|
||||||||||||||||||
الشبح والفكسار (مساجله )
السلام عليكم ورحمه الله وبركاته هذه المساجله بين الشاعرين عيد الشدّادي وعثمان الشهري امل ان تحوز على رضاكم [TABLE="width:70%;background-image:url('http://www.shdadeen.com/vbq/images/toolbox/backgrounds/15.gif');border:5px double black;"]
| [/TABLE]يقول عثمان
مـثل الـشـبح فـي جملة السـوق ما طب= احـلف وانا صادق والله والله سـحـره يحـوف القلب ما فاد به طب = في بسرة المعلوق علته وادواه يحبه الي ما عشق قلبه وحب= ويفوق حبه حب مجنون ليلاه منين ماناظرت اله ياخذك لب = وصفه عديم وواصف(ن) فيه ما اوفاه فيه الفخامه والوجاهه على تب ( TOP)= منه العجب يولد والاعجاب ف اسراه مناجمه بالمانيا صبته صب = في قالب الالفين واثرت مزاياه من شافه مقفي يقل اب اب اب = ويقول لااقبل ويل ويلي ياويلاه من حد صدامه وحتى اخره هب= تطيح بالسانك يالبي يالباه تقول نوره شبت الشمس به شب = اجلا الظلام ولا انعرف وين وداه ان شافه المومن يقل معجزة رب = وان شافه الكافر يصلب بيمناه منقوش كله من تكلف ومن عبء = في ظاهره فتنه وتفتن خفاياه رفارفه ردف الهنوف الذي نب= منتوقة من طين يوسف مسواه مستخلصه من فل وادي بنا واب = من راسها لاقدامها اه ثم اه واليا اشتغل حسه حمام على حب= من يسمعه يطرب لحسه ومغناه ومرايته واصطبها وصف وجب= كفا خلقه الله من النور يزهاه الخاتم الي عد الالماس به صب= ماجاب شوف الا ومعلوقه اغواه واليا فتحت الباب تحسبك من جب= ظاهر بعد ماكنت الاعمى بدنياه فتحت عينك في خمايل وفي خب= شي ولا في الحلم تحلم وتلقاه في مجلسه تنسى من الام والاب= كل الذي غيره تلاشى وتنساه قبة بساط الريح والنعم من قب= كل المصانع ما انجبت مثل شرواه وصفه مع غيره تقل انه الدب= اللي تزبر شحم متنه وغطاه ووصف غيره عند وصفه كما الضب= ياقل بخت اللي تطاول وجاراه في مشيته ذعذاعةالغربي ان هب= كنه على الما في مسيره وممشاه واليا نهج طرقه وفوق الوطا دب= يلوح برقا يحبل اقصاه بادناه ينكب كنه ناوي مقدمه كب= الوابل الي ضاق سيله بمنحاه وحده ومن قال ان غيره اقل تشب= والله ما مثله لقى الجاه به جاه يسرح به المندوب في حزه(ن) نب = ويوجهه للي من الطيب مجناه يبدي على بالحارث الي من السب = تكرم وفيها الطيب شامخ محياه واخص عيد اللي على المرجله شب = نشمي ينومس في علومه ومبداه اليا وصلته يانديبي فقم حب= خشمه وهو مضمون خطي ومعناه واللي حداني للمناديب ما غب= من يوم يابن سعود شفت القدا تاه المذنب اذنب وانت ماقلت له تب = واليوم معدالي يجيك وتلفاه ياعيد لو ما الطيب في النايفه ذب= ان كان خلا الذيب مرقبه للشاه وهذا رد عيد عليها
قم يانديبي وانت قرم مذرب =شهم تجيب العلم دايم وتحماه من فوق منجوب يجوب الوطا جب =جيب ثلاث ايمان ماالقاء حلاياه حاز الزعامه والفخامه والاعجب =ياماحلا ذكره مع اسمه وطرياه مالك بعد شوفه يكود التعجب =وتدير عينك منذهل من زواياه مهما وصفته بالتواصيف واسهب =عزالله انه ناقص الوصف ما اكفاه مدحه على من ينقد الشعر يصعب =مهما مدح مهما وصف فيه مااجزاه لودار بافكاره وشرق وغرب =يحسبه تمه عزتيله ياعزاه من وارد التويوت جيب مشبب =داخ المصمم لين صمم مزاياه ودور على اسم له ينومس معرب =حتى لقاء الفكسار واسرع وسماه منقوشة في موخره بالمذهب =علامة الجوده تّزين مقفاه له في بلاد الشرق مربي ومنسب =مقطوع سره عندهم مع خوياه وقمت اتفكر والتفاكير تتعب =دورت حل فالتفاكير ماالقاه ياكيف من صمم هذا الجيب غيب =عن احتكارة في بلاده ومرباه وعرفت من يومين مدري على غب =مصنعه عن خدمته ربي اعماه خلاه من سو البخت بس مجلب =يصممه ويكمله ويتحاشاه مثله مثل من طاف عمره ولا انجب =عشرين عام من زواجه ولا اضناه ومن عقب ياسه طاوع ابليس في النهب =ونهب ولد شيخا قطامي من حماه واستغفر الله عقب ما اوثم واذنب =ونوى يتوب ويمسح الله خطاياه وراح بيرجع كل فيده من السلب =وضيع مكان الشيخ من سو بلواه وعود على داره مريضا ومتعب =والورع من فقدة هله يزعج بكاه ودموع عينه فوق خده تصبب =لا مانلومه مختلف عن براياه ومن عقبها كنه على نار تلهب =الورع معه وديرت الشيخ مغداه قال الله يعين وكيف عنه اتهرب =وعزم على ضم الصغير وتبناه وخلاه من زين السوم يتدرب =علم الشكاله في شرابه ومغذاه ويجنبه عن كلمة العيب والشذب =ويخاف من كلمة زهوف تلقاه وربي على الطاعه خدوم مهذب =مافيه مخلوق شجر فيه واذاه حتى غدا قرم شجيعا مشورب =يعرف علو الطيب يوم الله اقداه وشاف التحاقر والكراهه وجنب =عزيز لولا عزته كان ما اجلاه مثله مثل جيب عليه امتعصب =عاف الديار وسموة الشرق خلاه مصنوع لزحول الرياجيل مركب =ولاداج فيه السرسري والخونداه هو عشقت الي فالمدينه ومرغب =وهوغايه الي يسكن البر ومناه اليا مشى مشيه ينومس ويطرب =مثل الملك في مشيته واثق خطاه واليا وقف له هيبة تسلبك سلب =عينك تناظر يمته ماتعداه ماكنك الا عسكريا مصلب =وهوقايدك وانته تدور على ارضاه وبين المواتر هيبة الذيب الاشهب =ذيب طوى بطنه مجاعه وسراه لونه مثل برق الحيا يوم ينقب =في مدخل الوسم اسود الليل ضواه ومن مخزن البنزيم يروى ويشرب =وجم الرديتر يبرد الحر من ماه ومن داخله ماقدم عينك مخشب =خشيب عاج ابدع انسان سواه ان جيت احلى لونها كنه الرب =ابداع ما ظني يجارى مجاراه ومكيفه مع حالة الطقس يقلب =براد وقت القاض وفالبرد ما ادفاه والا المرايا تحت سقفه ومن جنب =طخمة هنوف من نظرها فتح فاه لكنها مع كل لفه ومهذب =رادار يكشف عن خفايا مخفاه وكن كفراته وجه عبد معصب =يبي الاماره لكن الحر يعصاه وجنوطها وسط التواير تجاذب =بدر القمر في منتصف شهر شفناه والا المراتب من حرير مقصب =مطرزه حرفه تزينه وتزهاه ماكنها الا مقعد لوالي الشعب =يامر وينهى منجضع عند مركاه وياكن تمثاله ونوره والاصطب =جواهر على جبينه مغراه واستبنته والونش واكياس تنصب =لوقت الحوادث واللوازم مخلاه والا الوقود بمخزنينه مزهب =ياطول مسرى صاحبه كان عباه وياكن طبلونه من اللول يحسب =والا من كنوز الغناوي شاه شاه وجناح كنه ريش شيهان منصب =من ماكره على الحبارى بمفلاه وفي فزته اليا عطا نازح الدرب =ودريوله عجل بمشيه ولقاه طلقت كلاشنكوف في ساحة الحرب =من يد شقردي ما تكذب رماياه وصوت كفراته لا عطا القايد ستب(stop) =حنت خلوج اوجرت الذيب لعواه واليا شلع له بالدبل يم مرقب =من فوق طعس عجز القير مرقاه كن الطعس تحت التواير مطبطب =وهو يتمخطر مثل عارضت الازياه وياكنها انواره كبوس تكهرب =ومن ليزره كن ازرق اللون يطلاه ثمانيه اسلندر بعد ماتناوب =مزمار بانغام الموسيقى مغناه ومساحتينه لاهمل الوابل وصب =قامت تمايل لين ينضب وتمحاه ودعامته درع المقاتل من الضرب = ورفارفه مع فتحة السقف اويلاه انا اشهد انه خوش مقنا ومكسب =حتى ولو قرر وكيله وغلاه يامن يلوم الي بحبه تعذب =حبه ملك قلبه وبيح خفاياه والا الشبح لو كان منظر ومنصب= يامال فرقا العين يامال مالاه وسط المدن وما على القار ينحب= وفالبر لا تحسب حسابه وتنخاه ماكنه الا شيخ قوم مغرب =اقاموا عليه الحظر في وسط منفاه مهوب مثل الجيب مع كل مذهب =وفي كل درب تنتخيبه وتهقاه اليا نخيته للمواجيب وجب =واليا نصيته حي ابو من تنصاه واليا بغيته فالمطاريش صاحب = من صاحبه هو ضايق الصدر سلاه واليا سمع طاري النوايب توهب =قال اتكل بالله ودربك عرفناه تسلمه يادريوله واصلبه صلب= صلبة حشيم في طرفها مداراه هاود عليه وبعدها طالبك طلب =تنصّ به عثمان واحرص تعداه الصاحب الشغموم السيف الاحدب =من روس قوم بالمراجل مضراه نسل الرجال بساعة العسر والكرب= ياكم وكم من نايد الناس ذراه جاني جوابه من نديبه مرتب =صحة لسانه وبدنه وسلمت يداه ساعه لفاني قمت اهلي وارحب= ومن ساعته عرفت قصده ومغزاه اليا وصلته يانديبي بمكتب =قله يابو ناصي كلام قضيناه حنا بعد ما جا كتابك بمندب= معدال خصمك يالسنافي خذيناه تحر جيتنا من اليوم وارقب =بعد ثلاثه ايام من يومنا ذاه نبي نجيك وكل مكسور ينضب= نبي نجيك وكل مشلوح نرفاه العلم طال وقفلت البيت شيب =ولولا يطولن السوالف شقرناه وفي ختامها عداد من زار يثرب =وعداد من كبر لفرضه وصلاه وعداد من وجه يبي الشام واجنب =صلوا على من حكم الدين وارساه
التعديل الأخير تم بواسطة نواف الشدّادي ; 13 Aug 2006 الساعة 12:39 AM
|
13 Aug 2006, 12:24 AM | [ 2 ] | |||||||
عضوة متميزة
|
نواف لم نزل نضمأ على ما تاتي به فانت فعلا مميز الشكر لك ..... |
|||||||
|
||||||||
13 Aug 2006, 12:27 AM | [ 3 ] | ||||||||
عضو متميز
|
إبداع إبداع ابداع يسلم راسك اخوي نواف على النقل الرائع والجميل صح لسان الشاعر عثمان الشهري وصح لسان الشاعر عيد الشدادي فعلا اخوي قصيدتين ولا اروع من كذا واختيار يدل على ذوق رفيع في اختيار القصيده سعدت بمصافحة هذه الرائعتين وشكرا جزيل لك وسلمت تحياتي لك |
||||||||
|
|||||||||
13 Aug 2006, 03:13 PM | [ 4 ] | ||||||||
مؤسس شبكة الشدادين
|
مثل هذه القصائد الطويلة يكون الاستماع إليها أفضل بكثير من قراءتها ..... أتمنى حضورك يا عيد ومشكور أخوي نواف الله يطول في عمرك |
||||||||
|
|||||||||
13 Aug 2006, 03:33 PM | [ 5 ] | ||||||
|
قمة الشعر والإبداع تسلم يانواف على النقل أرق التحايا |
||||||
|
|||||||
13 Aug 2006, 03:51 PM | [ 6 ] | |||||||
شاعر
|
صح لسان الشاعرين عزالله انهم ابدعوا في الوصف من افضل قصائد وصف السيارات بيض الله وجهك يانواااف وتقبل تحياتي |
|||||||
|
||||||||
13 Aug 2006, 06:29 PM | [ 7 ] | |||||||
عضو متألق
|
المستحيله شكرا على المرور والعفو وابشروا بالمواضيع المميزه |
|||||||
13 Aug 2006, 06:32 PM | [ 8 ] | |||||||
عضو متألق
|
سلمت ياخوي بدوي فاهم وصح بدنك واشكرك على الاطراء وشكرا على مرورك |
|||||||
13 Aug 2006, 06:34 PM | [ 9 ] | |||||||
عضو متألق
|
هلالالالابك اخوي السلطان العفو وشكرا على مرورك |
|||||||
13 Aug 2006, 06:35 PM | [ 10 ] | |||||||
عضو متألق
|
سلمت اخوي ناصر واشكرك على مرورك |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يا عزتي للشعر تالي لياله - مساجله | فيصل بن مهرس | بحور القوافي | 14 | 06 Sep 2010 11:35 PM |
مساجله بين ثواب زيد الحارثي\وحميد بن رازن الذيابي | ثواب زيد الحارثي | بحور القوافي | 12 | 04 Jan 2006 01:17 AM |
مساجله بين سحمان بن ملحم السبيعي وثواب بن زيد الحارثي | غشام | بحور القوافي | 8 | 21 Jun 2005 09:41 AM |
مساجله مع الشاعر/فيصل الرياحي {مصافحه اولى} | سهير الليل | بحور القوافي | 12 | 15 Jun 2005 08:50 PM |
|