رثاء في الشيخ سعد بن عيّاد الشدادي

ياعين ياللي تالي الليل تبكين=وش هو السبب ردي خبر ياحزينة
ويش الذي خلاك بالله ياعين=نومك بعد طول السهر ماتبينه
قالت عيوني كل ربعي حزينين=والليل هذا كلهم ساهرينه
بعد الفطور اليوم جانا خبر شين=رابع نهار من الشهر صايمينه
روّح سعد عياد عزّ الصديقين=وقيا بعد فرقاه ظلما وشينه
رجلٍ كريم ومن رجالٍ كريمين=المسلم اللي ماعصى والدينه
هو راعي الفزعات هو راعي الدين=ودايم على المعروف تعطي يمينه
ياحسرتي راحوا شيوخ الشدادين=كل يوم واحد بالنعش شايلينه
يحق ياعيني من الحزن تبكين=والدمع لامنه غلا ترخصينه
ربعن كرام وفي المواقف شديدين=ماهم رخوم 00 ودينهم حافظينه
راحوا وخلونا بدنيا وحيدين=من بعدهم من هو يقود السفينة؟
عساه في الجنات والموقف الزين=وعسى كتابه يستلمه بيمينه
ويا جعل له في جنة الخلد دارين=وتظلله يارب أمن وسكينة

الشاعرة

بنت البوادي

الله يرحم فقيدنا أبو سعود ويسكنه فسيح جناته

ويغفر له ما تقدم من ذنبه وما تأخر

الله يسلمك يا شاعرتنا بنت البوادي ولا يريك مكروه في عزيز لديك

ويحق للعين أن تبكي وتدمع

على رحيل شخصاً قد ملك قلوب الكثير

بحبه لهم وإخلاصه وطيبته رحمه الله

صح لسانك أختي بنت البوادي

صح لسانك بنت البوادي

والله يرحم ابوسعود ويغفر له

صح لسانك بنت البوادي والعظماء يستحقون أكثر

الله يرحم أبو سعود ويسكنه فسيح جناته

صح لسانك اختي الكريمه

الله يرحم فقيدناويسكنه فسيح جناته

ياحسرتي راحوا شيوخ الشداديـن=كل يوم واحـد بالنعـش شايلينـه
يحق ياعيني مـن الحـزن تبكيـن=والدمـع لامنـه غـلا ترخصينـه

قصيدة مؤثره..
رحم الله ابو سعود..ومن رحل قبله من شيوخ الشدادين..
وثبت أقدام الجيل الجديد..
فيهم كل خير..تربوا في بيوت رجال ومعاويدهم الطيب..
وصح لسانك يابنت البوادي..
قصيدتك من أجمل ماقيل في رثاء أبو سعود ..
تحياتي

صح لسانك يابنت البوادي والله يرحم أبو سعود
وقصيدتك أكثر من رائعة وعساك عالقوة
ولاتحرمينا من قصائدك الجميلة

سعد سعد سعد والله مابكيت على احد مثل سعد الله يرحمه ويغمد روحه الجنه