قصيدة ترحيبه وردي عليها

يقول المرزم من منتديات بن شالي

يامرحبا ياراعي العرف والطيب=عداد طيرا في الخضرا حايم
ترحيبةٍ تنشر بروس المراقيب=البيض للجودات وأهل العزايم
يا ابو بدر شوفة طوال الأشانيب=فجر لذرور الشمس جاله علايم
وعن مكسب الأمداح والعز ياذيب=لاني بصايم وانت منته بصايم
ولاهوب حق إنك عن المنتدى تغيب=لو إن بعض الجو ماهو ملايم
تواجدك عند النشاما مكاسيب=ولا ينكر المعروف كود الهلايم
لولا الغلا مارسل عليك المكاتيب=يادرع جنبي في نهار الزحايم
ذكرك وصلني مثل فوحة شذا الطيب=لو ما اعرفك جعلك تعيش بنعايم
يا بو بدر هاذي ثمار الهناديب= من طول الغيبات جاب الغنايم

وهذا ردي عليه

دام البقاء بك يازبون المواجيب= عداد ما ناحت على إيكٍ حمايم
وتبقى عدد ما نسنسن الهباهيب=وافي وفيك أصل الوفا من قدايم
جدك وبوك اهل الكرم والتراحيب=وانته على عز بلامداح قايم
من بيت عزٍ عنكم الشك والريب= محجوب ياجعله على الطيب دايم
يابو محمد كل قولك بترتيب=تقول ياخذ من ضميري رسايم
كانه شربله من شعوري مشاريب=وكانه من إحساسي خذاله دعايم
وتوافق شعور النشاما مهو عيب= العيب ولف افكار غاوي وهايم
نشدتني وانا على سوالك اجيب=فالسوق تعرف حال بايع وسايم
لابد من يومٍ تمل التعاجيب=ويبدي من الجمهور غث ونمايم
والعاقله من يخطي الصح ويصيب=عنده سوا تلبس ثياب وعمايم
والغيب يدري فيه من يعلم الغيب=عالم خفا حوتٍ بلأعماق عايم
وابشر بعزك والردي قله إيهيب=افرح ويخسى من نوالك هزايم
والله ليمشي مشي حرش العراقيب= عليه من ضده حمول عضايم
وعساك سالم مدرسة شعر واديب=تشرف اصحابك نهار الزعايم

عواض بريكان الشلوي

الله يبيض وجيهكم ويرحم والديكم
كفيتوا ووفيتوا وما قصرتوا
والله يحييك أخي العزيز
وشاعرنا المتميز
عواض الشلوي
ولا هنت وصح لسانك

صحت السنتكم وبيض الله وجيهكم

تحياتي

صح السنتكم وعلا شانكم

وبيّض الله وجيهكم

صح السنتكم جميعا

وبيض الله وجيهكم

والله يعطيكم العافيه

تحياتي

صحت ألسنتكم ياعيال العم

كفيتوا وفيتوا

ولاهنتوا جميعاً وبنتظار المزيد منكم

صـــــــح
لسان المرزم
وصح لسانك يابو بدر
قصـايد جــزله ولكن تحتاج
مراجعه وتصحيح بعض الاخطاء
الاملائيه لكي لاتفقد الابيات جمالها
وبالاخص قصيــدة المــرزم اتوقع فيه
خطى في عجز البيت الاول ماني متأكد
لكن في البيت الخامس سقط حرف الميم
ولاهــوب حــق إنك عن الـمـنتدى تغيـب
شهادتي فيك مجروحه يابو بدر
انت شاعر جزل وقصائدك
تنومس تقبل مروري
وفائق احترامي

صحت ألسنتكم يالربع

وافين وعلومكم غانمة

		المشاركة الأصلية بواسطة : السلطان اقتباس
	الله يبيض وجيهكم ويرحم والديكم كفيتوا ووفيتوا وما قصرتوا والله يحييك أخي العزيز وشاعرنا المتميز عواض الشلوي ولا هنت وصح لسانك

هلا ومرحبا اخوي السلطان

ووجهك ابيض والله يرحم والدينك والمسلمين اجمعين

اشكرك على مرورك المميز وكلماتك الطيبه اللتي اعتبرها وسام واتشرف بها

لاهنت الله يبارك فيك ويعطيك العافيه

		المشاركة الأصلية بواسطة : رعد الجبوب اقتباس
	صحت السنتكم وبيض الله وجيهكم تحياتي

هلا ومرحبا اخوي رعد الجنوب

صح بدنك يالغالي

ووجهك ابيض

الله يبارك فيك ويعطيك العافيه