|
|||||||||||||||||
الشاعر/عايض ابن شجاع الشدادي
الشاعر الشيخ /عايض ابن شجاع سالم الشدادي رحمه الله هو علم من اعلام الشدادين وشاعر كبير وله دواوين مسموعه وكذلك بعض القصائد المكتوبه وقد عاصر فحول الشعراء والادباء في بداية نهضة المملكه العربيه السعوديه امثال الامير محمد الاحمد السديري وابن بليهد ومنديل الفهيد وعبدالله بن خميس وابراهيم اليوسف وهو من اوصل اشعار الشدادين وقبيلة بنو الحارث الى هؤلاء الادباء وقد اخذ عنه حمد الجاسر رحمه الله في انساب بنو الحارث وله بعد الله الفضل في تدوين القصص والغزوات والاشعاراللتي تخص قبيله بنو الحارث والشدادين وكذلك معروف بوجاهته وسمعته الطيبه عند ادباء الخليج في منتصف القرن العشرون حتى ان بعض الادباء قال لولا الشيخ عايض بن شجاع ماحفظ تاريخ بنو الحارث والشدادين وتوفي رحمة الله عليه قبل اربع سنوات تقريبا ولقد قابلت الاديب ابراهيم اليوسف في مناسبه جمعتنا سويا وقال( اين قصص بنو الحارث لماذا انتم بخيلون بقصصكم علينا فبعد وفاة الشيخ عايض ابن شجاع افتقدناكم)
وقد كان رحمة الله عليه له بعض المساجلات مع كبار شعراء المملكه والخليج ومنها قصيدته اللتي ارسلها الى الشاعر الكويتي الكبير مرشد بن سعد البذالي حسب معلوماتي ويقول فيها الشيخ عايض ابن شجاع
ياهل الونيت اللي يسج الوطا سج=توه جديد لابعد البعد سجاج وقد رد عليه الشاعر الكويتي مرشد البذالي بهذه القصيدهيسرح صلاة الصبح والنور ما انفج=على وداع الليل والصبح منباج واليا عطا مع جرهد القاع الابلج=غطط عليه ورص رجلة الى الصاج مايمكنه شوفك اليا ثور العج=لمحة بصر دوبك تشوفه اليا لاج يقطع مثاليلن هل الدرب الاعوج=يروج روجات النداوي اليا راج ماعمر سواقه على النوم هولج=ماهوب من خطو الرياجيل دلباج مايسمعك لو صحتله كنه اصنج=في خاطره من نازح البعد وهاج واليا قطعتوا مطمنن فيه عرفج=تبغوالكم مزن على حد الامواج تبغون بيت من لفا به تبرهج=بيت يقدم فيه خرفان ونعاج دايم وبابه للمسايير منفج=وسوالفن يطرب لها كل هراج ردوا سلامي عد من للحرم حج=وعداد ماتمشي طوابير وافواج اللي كتبته داخل الخط مدرج=مكتوب في خط طوي طي ديباج عن شور مرشد ما اسمتع شور من لج=اغليه يالقالي عن الهم مخراج انا بقيت من السوالف محرج=الناس بارت والدهر يحرج احراج وقت يخلي طيب النفس مزعج=مما يشوف ويسمعه من هالازعاج قالوا لي اصبر والشدايد تفرج=كلن يقول الصبر تاليه الافراج الصبر زين وكل مشكل يعالج=لو ان همك كبر ابانات وسواج واللي يقاسي بيض الايام يفلج=طول الزمان يقاسي الراس فلاج قلت افتهم مامقصدي هرج وحجج=الامر معرفه لها تاج انا ما انصيٌ كلمتي خطو الاهمج=الاُ اللذي من رفقته ربح وانتاج هرج مع الجاهل على ويش يهرج=وهرج مع اهل المعرفه نور وعلاج
البارحه ذهني بالافكار ما انتج=من العشا لين اسفر الفجر لعاج واعذورونا على القصوراهوم من زود الولع واتنهج=اونست في صدري من الهم وهاج والطرش من سطوات الاقلام يحتج=يحتج من ضرب البناني والاسراج ياللي بدربات المعاني تلهج=اسمع جواب اللي صعد عسر الادراج ابيات مافيها كلام معروج=ماصاغ كاتبها عن الوزن سوهاج قم يا نديبي فوق جول المدرج=فرت لعسرات المطاليع دهاج يا زين مسراحه مع الحزم الارتج=مع شلعة فيها من المرو رتاج من الكويت اسرح وممشاك مفرج=بيد صحاصيح معا خط مطناج والصبح مع لغف النفود ايتدهج=وظهرأ معزبه ماصعن حدره الصاج اليا من نورك بآخر العرق عجعج=وام الجماجم عنك يسرى بالآفاج عساك تلقى الوصف معا خطو الابلج=له مع عرب عايض معرفه ومنهاج لا شفت خشم الغاط ابه ايتحجج=انشد اليا طالعت تلقاه دواج وتشوف ديوان عايض مبرهج=مشرعن ماصك قفله بمزلاج تلقاه في صف الدلال ايتزعج=حرص على ضبط الرساله بالارواج سلم عليه وقل ترى الوقت ما دج=لايستوي في خاطره شك وحلاج قله ترى صاحبك بالحمل دلفج=لو ان وزني ثقل ضلعان الافلاج
التعديل الأخير تم بواسطة عمود الشدادين ; 27 Jan 2006 الساعة 02:45 AM
|
27 Jan 2006, 05:25 AM | [ 2 ] | ||||||
|
بيض الله وجهك وماقصرت عز الله اني ابغي هاذي القصيده من زمان |
||||||
27 Jan 2006, 08:39 AM | [ 3 ] | |||||||
عضوة متميزة
|
وجهك ابيض والقصور مايجي من شرواك .. اسعدتنا بما خطت يمينك .. فهولاء لهم علينا حق .. وهو ان مكتب كل ما يظهر مفاخرهم فهم اهل الفخر .. |
|||||||
|
||||||||
27 Jan 2006, 09:33 AM | [ 4 ] | ||||||
|
ما قصرت والله ويعطيك 1000000 عافيه على نشر القصيده |
||||||
27 Jan 2006, 10:57 AM | [ 5 ] | |||||||
عضو متميز
|
مايجي من الطيبين مثلك قصور بيض الله وجهك وفيت وكفيت والله ونعم بإبن شجاع الله يعطيك العافيه عمود الشدادين |
|||||||
|
||||||||
27 Jan 2006, 02:23 PM | [ 6 ] | |||||
|
بيض اللة وجهك عمود الشدادين وابن شجاع رحمة اللة علية من الشعراء المعروفين ولى معة معرفة ورفقة وكان رحمة اللة من الرجال الاوال فى الشعررحمة اللة واسكنة فسيح جناتة |
|||||
27 Jan 2006, 07:13 PM | [ 7 ] | ||||||||
مؤسس شبكة الشدادين
|
رحمة الله على شاعرنا الكبير عايض بن شجاع فقد كان ذائع الصيت رفيع المقام عالي المكانة بين شعراء بني الحارث عامة والشدادين خاصة وقد وجدت عند الدكتور عايض بن فدغوش كثير من المجلدات التي تحتوي مئات القصائد له وقد وعدنا الدكتور بنشر هذه القصائد في المنتدى وسوف نراها قريباً بإذن الله عندما يتم تركيب الديوان الشعري بارك الله فيك أخوي عمود الشدادين وياليت لو تضيف المزيد |
||||||||
|
|||||||||
27 Jan 2006, 07:19 PM | [ 8 ] | |||||||
عضو متميز
|
عمود الشدادين يعطيك العافيه وبيض الله وجهك هكذا نريد ان نكون نرسم سيرة قبيلتنا برجال لا ننساهم مهما غابوا الله يرحمه |
|||||||
28 Jan 2006, 12:55 AM | [ 9 ] | ||||||
|
اشكر جميع الاخوان على مرورهم الفضي والبرنس والمستحيله وسيف الاسلام وسلطان المنتدى وابو رائد والشدادي وشاكر مروركم الكريم على هذا الموضوع . |
||||||
28 Jan 2006, 01:58 PM | [ 10 ] | |||||||
نائب المشرف العام
|
رحمة الله على الشاعر الكبير عايض بن شجاع اخي الكريم مشكور على طرح القصايد الرااائعه |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
صفحة الشيخ / عايض بن شجاع الشدادي رحمه الله | السلطان | شخصيات وأعلام | 42 | 18 May 2020 11:23 AM |
نصيحة , الشاعر / فارس عايض الشدادي | فارس الشدادي | بحور القوافي | 10 | 06 Feb 2011 01:13 AM |
الجواهر المنظومه للشاعر المرحوم / عايض بن شجاع الشدادي | فارس الشدادي | قصائد وأقوال وشيلات في الشدادين | 14 | 05 Feb 2010 12:11 AM |
مطلوب قصيدة للشاعر المرحوم / عايض بن شجاع | وافي العتيبي | قصائد وأقوال وشيلات في الشدادين | 12 | 06 Jun 2009 08:18 PM |
من نوادر عايض بن شجاع بن سالم الشدادي رحمه الله | ثواب زيد الحارثي | بحور القوافي | 7 | 22 Sep 2007 12:51 PM |
أدوات الموضوع | |
|