|
||||||||||||||||||
( الســواقين ) .. والخادمات ..!!
بسم الله الرحمن الرحيم أسعد الله أوقاتكم بالمسرات .. في الآونة الأخيرة لا يكاد يخلو بيت من سائق أو خادمة منزلية إن لم يكن هناك اكثر من سائق أو خادمة في نفس البيت . خلونا نناقش هذه الظاهرة بمبدأ سددوا وقاربوا .. أنا بعطيكم وجهة نظري و أنتم عطوني اللي تشوفونه . في الماضي كانت الخادمات فقط عند الحكام و إلا التجار , يعني الناس اللي يحتاجونهم في ترتيب منزلهم الكبير و عندهم عزائم واستقبالات و ضيوف بشكل مستمر . الآن تجد الشخص يتسلف قيمة استقدام الشغالة , و أيضا الزوجة ساكنة بشقة وما عندها إلا طفل و إلا طفلين وتبي شغالة . وإلا تتدلع عند زوجها تقول الغسيل لعب في ايديني و فصول ( دلع فيصل ) يزعجني بالعزائم و مقدر أنام في البيت من كثر ما يبكي و إلا فلانة موب أحسن مني عندها شغالة و أنا ما عندي << من زين هاليدين يالحساسة , طول عمرك تشتغلين عند أبوك بدون شغالة . وإلا الشغالة بتتحمل فصول أكثر من أمه . المشكلة صار وجود شغالة معيار تفاضل بين الزوجات ودليل على احترام وتقدير الرجل لزوجته , ما يدرون أنه خير دليل على رفالة الزوجة و الشغالة تغطية لعيوب الزوجة يعني سؤالي لهذه الزوجة , طيب أنت لما تزوجتي وش كنتي تتوقعين راح يكون دورك في البيت . هذا باختصار عن الخادمات و أنتم كملوا بعض النقاط .. نروح للسائقين . صراحة أمرهم محيرني جدا ... يعني لو نقول ما نحتاجهم .. راح نفتح نقطة قيادة المرأة للسيارة .. ولما كانوا مزنة و نورة و مضاوي و رفعة و صيتة يركبون خمس مدرسات في باص واحد تلقاهم يشتكون من الزحمة ومن غشامة السواق . طيب لو كل مدرسة لها سيارة كيف بتكون شوارعنا ... اوف اوف يا ساتر .. انواع تكدس السيارات و أنواع الحوادث لأن مزنة مأخذه الليسن بالواسطة ( أبوها يشتغل بالمرور ) . و إلا كل ما طق برأسها مشوار دقت على كومار ولا طقت لأبو العيال خبر << ما راح يقول شي لو يدري . موضوع متشعب و أنا ناوي أحل هالمشاكل بس يبغالي فرصة .. هل فيه إمكانية تساعدوني في إيجاد حل لهذه المشاكل .
|
04 May 2010, 02:51 AM | [ 2 ] | ||||||||
عضوة متميزة
|
والله من وجهة نظري اشوف الشغاله في شقه صغيره وماعندها الا واحد ماله اي داعي اول شي بتصير الشغاله قلق للعائله الزوج والزوجه ماراح ياخذون راحتهم مع بعض وثاني شي مو يعني اذا ماجبتوا شغاله تخلون كل الشغل فوق راس الزوجه يعني لو الرجال يساعد زوجته كان ماطلبت شغاله يعني انت تخيل انك...... ترتب البيت وتكنسه وتمسحه وتغسل الملابس وتنشرها وتكوي وتغسل الاواني وتمسحها وترجعها وتركض ورى الصغار وتنظفهم وتلبسهم وغداء وعشاء وفطور وقهوه وشاهي وغير العزايم والحاله حاله بالله وش بتلحق ووش بتخلي واصلا انتم يالرجاجيل لحالكم يبلكم من يسنعكم حوستكم حوسه الشغل هذا كله في كوم وانتم في كوم ثاني <<طولتها صح بإختصار لو الرجال يساعد زوجته وهي ماحست بتعب كان ماطلبت شغاله واول شخص يتضايق من وجود الشغاله هي المرأه وعن نفسي بقوووووه اكره الشغالات ومع هذا عندنا شغالتين هذا بخصوص الشغالات نجي للسواقين بالله الحين لو الله ثم السواقين من اللي بدبر ويسنع اشغالنا والله اذا الرجال عنده استعداد يلبي طلبات زوجته وبناته وخواته لايجيب سواق مو يرفض يجيب سواق وفوق هذا مايسنع اشغال اهله ياجب سواق او يتفضى لاهله عاااااااادل يعطيك العافيه ع الموضوع مررررررررررره روووووعهـ ^_^ |
||||||||
|
|||||||||
04 May 2010, 05:09 AM | [ 3 ] | ||||||||
عضوة متميزة
|
الخادمات والسواقين يعتبرون من أساسيات الحياة لاغنى لنا عنهم وضروري تواجدهم وكل بيت يحتاج لشغل معقوله نقضي عمرنا بالكرف حتى بعهد الرسول صلى الله عليه وسلم كانوا يجيبون خادمات أنا أشوف إن مافيها شيء والمرأة مو مجبرة تقضي يومها كله ع غسيل وكي وطبخ وتلميع أصلاً ماتقدر تلحّق البيوت صارت صعبه شغالتين تكفي وتوفي فيها فمابالك بحرمه لوحدها غير مسؤولية زوجها وعيالها .. وإذا الرجل قادر ع المصاريف ليه يتعّب حرمته بيخلص العمر والشغل ماخلص ... أنا أييدها بشدة إلا لمن كانت حديثة الزواج يعني تصبر كم سنة لحد مايكون عندها ثلاث أطفال أربعة بعدين خلاص تجيب خادمة تساعدها ... السواق أنا أعارضه إلا لعائلة كبيرة مو حرمه عندها كم بزر تجيب لها سواق وبس مافي حل وأصلاً مو مشكلة هي عادي ظاهرة لابد أن توجد في مجتمعاتنا وإحنا مبسوطين عليها فيه أحد يعاف الراحة لاحقين ع الشغل بعدين تسلم ياعادل ولاهنت |
||||||||
|
|||||||||
04 May 2010, 06:10 AM | [ 4 ] | ||||||||
عضو مرشح للإشراف
|
أوم الفزعات .. تشكرين عالمرور و التعليق وبالعكس لو تأخذين عشر صفحات ما نمل من كلامك << لا تصدقين . المفروض .. الرجال يساعد زوجته ( ما يعزم واجد ولا يتقهوى واجد ) و الابناء يساعدون أمهم ( ينظفون غرفتهم و يسنعون ملابسهم ) و البنات .. يساعدون أمهم في الطبخ و الغسيل و الترتيب .. يعني كل هذي ما تغني عن وجود شغالة . المشكلة الآن صار فيه اتكالية من الام والابناء على الخادمة .. ما صار الواحد يقدر يعتمد على نفسه و هلم جرا من السلبيات اللي راح ترتب على ذلك . و أكيد هالبنت بتصير قدوتها أمها وما راح تتعلم ببيت أهلها و بتقول إذا تزوجت بجيب شغالة تكفيني الطبخ و النفخ . السلبيات واجد وراح أذكر بعضها في الردود القادمة تشكراتي ام الفزعات |
||||||||
04 May 2010, 06:20 AM | [ 5 ] | ||||||||
عضو مرشح للإشراف
|
تـــرف .. هلابش حي من جاب طاري النقاش و جابش . من كلامك راح أسوي علاقة بين أربعة أطراف ( الراحة -- الزوج -- الزوج -- الخادمة ) بما أن الخادمة من أساسيات الحياة لأنها توفر الراحة ودنا نخفض هذه العلاقة إلى ثلاثة أطراف بحيث ما تتأثر . راح نلاحظ أن الراحة و الشغالة طرفان أساسيان لكي تكتمل أساسيات الحياة ثم أضف إليهم اما الزوج أو الزوجة . راح نلاحظ أن الزوج أو الزوجة من علاقتهم ببعض كان من الأولويات الحصول على الراحة بأي ثمن لذلك كانت الخادمة التي هي المزود الرئيسي للراحة اهم من احدهما . فلذلك لا ا ستبعد لو يقدم الزوج في الاهمية الخادمة على زوجته . و كذلك ينطبق الكلام بالنسبة للزوجة . أختي ترف اتفق معك أن وجود الخادمة ليس مشكلة في جميع الأحوال , لكنه لا يعتبر من أساسيات الحياة . |
||||||||
04 May 2010, 07:59 AM | [ 6 ] | ||||||
|
مرحبا ,,,, و الله لتبطي تحلها مير خل عني مسوي لي فيها بس على قولتهم سددوا وقاربوا موضوع حلو يبغى لها مخمخه وأنا الحين مصدعة ولي عودة بإذن الله مشكور أخوي ,,, |
||||||
|
|||||||
04 May 2010, 09:44 AM | [ 7 ] | ||||||||
شاعر
|
الخدم جميعهم من خادمات وسواقين شــر لابد منه يمكن أعود للنقاش بعدين اذا رأيت احتدام في وجهات النضر اخوي عادل شكر ا لك |
||||||||
|
|||||||||
04 May 2010, 11:46 AM | [ 8 ] | ||||||||
مؤسس شبكة الشدادين
|
وأنا مع أخي القطري الأصيل شر لا بد منه وأضيف أيضاً للضرورة فقط فهناك من يستقدمهم للمباهاة والتفاخر وبدل الخادمة خادمتين وثلاث وفي الأخير لكل شيء ضريبته شكراً أخي عادل |
||||||||
|
|||||||||
04 May 2010, 06:54 PM | [ 9 ] | ||||||||||||||||||||||||||||
عضو مرشح للإشراف
|
أهلين الريم .. اللي محيرني هل الخدم نعمة أم نقمة .. أيضا ما الذي ساعد في انتشار ذلك . إن شاء الله هالموضوع راح ألقى له حل مناسب بعد دراسة مستفيضة . << عندي مشروعين راح أدرسها بالإجازة 1- الخدم وراح أناقش نتائجه مع وزير العمل << كل شي جائز 2- الطرق السليمة للتدريس في الجامعات بمفهوم الطالب . لاهنت عالمرور |
||||||||||||||||||||||||||||
04 May 2010, 06:58 PM | [ 10 ] | ||||||||||||||||||||||||||||
عضو مرشح للإشراف
|
أهلين قطري أصيل .. ما الذي ساعد في أن يكون الخدم شر لابد منه هل هو تصورنا أم نظرتنا البسيطة .. و ما المعايير التي في نظر من يستقدم الخادمة او السائق جعلتهم تستوجب أن يكونوا فعلا شر لابد منه . حياك الله في كل وقت |
||||||||||||||||||||||||||||