غيروا تخصصي دون علمي ...!!

سلام

اول صاحباتي اتصلو علي وقالو لي هالخبر

قالو غير تخصصاتنا

قلت مستحيل
قالو والله غيرو ثنتين من البنات

وحطوهم احياء

انا انصصدمت دخلت الموقع الا وهم مغيرين تخصصي احياء

وربي انبلهت انصدمت بكيت غصب عنب

طموحي صيدله او طب

شديت حيلي جبت بالثانوي نسبه عاليه

والقدرات نزلت وطيحت كل شئ
دخلت علوم رغبه بالكيمياء


وشديت حيلي بالسنه التحضيري وجبت معدل
2.2من 4
والله كنت مجتهده مره اي شئ يطلبه الدكتور من انشطه اسويه
لكن ظلموني حسبي الله ونعم الوكيل
دخلوني كيمياء وفرحت ويافرحه ماتمت
اليوم ليه ييرو تخصصي
لااحياء
وربي ظلم 12 سنه راحت هباء منثورا
اكلمكم ودموعي بخدي
مو ظلم وحرام
جامعه الطائف ظلمتني مره
لو بيخلوني احياء ببطل الدراسه

تكفون والله امي مادرت ايش اسوي اروح اكلمهم
ولا لا
تكفون ساعدوني

أعوذ بالله ؟!

كيف يغيرون تخصص بدون علم الطالب ؟!!

وش هالنظام التسلطي اللعين ,.

أقول لا تتركين الدراسة ولا شيء بس أكتبي برقيتك وعلى خادم الحرمين وحرضي زميلاتك المتضررات وخلي برقياتكم في يوم واحد سوى
علشان تسوون ضجة في الديوان الملكي والله يعينكم

لا تنسين حرضيهم وأبرقوا على أبو متعب من اليوم أشتغلوا برقيات شكاوي .

.

ياخوي انا سنه تحضيري وخصصوني كيمياء
فجاه قلبو علي وحطوني احياء

كيف نبرق برقياتنا لو اتوسط بااحد ينفع
وربي امي مابترضى كيمياءوبقوه رضت

الله لا يوفقهم
كفايه معيشيننا بخرابه وشمس وحر ومستحملين الا يلعبون
فيننا مانستحملهم
الله لايوفقهم

كيف يغيرون تخصصك بدون علمك
؟؟؟؟
بـ أي قانون هذا ؟

الله لايوفقهم
الكل يشتكي من هالجامعه الخايسه
قهر وربي قهر
بروح لهم السبت واتفاهم معاهم واقول لهم
بس ماراح يرضون اوووف

والله أمر غريب
عليك بالدعاء والاستغفار
وإن شاء الله ربي ينصركم عليهم



على أنه الاحياء يجنن أسألني أنا بكالوريوس أحياء

شداديه ماراح اقولك هالكلام من باب المؤاساة لكن ثقي ثقه تامه ان كل شي مكتوب لك من يوم اول مره صرختي فيها بالدنيا لين اخر كلمة بحياتك

انا كانت رغبتي طب وانقبلت طب و قالوا لي هات اوراقك من الطفولة وهذا حلمي

اليوم أنا ادرس إدارة نظم معلومات الحمد الله صحيح عانيت بالبداية لكن وربي مع الوقت عرفت ان هالتخصص خيره لي

انت روحي كلميهم هذي اول خطوة تقدرين عليها وكلميهم وحاولي تقنعينهم برغبتك

والحل الثاني انا الي اعرفه أن بإمكانك تغير التخصص بعد كل ترم وهالنظام متبع بالجامعات كلها حاولي تاخذين مواد عامة تكون مشتركة بين قسم الكيمياء و قسم الاحياء شدي حيلك فيهم واطلبي تحويل بعد هالترم لقسم الاحياء وكملي دراسه بكذا انت اخذتي تخصصك الي تبغينه وما تأخرتي ترم

وثقي ثقه تامة أن كل شي مكتوب ووالله ان الخيره فيما اختاره الله

واتركي عنك البكاء الحين استغفري ربك و قولي يارب ان كان هالتخصص خير لي يارب اجعل نفسي ترتاح لي وان كان في تخصصي الي تمنيته خيراً لي سهل امر قبولي فيه

امك عادي علميها كوني صريحه من اول خطوة

ودامك سويتي الي عليك كل شي يهون ان شاء الله وتاكدي الله ما يضيع تعب ابن ادم

الله انه يسهل لك مبتغاك و ييسر لك امورك

وعليكم السلام وصباحك خير خيتوه
عادي ياشداديه كل سنه يسونها جامعةالطايف
ومعدلك راح يدخلك كيمياء بأذن الله هدي بالك بس ولاتخافين خيتي بغيرونه ان شاء الله وعادي علمي امك
بس اول شي خلي اخوكي يروح لقسم الرجال ومعه نسخه من الجدول وكرت العايله ويتفاهم معاهم
وترى مره متساهلين قسم الرجال واذا ماغيروه بحاول اكلم لك ابوي يعرف واسطه عندهم قد صار لي نفس الموقف بس ان شاء الله يارب رقم الرجال عنده
وتذكري قبل كل شيءاذا ربي كتب لك الاحياء امكن خيره وعسى الله يوفقك يارب

مشكور اخوي والله يوم كتبت هنا ارتحت كثير لكن الهم بقلبي فتحت الموقع انصدمت
من كيمياء لااحياء
انا يوم قالو لي البنات ماصدقت شفتها وانصدمت
مادري لمن اشتكي لقيتكم اقرب شئ احس يوم قلت نص اللي بقلبي راح
بس حرام الواحد يتمنى وبالاخير يجيه اللي مايبه اااااه بس
ويارب تختار لي الخيره

الجازي انا اكره شئ حفظ وكنت يالثانوي اكره الاحياء وبالسنه التحضيري حايبه فيه مقبول

يارب رحمتك

بروح اكلمهم السبت وبحاول فيهم
انتي جربتي جامعتنا ريتال وشفتي الظلم فيها
الله لايسامحهم
واذا مااقدرت بخلي خالي يروح للعيال واذا مافدادو
يقول لك وسامحيني بتعبك معي
والله تشيلين عني كربه
نصيحه مني اللي بالطائف لايدخلو جامعه الطائف ابد