♥♥منتدانا ♥♥ //..~ { بعيون شعراءه } ~

♥♥ المنتدى يسلم ويسلم عميده وله سلامي والتحيات وصلن ♥♥ من عذب المعاني لــ المنتدى /.. ولــ سلطانه../ ♥♥ ♥وعمااااار يالشدادين♥ ♥عماااار يالشدادين♥ ♥عمااار يالشدادين♥

اليوم مزجنا كل الكلمات برائحة البهجة والفرحة الندية .. وغردّت طيور الفرح بين صفحاتنا نزف التهاني وعبق الأماني لهذا الصرح الشامخ بقيادة سلطان قلوب الشدادين لنقدّم سطور شعراء منتدانا الغالي وماكتبوه من مشاعر للمنتدى ولسلطانه على مدى سنوات العطاء ... ~ { فــ مبروك للمنتدى سلطانه } ~ و ~ {مبروك للسلطان علياء منتداه } ~ و ~{مبروك للجميع العام السادس} ~ لانستطيع حصر تلك المشاعر ولكننا اخترنا بعض أبيات وقصائد منذ عام 2005م إلى 2009م وكانت مقتطفات شاعرية مشاعرية أهدوها شعرائها للمنتدى ولمؤسسه علّها تشاركنا فرحة سنواتنا العامرة لــ نطفيء معاً شمعتنا السادسة بعطر أنفاس تواجدنا على قلب واحد ويداً واحدة .. بك سنحتفل ونطفي الشموع وسنشعل لك شموعاً وشموع .. لو كان في اغلـب زوايـاه هـادي = القى الصخب وسط الحروف بزواياه مبـدأ و منبـع لإحتـرام المبـادي = شيٍ على مـر الليــالي عرفنـاه ستة أعوام تتعبون و التعب صارعادي = دام النتيجة صرح شامخ وشفناه أعضاء و إداره .. طيبهم صار بادي = في موقـفٍ جميعـاً بيدينا بنينـاه ياما زرعنـا فيـه فـل ٍ و كـادي = بحروفنـا وبنزف الأيدي سقينــاه شمّه و جاله كل قاصـد و غـادي = لين انتشر عطـره وجينـا قطفنـاه نهدي لكم باقه مـن أطهـر أيـادي = و نقول هذا مازرعنا .. وجنينـاه منّة ولـيّ العـرش رب العبـادي = يـارب سكّـن من نوى في سكنـاه رايي و اعرف إني برأيي حيـادي = منتدانـا منتدانـا.. الأدب لاعدمناه منتدانـا حب ٍ منتشـي فـي فـؤادي = منتدانـا أكبـر مـن قصيدٍ كتبنـاه منتدانا موقـع للمعـزه ريــادي = هوقـادنـا للطيب وحنـا تبعنـاه من طيب ناس ٍ فيه فيهـم مـرادي = يشفِـي هـواه بمحفلٍ كـم هوينـاه * * لـــ النايف وعمار يالشدادين

عيد السنة عيدين بحساب الأرقام وأنت الهنا وأعياد عمري وروحي تستاهل التطوير ياصرح غالي =يااللي تحمل اسم ٍعليناعزيزي اللابه اللي قدرهم دوم عالي =االلي يكزون االمعادي كزيزي في صفحةالأمجاد حازوا مجالي=يرسون واعداهم يجيهاهزيزي بفعل ٍ يدك الأرض وياّ الجبالي =من قابلوه يصيرمثل المعيزي ذولا بني عمي جزال الفعالي =عدوهم لانام جاله فزيزي تهواهم الأمجاد بأول وتالي =أمجادهم تذكر وتبرزبريزي وذلحين في حكم ٍعليناظلالي=في ظل حكم عيال عبدالعزيزي والله يديم الأمن في كل حالي =وتعيش ياصرح ٍعليناعزيزي ملكتلك في النت موقع خيالي =غرزت رمحك في المواقع غريزي في شبكةٍ ٍ فيها تشد الحبالي =جودت حبلك مايجيبه حزيزي نلت التطور 00شوف نورك يلالي=يجذب لك المبدع ويمّك يحيزي يِِِِِِِِِطرح بك الأبداع من كل بالي =شي ٍفصيح وشي بالأنجليزي بيارقك مرفوعة ٍٍٍٍٍ لااا تبالي=في قمة القمة رزت رزيزي ونبغى السموحه يا قروم الرجالي=ان كان قصرنااعذرونابليزي و تستاهل التطوير يا صرح غالي=يااللي تحمل اسم ٍعليناعزيزي لـــ البرينيسي وعمااااار يالشدادين

هاهي الشمعة السادسة نحتفل بها اليوم وهذه قصيدة قيلت لدخول المنتدى العام الثالث وهانحن نستعيد أرشيف احتفالاتنا على مدار ست سنوات من العطاء والتميّز .. سلطان..صيّر شئ لايمكن يصيـر=ربط قديـم أمجـاد قـوم بحاظـره مامات حـى ولانـدم فعّـال خيـر=الله عــزه بالمـعـزه ونـصـره يامنتـدى شـداد يامجلـس أميـر=ياقشعـري ياحارثـي يامفـخـره عامين مرت وأنـت للعليـا سفيـر=واليوم عيـدك.. والكـرام موقـره ياسيف جردك المؤسس من جفيـر=يالـب علـم الغانميـن وجوهـره يلوذ بك مجـد الرجـال ويستجيـر=وكلٍ من العـراف معطيـك نحـره على خطاك نسير ونحـث المسيـر=ونشد عضـد الميمنـه والميسـره جمعتنا في وقـت تحديـد المصيـر=الحي واللي مـن نـزول المقبـره تاريخ ورجـال وبطـولات ونذيـر=للي نسي واللي غفل عن معشـره تفوح من يمتـك نسمـات العبيـر=نفحات عودٍ فوق جمـر المبخـره آداب وأخبارٍ يلـب الهـا الخبيـر=وأجمل بيوت الشعر فيـك مسطّـره شعر جزاء وبسيس وحمود وزهير=والنابغـة وأبـو نـواس وعنتـره وراس العرب شاعر ونسّاب ومشير=وشيخٍ بعلمه حط للأصـل شجـره وأذكر رهاوي وبدوي شعار غيـر=وفق أعترافـات القلـم والمحبـره في منتدى قدم لنـا الشـئ الكثيـر=يطيب أبه قلـب الغيـور وخاطـره منبر فكر..يصعد عليـه المستنيـر=اللي ربح ثنتيـن ..دنيـا وآخـره وأنا تراني فيـه غـرام وخشيـر=(ملفي) طلب غرم الأمير وخاشـره الشايب اللي منزلـه قمـة عسيـر=(أبـو خليّـه) يالعيـون المبصـره من حبه افرح له وأغني له وأغيـر=حبه بنـا فـي داخلـي مستعمـره والناس حامل مسك او نفـاخ كيـر=والصقر مايصغي لصـوت الحمـره لو حاولوا شقر العصا ما اقول غير=جميع بيبـان الشـرور محاصـره تنبح كلاب البدو والمركـب يسيـر=والحوت ماعاق أنطـلاق الباخـره ومن وردوه أهل الشهامه جم بيـر=غلطان لو يرمي بعد روي حجـره بينت لك بالشعر مكنـون الضميـر=وإن كان في قافي قصور المعـذره لــ سعود بن سليمان الحارثي وعماااار يالشدادين

طيور الصبح تهلل ونجوم السماء تبقى تتلألأ في لياليها .. اليوم تغني الساعات وترقص الثواني.. وتعزف الأشجار روائع نغماتها على أوتار مشاعرنا .. لسطان بن عبدالله بن سلطان اقدم=ازكى تحيه من ولد عمه ومندوبه مؤسس منتدانا على العز متقدم= خطوه ورا خطوه بتكتيك ملعوبه على النقا يمشي ماشحذ واتخدم=ولااااارتل على العالم الايات مقلوبه اقوله وانا شايف عنا الوقت متردم=تشوفونه معي ياوجيه الخير ودروبه بسم الله اكبر على الغاوي المتودم= وبسم الله اكبر على النيات مقلوبه لــ سعد الشدادي وعماااار يالشدادين

عساني حي .. وأحضر كـــل أعيادك .. واهديك وردات الـــغلا فوق صرحه .. ازداد عمــــرك .. صح!.. لكنه ازدادك .. في خافقي لك بالـــغلا ألف صفحــــه .. ♥وعمااااار يالشدادين♥ ♥عماااار يالشدادين♥ ♥عمااار يالشدادين♥

ترف يعطيك الف الف الف عافيه على الانجاز الرائع...وكل عام وانتي بخير ياقلبي

,’

عساني حي .. وأحضر كـــل أعيادك ..
واهديك وردات الـــغلا فوق صرحه ..
ازداد عمــــرك .. صح!.. لكنه ازدادك ..
في خافقي لك بالـــغلا ألف صفحــــه ..

يعطيك ألف عآفيه يآ ترف

إبدآع والله

سلمتِ و صح لسآن الشعرآء اللي اقتبستِ أشعآرهم
كل سنة و أنتِ منورتنا
^_^

,’

عسولة :

حياك ياقلبي والله يعافيك يالغلا وتحياتي لك ..

وكل عام وأنت ترفلين بالخير والسعادة ...

شدادة الوزير :

ياهلابك ياقلبي

يعافيك ربي يالغلا ولاعدمنااااك ..

وكل عام وأنتِ بألف خير وسعادة ..