبون المعرفه وأحمر العين
وأنا واعوذ من الأنا والحرامي
سيف القصيد وقوت كل الدواوين
وذخايره وقت الطلب من حزامي
وعندي طلب ماهوب سلفه ولادين
أبغى شوي من المدير إهتمامي
وسلام تسليم الوفا للشدادين
ممزوج بالتقدير والإحترامي



أخوكم الشاعر / سائر بن علي الصلاخي

طقت فيني اللقافة لأني مو شدادية ,,, لكن عجبتني الأبيات حيل

يستاهلون الشدادين الترحيب و إنه ينكتب فيهم أجمل الأبيات

ما شاء الله موفق أخوي

~

يا مرحبا تراحيب المطر يا أبو علي
وما عليك زود يا شاعرنا
أنت بعد كفو ومن رجال كفو وعليهم العلم

حياك الله في منتداك وحي ما جيت به
ولا هنت يا شاعرنا

وأنا ألقف منك ياهديل
لاشدادية ولاحارثية
ولكن وجدنا مثلما قال شاعرنا فيهم من الصفات
وربما يفوق
مايجعلنا نتمسك بالمنتدى وأهله
نحسبهم كذلك والله حسيبهم ، وما نزكي على الله أحداً ..


ماشاء الله شاعرنا
روعة الإبداع من جرس للحرف يتناغم مع انتقاء المفردات
تتراقص مع مجموعة الأفكار ، ويبحر في جو الخيال
لتظهر أجمل رائعة تطل علينا من خلال هذا المنتدى ..

	ولا انا مو شداديه ولكن صديقتي شداديه والشدادين منتداي المفضل لذلك صح لسانك شاعرنا ويستاهلون الشدادين

صح السانك ياشاعرنا شاعر جزل وقصيدة جزلة

يا هلا والله ومرحبا تراحيب الأمطار يا شاعرنا وحي الألم ...
شاعر معروف وربعك وأنت ونعم مليار نعم ..

صح إلسانك ومما يسعدني والله تواجدك ومشاركتك يا بعدي ..

الله يوفقك .

ارحب ترليون ومايسدون يابعدي

وصح لسانك واعتلا شانك

ونعم فيك وفي ربعك الصلاخات

كيف وانت بناخي الشاعر سعد بن منير الصلاخي

ونعم فيك وفي ربعك

والمنتدى منتداك يا أبو علي

تحياتي

صح لسانك وماعليك زود ياالذيب
الله يعطيك العافيه

علي
ماعليك زود وصح لسانك وبيض الله وجهك
شاعر جزل ويستاهلون ربعك الشدادين
انت تقدر وهم يستاهلون وربعك الصلاخات
ربعنا ونفتخر بهم وكلنا لبعضنا لأبة
للعداء حرابة موقفنا واحد وكلمتنا وحده
وصفنا واحد في العسر واللين.
ونتشرف بتسجلك بمنتدى ربعك
الشدادين الله يحييك.